Isaya 49:1-26
49 Ndzi ingiseni, n’wina zvihlale,*Mu demba ndleve, n’wina matiko ya le kule.+
Jehovha i ndzi vitanile na ndzi nga se pswaliwa.*+
I kumbukile a vito ga mina na ndza ha hi lomu khwirini ga mamani wa mina.
2 I mahile a nomu wa mina wu fana ni cipadha co kariha,A ndzi fihla lomu ndzhutini wa canja gakwe.+
I ndzi mahile a paxa wu lotilweko,A ndzi fihla lomu cikhwameni cakwe.
3 I te ngalo ka mina: “Wena Izrayeli, u nandza ga mina,+Legi ndzi to kombisa hi gona a wukulu ga mina.”+
4 Kanilezvi mina ndzi te ngalo: “Ndzi tirile mahala.
Ndzi luzile a ntamu wa mina mahala hi zvilo zvi nga hiko kona.
Kanilezvi hakunene loyi a ndzi lamulako hi Jehovha,*Ni nchachazelo wa mina wu le ka Nungungulu wa mina.”+
5 Makunu Jehovha, loyi a ndzi mahileko kusukela khwirini ga mamani kasi ndziva nandza gakwe,I ndzi byelile lezvaku ndzi mu wuyisela Jakobe,Kasi Izrayeli a hlengeletana kakwe.+
Ndzi ta dzundziwa mahlweni ka Jehovha,Ni Nungungulu wa mina i tava ntamu wa mina.
6 I te ngalo: “A zvi eneli ku uva nandza ga mina basiGa ku vhuxa a tixaka ta JakobeNi ku wuyisa a vaIzrayeli lava va ponisilweko.
Kanilezvi ndzi ku nyikele kambe kota kuwonekela ka matiko,+Kasi a kuhanyisa ka mina ku chikela ni le magemeta-musi ya misava.”+
7 Jehovha, a Mutlhatlhisi wa Izrayeli, Loyi a Basileko wakwe,+ i byela loyi a kanyisiwako,*+ loyi a nyenyiwako hi tiko, a nandza ga tihosi, aku:
“A tihosi ti ta zvi wona, ti suka ti yima,Ni tihosana ti ta khizamaHi kota ya Jehovha loyi a tsumbekako,+Loyi a Basileko wa Izrayeli, loyi a ku hlawulileko.”+
8 Jehovha i ngalo:
“Ndzi ku hlamulile hi cikhati ci faneleko,*+Ndzi ku vhuna sikwini ga kuhanyisa;+Ndzi simamile ku ku hlayisa kasi ndzi ku nyikela uva civhumelwano ca tiko,+Kasi u aketa tikoNi ku va maha va teka a titshomba tabye leti ti wonhilweko,+
9 Kasi u byela a zvibochwa, uku: ‘Humani lahandle!’+
Ni lava va nga lomu munyameni,+ uku: ‘Ti wonekeliseni!’
Va taga lomu maruweni;Tindleleni tontlhe leti ku fambako nguvhu vanhu* ku tava wuriselo gabye.
10 Va nga tazwa ndlala, ne hambu kuzwa tora,+Va nga ta tlahuliwa hi kuhisa ne hambu kuswa hi gambo.+
Hakuva loyi a va mahelako wuxinji i ta va rangela,+A va yisa lomu zvibukeni zva mati.+
11 Ndzi ta hundzula a zvitsunga zva mina zvontlhe zviva maruwa,Ni maruwa ya mina ma ta tlakusiwa.+
12 Hi nga wonani! Vata hi le kule,+Hi lava! A van’wani vata hi n’walungu* ni le mupela-gambo,Ni van’wani vata hi le tikweni ga Sinima.”+
13 Kulungelani hi kutsaka, n’wina matilo; na n’wina misava tsakani.+
A zvitsunga zvi wa giye hi kutsaka ka hombe.+
Hakuva Jehovha i chavelele a vanhu vakwe,+A va mahela wuxinji a vanhu vakwe va xanisekako.+
14 Kanilezvi Ziyoni i waku:
“Jehovha i ndzi tsikile,+ ina, Jehovha i ndzi rivele.”+
15 Xana a wasati a nga rivala a cin’wanana cakwe ca ha an’wakoKutani ku nga mu zweli wusiwana a n’wana loyi a humileko hi khwirini gakwe ke?
Hambu loku a vavasati lavo va rivala, mina ndzi nga ta tshuka ndzi ku rivala.+
16 Ndzi ku kehlele lomu mandleni ya mina.
A mimuro ya wena yi mahlweni ka mina contlhe cikhati.
17 A vana va wena va wuya hi kutsutsuma.
Lava va ku wisako ni ku ku hahlula va ta suka ka wena.
18 Tlakusa a matihlo ya wena u cuwuka lomu matlhelweni.
Vontlhe va tlhanganile.+
Vata ka wena.
“A ku khwatsi hi lezvi ndzi hanyako”, ku wula Jehovha,“U ta ambala vontlhe a ku khwatsi zvilo zva ku ti sasekisa hi zvona,U ta va ambala a ku khwatsi hi lezvi a noivha yi mahako.
19 Hambu lezvi a matshamu ya wena ma nga hahlulilwe ma maha ciwula ni tiko ga wena gi maha rumbi,+Gi tava gitsongwani nguvhu kasi ku enela lava va hanyako lomo,+Niku lava va nga kari va ku mita+ va tava kule.+
20 A vana lava va nga pswaliwa cikhatini ca kufelwa ka wena va taku ka wena:‘A wutshamu legi gi tsongwani nguvhu, a gi hi eneli.
Hi nyike wutshamu ga ku tshama kona.’+
21 U ta ti wutisa mbilwini ya wena, uku:‘Himani a nga ndzi pswalela a vana lava?Hakuva mina ndzi wasati a felweko hi vana, ndzi ngon’wa,Niku ndzi khomilwe ndziya wukhumbini.
Himani a va wundlileko?+
Ndzi wa sele ndzoce,+Makunu lava vata hi kwihi?’”+
22 Jehovha, a Hosi ya Hombe, i ngalo:
“Hi nga wonani! Ndzi ta tlakusa a canja ga mina hehla ka matiko,Ndzi tlakusa a sinya ya mina ya cikombiso hehla ka mifumo.+
Va ta neha a vafana va wena na va va tlakulile lomu mawokweni yabye,*Ni vanhanyana va wena na va va pakatsile lomu makatleni yabye.+
23 U ta hlayisiwa hi tihosi,+U an’wisiwa hi tihosana tabye.
Va ta ku khizamela a tinghohe tabye na ti cuwukile lahasi,+Va lazvela a lithuri la mikondzo ya wena.+Makunu wena u ta zvi tiva lezvaku hi mina Jehovha;Lava va rindzelako mina va nga ta wisiwa tingana.”+
24 A nhenha yi nga wutlelwa lava yi va khomileko ke?Ni lava va khomilweko va nga tlhatlhiswa ka munhu wa xapi ke?
25 Kanilezvi Jehovha i ngalo:
“Hambu a vanhu lava va khomilweko hi nhenha va ta wutliwa,+Ni lava va khomilweko hi munhu wa xapi va ta tlhatlhiswa.+
Ndzi ta vhukela lava va ku vhukelako,+Ndzi tlhela ndzi ponisa a vana va wena.
26 Lava va ku xanisako ndzi ta va gisa a nyama yabye wutsumbu,Va ta popiwa hi nkhata wabye a ku khwatsi va no popiwa hi dosi ga vhinyo.
A vanhu vontlhe* va ta zvi tiva lezvaku hi mina Jehovha,+A Muhanyisi wa wena+ ni Mutlhatlhisi wa wena,+A Nyamintamu wa Jakobe.”+
Mitlhamuselo ya lahasi
^ Hi kukongoma: “na ndza ha hi lomu khwirini ga mamani”.
^ Kutani: “ilhas; zvilundzo zva mati”.
^ Kutani: “Jehovha i ta ndzi mahela kululama”.
^ Kutani: “muhefemulo wu kanyisiwako”.
^ Kutani: “cikhatini ca tipswalo”.
^ Zvi nga maha na zvi wula ku: “Ka zvontlhe zvitsungana zva lomu ciwuleni”.
^ Kutani: “norte”.
^ Hi kukongoma: “na va hi zvifuveni zvabye”.
^ Hi kukongoma: “A nyama yontlhe”.
