Isaya 51:1-23
51 “Ndzi ingiseni, n’wina lava mu hlotako kululama,N’wina mu lavetelako Jehovha.
Cuwukani a ribye legi mu nga tsemiwa ka gonaNi mugodhi lowu mu humesilweko ka wona.
2 Cuwukani a papayi wa n’wina Abrahama,Na Sara,+ loyi a mu pswalileko.
Hakuva Abrahama i wa hi mun’we a cikhati ndzi nga mu vitana,+Ndzi no mu katekisa, ndzi mu andzisa nguvhu.+
3 Hakuva Jehovha i ta chavelela Ziyoni.+
I ta chavelela a marumbi yakwe wontlhe.+A ciwula cakwe i ta ci maha ci fana ni Edheni;+Ni misava yakwe ya cihala yi ta ku khwatsi i jardhim ya Jehovha.+
A kutsaka ni kunengela zvi tava lomo,A kubonga ni tisimu to saseka.+
4 Dembani ndleve ka mina, n’wina vanhu va mina,Ndzi ingiseleni, n’wina tiko ga mina.+
Hakuva a nayo wu ta huma hi ka mina,+A kululama ka mina ndzi ta ku yimisa kuva kuwonekela ka matiko.+
5 A kululama ka mina ka tshinela.+
A kuhanyisa ka mina ka chikela,+Ni mawoko ya mina ma ta lamula a matiko.+
A zvihlale* zvi ta tsumba mina,+Zvi rindzela a woko* ga mina.
6 Tlakusani a matihlo ya n’wina mu cuwuka matilweni,Mu tlhela mu cuwuka lahasi misaveni.
Hakuva a matilo ma ta hangalaka a ku khwatsi i musi;A misava yi ta hlakala a ku khwatsi i nguwo,Ni vahanyi va yona va tafa a ku khwatsi zviwunwawunwani.
Kanilezvi a kuhanyisa ka mina ku tava ka pindzukelwa,+Ni kululama ka mina ku nga ta tshuka ku fuva.+
7 Ndzi ingiseni, n’wina mu tivako kululama,N’wina mu nga ni nayo* wa mina timbilwini ta n’wina.+
Mu nga chavi ku poyiliwa hi vanhu va ku vafa,Ne mu nga rurumeli hi kota ya zviruko zvabye.
8 Hakuva va ta giwa hi muhlwa a ku khwatsi i nguwo;A muhlwa wa kuga tinguwo* wu ta va khadamula a ku khwatsi i woya.+
Kanilezvi a kululama ka mina ku tava ka pindzukelwa,Ni kuhanyisa ka mina ku ta simama zvizukulwaneni zvontlhe.”+
9 Vhuka! Vhuka! U ambala ntamu,Wena woko ga Jehovha!+
Vhuka a ku khwatsi hi masikwini ya kaleloko, a ku fana ni ka zvizukulwana zvi hundzileko.
A hi wena u nga pandzelela Rahabhi?*+U tlhava cingondzomu ca lomu bimbini ke?+
10 A hi wena u nga womisa a bimbi, a mati ya hombe ya kueta ke?+
Loyi a nga cica a kueta ka bimbi kuva ndlela ya ku lava va tlhatlhisilweko va famba hi yona ke?+
11 Lava va tlhatlhisilweko hi Jehovha va ta wuya.+
Va tata Ziyoni na va yimbelela hi kutsaka,+Ni kutsaka ku nga mbheliko ku tava tihlokweni tabye.+
Va ta tsaka va tlhela va nengela nguvhu.A cirilo ni miketo zvi ta fuva.+
12 “Hi mina ndzi ku chavelelako.+
Hikuyini u chavako a munhu wa ku i tafa,+Ni n’wana wa munhu loyi a to wuna a ku fana ni byanyi ke?
13 Hikuyini u rivalako Jehovha, a Mumahi wa wena,+Loyi a andlalileko a matilo+ a tlhela a zima a ciseketelo ca misava?
Gontlhe siku u wa tshama hi ku chava a zanga ya loyi a ku xanisako,*A ku khwatsi hi loku a zvi kota ku ku lovisa.
Makunu yi kwihi a zanga ya muxanisi?
14 Loyi a koramileko hi ku bohiwa hi machini i ta hatla a tlhatlhiwa;+A nga tafa hambu ku relela nkeleni,Ne a nga ta vhumala pawa.
15 Kanilezvi hi mina Jehovha, a Nungungulu wa wena,Loyi a vhindlusako bimbi ni ku vhuxa a mavingo* ya gona+— A vito ga mina hi mina* Jehovha wa mabutho.+
16 Ndzi ta chela a magezu ya mina non’wini wa wena,Ndzi ku fenengeta hi ndzhuti wa canja ga mina,+Kasi ndzi yimisa a matilo, ndzi zima a ciseketelo ca misava,+Ndzi byela Ziyoni, ndziku: ‘Wena u tiko ga mina.’+
17 Vhuka! Vhuka! Suka u yima, wena Jerusalema,+Wena u nwileko a kopo ya zanga ya Jehovha yi nga canjeni gakwe.
U nwile a gombe;Ina, u nwile a kopo yi dhedherekisako kala u mbheta.+
18 Ka vana vakwe vontlhe lava a va pswalileko i hava ni mun’we wabye a mu rangelako;Ka vana vakwe vontlhe lava a va wundlileko i hava ni mun’we a mu khomileko hi canja gakwe.
19 U welwe hi zvilo lezvi zva zvimbiri.
Himani a to ku zwela wusiwana?
A kuloviswa ni kuhahlulwa; a ndlala ni cipadha!+
Himani a to ku chavelela?+
20 A vana va wena va titivele.+
Va mbambamele lomu mahandzakanyeni wontlhe ya maruwaA ku fana ni tiyivhu ta khwati ti nga ntlhan’wini.
Va popilwe hi zanga ya Jehovha, a kukawuka ka Nungungulu wa wena.”
21 Hikwalaho, ingisa a mhaka leyi,Wena wasati a xanisekileko ni ku popiwa, kanilezvi na u nga popiwangi hi vhinyo.
22 Jehovha, a Hosi ya wena, a Nungungulu wa wena loyi a lwelako a vanhu vakwe, i ngalo:
“Ndzi ta teka a kopo leyi yi ku dhedherekisako yi nga canjeni ga wena,+A gombe, ina, a kopo ya mina ya zanga;U nga ta ha yinwa kambe.+
23 Ndzi ta yi nyikela canjeni ga vaxanisi va wena,+Lava va nga ku byela* ku: ‘Barama, hi famba hi le hehla ka wena!’
Hikwalaho, a hlanha wa wena u no wu mahisa ku khwatsi misava,Wu ku khwatsi i ruwa ga ku va famba hi gona.”
Mitlhamuselo ya lahasi
^ Kutani: “ntamu”.
^ Kutani: “ilhas; zvilundzo zva mati”.
^ Kutani: “gondziselelo”.
^ Zvi nga maha na zvi wula ku: “A ciwungwani”.
^ Kutani: “a ku randzelako”.
^ Kutani: “A vito gakwe hi”.
^ Kutani: “mabyandlati; mavimbi”.
^ Kutani: “va nga byela muhefemulo wa wena”.
