Isaya 48:1-22
48 Zwanani lezvi, n’wina yindlu ya Jakobe,N’wina mu ti vitanako hi vito ga Izrayeli,+N’wina mu tako hi lomu matini ya* Judha,N’wina mu hlambanyako hi vito ga Jehovha,+N’wina mu khongelako ka Nungungulu wa Izrayeli,Hambu lezvi mu nga zvi mahiko hi lisine ni kululama.+
2 Hakuva va ti vitana hi vito ga dhoropa go basa+Ni ku hlota ku vhuniwa hi Nungungulu wa Izrayeli,+Loyi a vito gakwe a nga Jehovha wa mabutho.
3 “Ndzi mu byelile kale a zvilo zvi hundzileko.*
Zvi humile hi lomu non’wini wa mina,Ndzi zvi tivekisa.+
Hi citshuketi ndzi no maha cokari, zvi humelela.+
4 Kota lezvi ndzi nga zvi tiva lezvaku u nonohile— Lezvaku a nhamu ya wena i siha wa simbi, ni lezvaku a cikandza* ca wena i kobre+ —
5 Ndzi ku byelile a kaleloko,
Ndzi ku tivisa a timhaka leto na ti nga se maheka,Kasi u nga wuli ku: ‘Zvi mahilwe hi cifananiso ca mina;A cifananiso ca mina ci kehlilweko ni cifananiso ca mina ca simbi* hi zvona zvi layileko lezvo.’
6 U zvi zwile u tlhela u wona zvontlhe lezvi.
Makunu u* nga ta zvi hlawutela ke?+
Kusukela lezvi, ndza ku tivisa a zvilo zviswa,+A zvihundla lezvi u nga kala u nga zvi tivi.
7 Zvo vangiwa zvezvi, a zvi vangiwangi kale,A zvilo zva ku u wa nga se tshuka u zvizwa kala nyamutlha,Kasi u nga wuli ku: ‘E! Ndzi wa sina ndzi zvi tiva.’
8 Ina, a wu se zvizwa,+ ne a wu zvi tivi;A kale a tindleve ta wena ti wa vhalilwe.
Hakuva ndza zvi tiva lezvaku wena u mukanganyisi wa hombe,+Cima u pswaliwa u vitaniwa ku u muhambunyeti wa nayo.+
9 Kanilezvi hi kota ya vito ga mina, ndzi ta ti khoma zangeni ya mina;+Ndzi ta ti khoma kasi ndzi dzundziwa,Ndzi nga ta ku lovisa.+
10 Hi nga wona! Ndzi ku hlutile, kanilezvi na ku nga hi lezvi yi hlutisiwako zvona a prata.+
Ndzi ku hlolile* lomu ka ndzhimbo* wa hombe wa kuxaniseka.+
11 Hi kota ya mina, ina, hi kota ya mina ndzi ta zvi maha.+Hakuva ndzi wa ta ti tsikela yini ndzi nyenyeziswa ke?+
A ndzi nyikeli a wukulu ga mina ka mun’wani.*
12 Ndzi ingise, wena Jakobe, na wena Izrayeli, wena loyi ndzi ku vitanileko.
Hi mina yaloyi wa mun’we.+ Ndzi wa kusangula niku ndzi wa ku kugumesa kambe.+
13 Ndzi zimile a ciseketelo ca misava hi canja ga mina wutsumbu,+Ndzi andlala a matilo hi canja ga mina ga cinene.+
Loku ndzi zvi vitana zvi suka zvita zvontlhe.
14 N’wina n’wentlhe, tlhanganani mu ingisela.
Himani cikari kabye a nga hlawutela a timhaka leti?
Jehovha i mu randzile.+
I ta maha kurandza kakwe hehla ka Bhabhuloni,+Niku a woko gakwe gi ta vhukela a vaKaldheya.+
15 Hi mina ndzi nga zvi wula ndzi tlhela ndzi mu vitana.+
Ndzi mu tisile; a nga ta vhalelwa hi nchumu ndleleni yakwe.+
16 Tshinelani ka mina, muzwa lezvi.
Kusukela kwale kusanguleni a ndzi wulawulangi cihundleni.+
Kusukela ka cikhati zvi nga maheka, ndzi wa hi kona.”
Makunu Jehovha, a Hosi ya Hombe, i rumile mina zvin’we ni moya wakwe.
17 Jehovha, a Mutlhatlhisi wa wena, Loyi a Basileko wa Izrayeli, i ngalo:+
“Mina Jehovha, ndzi Nungungulu wa wena,Loyi a ku gondzisako lezvi zvi ku vhunako,+Loyi a ku rangelako ndleleni leyi u faneleko ku famba hi yona.+
18 Mayiwako loku a wo ingisa a zvileletelo zva mina!+
A kurula ka wena ku wa ta khulunga a ku fana ni congo+Ni kululama ka wena ku wa ta fana ni mavingo* ya bimbi.+
19 A pswalo* wa wena wu wa ta tala a ku fana ni misavaNi vana va wena va wa ta ku khwatsi tindzhoho ta misava.+
A vito gabye gi wa nga ta tshuka gi fuvisiwa kutani ku vhinyiwa mahlweni ka mina.”
20 Humani Bhabhuloni!+
Sukani lomu ka vaKaldheya mu tsutsuma!
Huwelelani na mu yimbelela hi kutsaka! Huwelelani!+
Tivisani a mhaka leyi kala le magemeta-musi ya misava.+
Wulani muku: “Jehovha i tlhatlhisile a nandza gakwe Jakobe.+
21 A va zwangi tora a cikhati leci a nga va rangela lomu zviwuleni.+
I va humesele mati hi lomu ribyeni;I pandzile ribye ku huma mati.”+
22 “A vakubiha a va na kurula”, ku wula Jehovha.+
Mitlhamuselo ya lahasi
^ Zvi nga maha na zvi wula ku: “N’wina mu humako ka pswalo wa”.
^ Hi kukongoma: “zvo sangula”.
^ Kutani: “cimombo”.
^ Kutani: “cifananiso ca mina ci nyekisilweko”.
^ Hi kukongoma: “mu”.
^ Kutani: “ringile”. Zvi nga maha na zvi wula ku: “hlawulile”.
^ Kutani: “fornalha”.
^ Kutani: “A ndzi hlengeli a wukulu ga mina ni mun’wani”.
^ Kutani: “mabyandlati; mavimbi”.
^ Hi kukongoma: “mbewu”.
