Isaya 54:1-17
54 “Tsaka, wena wasati wa ngon’wa, wena u nga kala ku pswala!+
Nengela, u kulungela hi kutsaka,+ wena waku a wu se tshuka u lun’wa,+Hakuva a vana va wasati loyi a tsikilweko va tele nguvhuA ku hundza a vana va loyi a nga ni nuna”,*+ ku wula Jehovha.
2 “Anamisa a wutshamu ga tenda ga wena.+
Tshambuluta a tinguwo ta tenda ga tabhernakeli ga wena ga hombe.
U nga ti nyenyeleti, lehisa a tingoti ta tenda ga wena,U tlhela u tiyisa a zvikhongwani zva tenda ga wena.+
3 Hakuva u ta nava uya cineneni ni cibhabheni.
A pswalo wa wena wu ta teka matiko,Niku wu ta hanya lomu madhoropeni ma tsikilweko.+
4 U nga chavi,+ hakuva u nga ta wisiwa tingana;+U nga dhani hakuva u nga ta poyileka.
Hakuva u ta rivala a tingana ta wuswa ga wena,Ni hlomulo wa wunoni ga wena u nga ta ha wu alakanya kambe.”
5 “Hakuva a Mumahi wa wena wa Hombe+ i khwatsi i nuna* ka wena.+A vito gakwe hi Jehovha wa mabutho.Loyi a Basileko wa Izrayeli hi yena Mutlhatlhisi wa wena.+
I ta vitaniwa ku i Nungungulu wa misava yontlhe.+
6 Hakuva Jehovha i ku vitanile a ku khwatsi u wasati a tsikilweko hi nuna, loyi a karatekako moyeni,+A ku fana ni wasati a chadhileko na a ha hi muswa a gumesa a tsikiwa”, ku wula Nungungulu wa wena.
7 “Ndzi ku tsikile zva cikhatana,Kanilezvi hi kota ya wuxinji ga mina ga hombe, ndzi ta ku wuyisa.+
8 Zangeni ya mina ya hombe, ndzi ku fihlele a nghohe ya mina zva cikhatana,+Kanilezvi hi kota ya lirandzo la mina li nga mbheliko la kala kupindzuka, ndzi ta ku mahela wuxinji”,+ ku wula Jehovha, a Mutlhatlhisi wa wena.+
9 “Ka mina, lezvi zvi fana ni masikwini ya Nowa.+
A ku khwatsi hi lezvi ndzi hlambanyileko lezvaku a mati ya Nowa ma nga ta ha yi fenengeta kambe a misava,+Hizvalezvo ndza hlambanya lezvaku ndzi nga ta ha ku zangarela kambe ne hambu ku ku kawuka.+
10 Hakuva a zvitsunga zvi nga susiwa,Ni zvitsungana zvi nga tsekatsekiswa,Kanilezvi a lirandzo la mina li nga mbheliko li nga ta susiwa ka wena,+Ne hambu a civhumelwano ca mina ca kurula ci nga ta tsekatsekiswa”,+ ku wula Jehovha, loyi a ku mahelako wuxinji.+
11 “Wena wasati u xanisekako,+ u bilweko hi cingulo, u kalako u nga hi na muchaveleli,+Ndzi ta veketela a maribye ya wena hi argamasa yo tiya,Ndzi zima a ciseketelo ca wena hi maribye ya safira.+
12 Ndzi ta maha a zvixungwa zva wena hi maribye ya lisima yo pswhuka;*A tinyangwa ta wena ndzi ta ti maha hi maribye yo hatima,*Ni mimbhingano ya wena yontlhe hi maribye ya lisima.
13 Vontlhe a vana va wena va ta gondzisiwa hi Jehovha,+Ni kurula ka vana va wena ku ta andza.+
14 U ta yimisiwa u tiya kululameni.+
A kuxaniseka ku ta susiwa kuva kule na wena,+U nga ta chava nchumu hambu ku dzukisiwa hi nchumu,Hakuva a ku na nchumu wo chavisa wu to ku tshinelela.+
15 Loku a munhu a ku dhumela,A hi mina ndzi to ngha ndzi mu rumile.
Ni wihi a to ku dhumela i tawa hi kota ya wena.”+
16 “Hi mina ndzi vangileko a mubethi wa tisimbi,Loyi a buvhetako a ndzilo wa makhala,Ni ntiro wakwe wu humesa tlhari.
Hi mina kambe ndzi mahileko a mulovisi kasi a lovisa.+
17 A ku na tlhari ni gin’we gi bethelweko a ku vhukela wena gi to humelela;+U ta kona ni lihi lirimi li ku vhukelako kulamulweni.
Leyi hi yona a tshomba ya malandza ya Jehovha,Ni kululama kabye kuta hi ka mina”, ku wula Jehovha.+
Mitlhamuselo ya lahasi
^ Kutani: “n’winyi”.
^ Kutani: “n’winyi”.
^ Kutani: “hi rubis”.
^ Kutani: “maribye ya ndzilo”.
