Isaya 55:1-13
55 N’wina n’wentlhe mu zwako tora,+ ngonani mu tanwa mati!+
N’wina mu kalako mu nga hi na mali, ngonani mu ta xava muga!
Ina, ngonani mu ta xava a vhinyo ni masi+ mahala, na mu nga hakheli nchumu.+
2 Hikuyini mu nge kho mu xakela mali mu xava zvilo zvo kala zvi nga hi zvakuga,*Mu tlhela mu halatela a muholo wa n’wina* hi zvilo zva ku a zvi xurisi ke?
Ndzi ingiseleni khwatsi, muga zvo nandziha,+Mu* ta ti buza hi zvakuga zvo nona.*+
3 Dembani ndleve, muta ka mina.+
Ingisani, mu* ta hanya,Hakunene ndzi ta maha civhumelwano ca pindzukelwa na n’wina+Maringano ni zvikombiso zva lirandzo li nga mbheliko ka Dhavhidha, lezvi zvi tsumbekileko.+
4 Hi nga wonani! Yena ndzi mu mahile kustumunyu+ wa matiko,A murangeli+ ni hosi+ ya matiko.
5 Hi nga wona! U ta vitana a tiko u kalako u nga gi tivi.A vanhu va tiko lava va nga kala va nga ku tivi va ta tsutsumela ka wenaHi kota ya Jehovha, a Nungungulu wa wena,+ Loyi a Basileko wa Izrayeli,Hakuva i ta ku dhumisa.+
6 Hlotani Jehovha na a ha kumeka.+
Mu vitaneni na a ha hi kusuhani.+
7 A wakubiha i wa tsike a ndlela yakwe,+Ni mugohi i wa tsike a maalakanyo yakwe.I wa tlhelele ka Jehovha, i ta mu mahela wuxinji,+Ka Nungungulu wa hina, hakuva i ta mu tsetselela hi kumbhelela.*+
8 “Hakuva a maalakanyo ya mina a hi maalakanyo ya n’wina,+Ni tindlela ta n’wina a hi tindlela ta mina”, ku wula Jehovha.
9 “Hakuva a ku khwatsi hi lezvi a matilo ma tlakukileko a ku hundza misava,Hizvalezvo, ni tindlela ta mina ti tlakukile a ku hundza ta n’winaNi maalakanyo ya mina ma tlakukile a ku hundza ya n’wina.+
10 Hakuva a ku khwatsi hi lezvi a vhula ni gapongo zvi nako hi le tilweni,Zvi nga tlheli na zvi nga se tsakamisa a misava, zvi yi maha yi milisa ni ku hlukisa timbewu,Kasi yi nyika mbewu ka mubyali ni zvakuga* ka mugi,
11 Yi tava tano a mhaka ya mina yi humako non’wini wa mina.+
Yi nga ta tlhelela ka mina mahala,+Kanilezvi hakunene yi ta maha kontlhe a kurandza ka mina,*+Niku handle ko kanakana yi ta tatisa a kungo legi ndzi yi rumeleko gona.
12 Hakuva mu ta huma hi kutsaka,+Mu wuyisiwa hi kurula.+
A zvitsunga ni zvitsungana zvi ta tsaka mahlweni ka n’wina zvi kulungela hi kutsaka,+Ni tisinya tontlhe ta khwati ti taba mandla.+
13 Wutshan’wini ga makhuho ya mimizwa ku ta mila a mijunipero,+Ni wutshan’wini ga zvigetlwani ku ta mila a mirta.
Lezvo zvi ta neha wudhumo ka* Jehovha,+Zviva cikombiso ca pindzukelwa ci to kala ku fuva.”
Mitlhamuselo ya lahasi
^ Hi kukongoma: “pawa”.
^ Kutani: “a mali ya n’wina mu yi dzunukeleko”.
^ Kutani: “A muhefemulo wa n’wina wu”.
^ Hi kukongoma: “hi mafura”.
^ Kutani: “a muhefemulo wa n’wina wu”.
^ Kutani: “nguvhu”.
^ Hi kukongoma: “pawa”.
^ Kutani: “yi ta maha zvontlhe zvi ndzi tsakisako”.
^ Kutani: “zvi ta mu mahela vito”.
