Isaya 57:1-21
57 A wakululama i lovile,Kanilezvi i hava a chelako kota hi zvona mbilwini yakwe.
A vanhu vo tsumbeka va susiwa,*+Kanilezvi i hava a zvi polako lezvaku a wakululama i susilweHi kota ya* khombo.
2 I nghena kuruleni.
Vontlhe lava va fambako kululameni va humula mibhedhini* yabye.
3 “Kanilezvi tshinelani kusuhani,N’wina vana va wasati wa ku loya,N’wina vana va wanuna wa cibhayi ni wasati wa bhemba:*
4 Mu hleka mani?
Himani loyi mu mu ahlamelako nomu, mu mu humesela lirimi ke?
Xana a mu vana va kuwonha,A vana va wukanganyisi,+
5 Lava va vhurako hi kunavela lomu ka tisinya ta hombe,+Lomu ka tisinya tontlhe to tlhuma,+Lava va dayako a vana lomu mikoveni,+Lomu mikovotlweni ya maribye ke?
6 A ciavelo ca wena maribye yo retemuka ya lomu nkoveni.+
Ina, leyo hi yona a tshomba ya wena.
U chulula a munyikelo wa zvakunwa hehla ka wona u tlhela u nyikela zvinyikiwo.+
Ndzi ta xalaliswa* hi zvilo lezvo ke?
7 U longisele a mubhedhi wa wena laha citsungeni ca hombe ci tlakukileko,+U kandziha u ya maha muphahlo.+
8 U vekile a cialakanyiso ca wena le ndzhako ka livati ni le ndzhako ka timhandze ta nyangwa.
U ndzi tsikile u ya ti funungula;U sukile u ya anamisa a mubhedhi wa wena.
U mahile civhumelwano navo.
U no randza ku etlela mubhedhini wabye,+U cuwukela a ciro ca wununa.*
9 U relele uya ka Meleki* na u hi ni mafuraNi perfume yo tala.
U rumile a zvirun’wa zva wena zviya kule,Hikwalaho, u relele Cilahleni.*
10 U ti tsitsiritile u landzela a tindlela ta wena to tala,Kanilezvi a wu wulangi ku: ‘A zvi vhuni nchumu!’
U kumile ntamu wuswa.
Hikwalaho, a wu rereki.*
11 Himani loyi u mu chavileko u rurumelaA kuza u sangula ku hemba?+
A wu ndzi alakanyangi,+
Ne a wu chelangi kota hi zvona.+
A ndzi miyelangi ndziya kule* ke?+
Hikwalaho, a wu ndzi chavangi.
12 Ndzi ta tivisa lezvi wena n’winyi u nge kululama,+ ni mitiro ya wena;+Zvona zvi nga ta ku vhuna nchumu.+
13 Laha u to rila u lava ku vhuniwa,A zvifananiso zva wena lezvi u zvi hlengeleteleko zvi nga ta ku tlhatlhisa.+
Zvontlhe zvi ta kukuletwa hi moya,Zvi buvhetwa hi kuhefemula zviya kule.Kanilezvi loyi a chavelako ka mina i taga a tshomba ya tikoNiku a citsunga ca mina co basa ci ta lumba yena.+
14 Ku ta wuliwa ku ngalo: ‘Bhoxani, Bhoxani ruwa! Longiselani ndlela!+
Susani a zvibho zvontlhe zvi nga ndleleni ya vanhu va mina.’”
15 Hakuva a Wahombe, Loyi a tlakukileko,Loyi a hanyako* kala kupindzuka,+ loyi a vito gakwe gi basileko,+ i ngalo:
“Ndzi hanya ka wutshamu gi tlakukileko ni ga kubasa,+Kanilezvi ndzi hanya kambe ni lava va tshovekileko timbilu ni vanhu va nyalidede,Kasi ku vhuxa a moya wa vanhu va nyalidede,Ndzi tlhela ndzi vhuxa a mbilu ya lava va tshovilweko timbilu.+
16 Hakuva ndzi nga ta va vhukela kala kupindzukaKutani ku tshama ndzi zangarile contlhe cikhati;+Hakuva a moya wa munhu wu nga rereka hi kota ya mina,+Hambu ni zvivangwa zvontlhe zvi hefemulako lezvi ndzi nga zvi vanga.
17 Ndzi no zangara hi kota ya ciwonho cakwe ca ku lava a bhindzu go biha,+Hikwalaho, ndzi no muba, ndzi fihla a nghohe ya mina, ndzi zangara.
Kanilezvi i no simama a nga ingisi,+ a landzela a ndlela ya mbilu yakwe.
18 Ndzi wonile a tindlela takwe,Kanilezvi ndzi ta mu hanyisa+ ndzi mu rangela+Ndzi tlhela ndzi mu chavelela,+ yena ni vanhu vakwe lava va rilako.”+
19 “Ndzi ta vanga a handzu wa minomu.
Lava va nga le kule ni lava va nga laha kusuhani va ta nyikiwa kurula ku nga mbheliko”,+ ku wula Jehovha,“Ndzi tlhela ndzi va hanyisa.”
20 “Kanilezvi a vakubiha va fana ni bimbi gi vhindlukileko legi gi nga ruliko,A mati ya gona ma tshama hi ku humesa a byanyi ga lomu bimbini ni madhaka.
21 A vakubiha a va na kurula”,+ ku wula Nungungulu wa mina.
Mitlhamuselo ya lahasi
^ Zvi nga maha na zvi wula ku: “Ka”.
^ Zvi wulako kufa.
^ Ku nga le cilahleni.
^ Kutani: “bhejwa”.
^ Kutani: “Ndzi ta ti chavelela”.
^ Kuzvilava ku wuliwa a ku khozela a zvifananiso.
^ Zvi nga maha na zvi wula ku: “hosi”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “a wu zvi tsiki”.
^ Kutani: “ndzi fihla timhaka”.
^ Kutani: “tshamako”.
