Isaya 52:1-15
52 Vhuka! Vhuka! Ambala ntamu,+ wena Ziyoni!+
Boha tinguwo ta wena to saseka,+ wena Jerusalema, a dhoropa go basa!
Hakuva ku nga ta ha nghena ka wena a munhu a nga mahiwangiko wukwera* ne munhu wo kala ku hlazveka.+
2 Ti phuhunhe lithuri; suka u tshama citshan’wini, wena Jerusalema.
Tlhatlha tingoti ti bohileko a nhamu ya wena, wena khumbi, a nhanyana wa Ziyoni.+
3 Hakuva Jehovha i ngalo:
“Mu xavisilwe mahala,+Niku mu nga ta tlhatlhiswa hi mali.”+
4 Hakuva Jehovha, a Hosi ya Hombe, i ngalo:
“Kusanguleni a vanhu va mina va no relela vaya Gibhite va ya maha valuveli;+A vaAsiriya va no va xanisa na va nga wonhangi nchumu.”
5 “Makunu ndzi ta kuyini?”, ku wula Jehovha.
“Hakuva a vanhu va mina va tekilwe mahala.
Lava va va fumelako va tshama hi ku maha migiyo ya kuhlula”,+ ku wula Jehovha,“Gontlhe siku, a vito ga mina gi tshama hi ku rukiwa.+
6 Hikwalaho, a vanhu va mina va ta tiva a vito ga mina;+Hikwalaho, ka siku lego va ta zvi tiva lezvaku hi mina ndzi wulawulako.
Hi nga wonani, hi mina!”
7 A yi no kusaseka le zvitsungeni a mikondzo ya loyi a nehako a mahungu ya manene,+Loyi a huwelelako kurula,+Loyi a nehako a mahungu ya manene ya zvilo zva zvinene,Loyi a huwelelako kuhanyisa,Loyi a byelako Ziyoni, aku: “A Nungungulu wa wena i mahile Hosi!”+
8 Hi ngazwa! A varindzeli va wena va kanyuluka.
Va yimbelela hi khatigin’we hi kutsaka,Hakuva va ta zvi wona khwatsi* a cikhati leci Jehovha a to wuyisa Ziyoni.
9 Nengelani, mu yimbelela hi khatigin’we hi kutsaka, n’wina marumbi ya Jerusalema,+Hakuva Jehovha i chavelele a vanhu vakwe;+ i tlhatlhisile a Jerusalema.+
10 Jehovha i funungulile a woko gakwe go basa mahlweni ka matiko wontlhe;+Wontlhe a magemeta-musi ya misava ma ta wona a mitiro ya kuhanyisa* ya Nungungulu wa hina.+
11 Sukani! Sukani! Humani lomo;+ mu nga henyi ne cilo cin’we co kala ku hlazveka!+
Humani cikari kakwe,+ mu ti basisa,N’wina lava mu rwalako a zvibya zva Jehovha.+
12 Hakuva mu nga ta suka na mu chava,Ne hambu ku tsutsuma,Hakuva Jehovha i ta ranga mahlweni ka n’wina,+Ni Nungungulu wa Izrayeli i tava le ndzhako ka n’wina a mu vhikela.+
13 A nandza ga mina+ gi ta maha zvilo hi wutlhari.
Gi ta tlakuswa;Gi ta kuliswa, gi dhumiswa nguvhu.+
14 A ku khwatsi hi lezvi a votala va nga mu cuwuka va hlamala,(Hakuva a nghohe yakwe yi wa gohekile a ku hundza ya van’wani vanhuNi miri wakwe wu wa hundza wa vanhu)
15 Hizvalezvo, i ta hlamalisa a matiko yo tala.+
A tihosi ti ta vhala minomu ya tona* mahlweni kakwe,+Hakuva ti ta wona zvilo zva ku ti wa nga se byeliwa,Ti chela kota hi zvilo zva ku ti wa nga se zvizwa.+
Mitlhamuselo ya lahasi
^ Kutani: “a nga tlulisiwangiko ngoma”.
^ Kutani: “va ta zvi wona hi mahlo”.
^ Kutani: “kuhlula”.
^ Kutani: “ti ta vhumala ni co wula”.
