Isaya 47:1-15
47 Chika, u tshama ntshurini,Wena nhwana,* a nhanyana wa Bhabhuloni.+
Tshama lahasi ko kala ku nga hi na citshamu ca wuhosi,+Wena nhanyana wa vaKaldheya,Hakuva va nga ta ha ku vitana kambe lezvaku u munhu wo chandza ni wo heniwa.
2 Teka cigayo u sila mapa.
Susa a vhewu* ya wena yi fenengetileko nghohe.
Tlhatlha a saya ya wena, u funungula minenge ya wena,
U tlhatuka micongo.
3 A wumbyiri ga wena gi ta funungulwa
Ku woneka a tingana ta wena.
Ndzi ta ti photela;+ i hava a to ndzi betela.*
4 “Loyi a hi tlhatlhisako— A vito gakwe hi Jehovha wa mabutho —Loyi a Basileko wa Izrayeli.”+
5 Tshama u ku hwi, u nghena munyameni,Wena nhanyana wa vaKaldheya;+Va nga ta ha ku vitana lezvaku u Muzindza* wa Mifumo.+
6 Ndzi zangarele a vanhu va mina.+
Ndzi nyenyezisile a tshomba ya mina,+Ndzi va nyikela canjeni ga wena.+
Kanilezvi wena a wu va mahelangi wuxinji.+
Hambu a zvikhosana u zvi tlhatekile a kanga wo bindza.+
7 U te ngalo: “Ndzi tava Muzindza kala kupindzuka.”+
A wu chelangi kota hi zvilo lezvo mbilwini ya wena;Ne a wu alakanyelangi hi magumo ya mhaka.
8 Zwana lezvi, wena u randzako ku ti tsakisa,+
Wena u tshamileko kuruleni, wena u ti byelako mbilwini ya wena, uku:
“Hi mina ndzoce, a ku na mun’wani.+
Ndzi nga tava noni,*
Ne ndzi nga ta tshuka ndzi felwa hi vana.”+
9 Kanilezvi hi citshuketi u ta welwa hi zvilo lezvi zva zvimbiri hi siku galegi ga gin’we:+
U ta felwa hi vana u tlhela uva noni.
Hi lipimo li teleko, zvi ta ku wela+Hi kota ya* wuloyi ga wena go tala ni wontlhe a masalamuso ya wena ya ntamu.+
10 U tsumbile a kubiha ka wena,
Uku: “A ndzi woniwi hi munhu.”
A wutlhari ga wena ni wutivi ga wena zvi ku hambukisile.Mbilwini ya wena u ti byela lezvi: “Hi mina ndzoce, a ku na mun’wani.”
11 Kanilezvi u ta welwa hi khombo;A ku na wuloyi ga wena gi to vhalela a khombo lego.
U ta welwa hi mhango; u nga ta zvi kota ku yi potsa.
U ta jumiwa hi khombo ga ku cima a wu se gi wona.+
12 Simama ni masalamuso ya wena ni wuloyi ga wena go tala,+Legi u ti tsitsiritako ka gona kusukela wusweni ga wena.
Kuzvilava zvi ta ku vhuna;Kuzvilava u ta hlamalisa vanhu.
13 U kolwe hi citshungu ca masungukati ya wena.
Makunu va wa suke va ku ponisa ka,Lava va khozelako a matilo,* va cuwukelako a tinyeleti,+Lava va hlahluvako kuwonekeni ka tihweti tiswaXungetano hi zvilo lezvi zvi to ku wela.
14 Hi nga wonani! Va fana ni tihlanga.
A ndzilo wu ta va hisa.
Va nga ta zvi kota ku ti ponisa* ka ntamu wa malangavi.
Lawo a hi makhala ya ku ti kufumeta hi wona,Ne a hi ndzilo wa ku tshama u wora.
15 Va tava tano a vasalamusi va wena,Lava u tirako navo hi kutitsitsirita kusukela wusweni ga wena.
Va ta pepetseka, a mun’we ni mun’wani aya tlhelweni* gakwe.
I hava a to ku ponisa.+
Mitlhamuselo ya lahasi
^ Kutani: “virgem”.
^ A vhewu i nguwo yo vangamela yi tiriselwako ku ti fenengeta hloko kutani nghohe.
^ Zvi nga maha na zvi wula ku: “loyi ndzi to kumana naye ndzi nga ta mu mahela kusasa”.
^ Kutani: “wasati wo felwa hi nuna”.
^ Zvi nga maha na zvi wula ku: “Hambu lezvi u nga ni”.
^ Zvi nga maha na zvi wula ku: “Lava va avanyisako a matilo; A vahlahluvi va tirisako tinyeleti”.
^ Kutani: “ku ponisa mihefemulo yabye”.
^ Hi kukongoma: “tikweni”.
