Isaya 46:1-13
46 Bheli wa khizama,+ Nebho a korama.
A zvifananiso zvabye zvi rwelwe hi zvihari, a zvihari zva ku rwala mindzhwalo,+A ku fana ni zvijumba zvi bindzako a zvihari zvi kareleko.
2 Va korama va tlhela va khizama zvin’we;A va zvi koti ku tlhatlhisa a mindzhwalo;*Niku vona wutsumbu vaya* wukhumbini.
3 “Ndzi ingiseni, n’wina yindlu ya Jakobe, na n’wina n’wentlhe mu seleko va yindlu ya Izrayeli,+N’wina ndzi mu vhunetelako kusukela kupswaliweni ka n’wina ndzi tlhela ndzi mu rwala na ma ha hi lomu khwirini.+
4 Ni wukhosaneni ga n’wina ndzi nga ta cica;+Ni loku mu hi ni wuvhu ndzi ta simama ku mu rwala.
Ndzi ta mu tlakula, ndzi mu rwala ndzi tlhela ndzi mu tlhatlhisa a ku khwatsi hi lezvi ndzi mahako.+
5 Himani mu to ndzi fananisa naye kutani ku ndzi ringanisa naye kutani ku ndzi ecanisa naye,+A ku khwatsi hi loku ho fana ke?+
6 Ku na ni lava va chululako a ouro hi lomu zvikhwameni zvabye;Va peza a prata laha cikalweni.
Va thola a mubethi wa tisimbi, a maha hi zvona a nungungulu.+
Va gumesa va korama va mu khozela.*+
7 Va mu tlakula va mu pinga makatleni yabye;+Va mu tlakula va mu veka wutshan’wini gakwe, a tshama kwalaho.
A nga suki laha a nga vekiwa kona.+
Va mu rilela kanilezvi a nga hlamuli;A nga zvi koti ku tlhatlhisa munhu zvikaratweni.+
8 Alakanyani a mhaka leyi, mu tiya hlanha.
Ehleketani hi yona, n’wina vahambunyeti.
9 Alakanyani a zvilo zvi hundzileko* zva kaleloko,Lezvaku hi mina Nungungulu, a ku na mun’wani.
Hi mina Nungungulu, a ku na mun’wani wo fana na mina.+
10 Kusukela kusanguleni ndzi ranga ndzi wula magumo ya kona,Ndzi hlawutela a zvilo zvi kalako zvi nga se maheka na zva ha hi kule nguvhu,+
Ndziku: ‘A kungo* ga mina gi ta tatiseka,+Ndzi ta maha ni cihi ndzi ci lavako.’+
11 Ndza vitana cinyanyani ci hanyako hi nyama cita hi le mutsuwuka-gambo,+Ni munhu hi le tikweni ga le kule a ta tatisa a kungo* ga mina.+
Ndzi zvi wulile, ndzi ta zvi maha.
Ndzi zvi mahele makungo niku ndzi ta zvi tatisa.+
12 Ndzi ingiseni, n’wina va timbilu to nonoha,N’wina mu tsawukeneko nguvhu ni kululama.
13 Ndzi tshinetile a kululama ka mina laha kusuhani;A ku le kule,Ni kuhanyisa ka mina ku nga ta hlwela.+
Ndzi ta hanyisa Ziyoni, ndzi nyika Izrayeli a kungangamela ka mina.”+
Mitlhamuselo ya lahasi
^ Ku nga zvifananiso lezvi zvi nga rwaliwa hi zvihari.
^ Kutani: “a mihefemulo yabye yiya”.
^ Hi kukongoma: “khizamela”.
^ Hi kukongoma: “zvo sangula”.
^ Kutani: “wusungukati”.
^ Kutani: “wusungukati”.