Isaya 58:1-14
58 “Kanyuluka hi ntamu wa wena wontlhe, u nga ti feleli!
Tlakusa a gezu ga wena a ku khwatsi linanga.*
Huwelela ka vanhu va mina a kuhluwuka kabye,+Ni ka yindlu ya Jakobe a zviwonho zvabye.
2 Va ndzi hlota siku ni siku,Va tsakela ku tiva a tindlela ta mina,A ku khwatsi i tiko gi mahileko kululamaGi nga kala ku tsika a nongameto wa Nungungulu wa gona.+
Va ndzi kombela a ku lamula hi kululama,Va tsaka hi ku tshinela ka Nungungulu, vaku:+
3 ‘Hikuyini u nga hi woniko a cikhati hi pfhungako?*+
Hikuyini u kalako ku hi cuwuka a cikhati hi ti xanisako?’*+
Hakuva hi siku ga kupfhunga ka n’wina, mu ti mahela zva n’wina,*Mu tlhela mu xanisa a zvitiri zva n’wina.+
4 A kupfhunga* ka n’wina ku gumesa hi tiholova ni kulwa,Ni ku banana zva xapi.*
A mu nge pfhungisi lezvi mu pfhungisako zvona nyamutlha a gezu ga n’wina gi zwiwa le tilweni.
5 Hi kona a kupfhunga* loku ku ndzi tsakisako ke?Ka ku giva siku legi a munhu a ti xanisako,*A koramisa a hloko yakwe a ku fana ni cihuvani,A etlela laha ka tisakwa ni laha khumeni?
Hi zvalezvi n’wina venyi mu nge kupfhunga ni siku gi tsakisako Jehovha ke?
6 Ahihi. A kupfhunga* loku ku ndzi tsakisako hi loku:
Ku susa machini ya kubiha,Ni ku tlhatlha tingoti ta kanga;+Ku tsika loyi a xanisekako a famba,+Ni ku tshova mikanga yontlhe hi laha cikari;
7 Ku avelana a zvakuga zva wena ni loyi a zwako ndlala;+Ku neha cisiwana lomu ndlwini ya wena zvin’we ni loyi a nga hava ko tshama kona;Ku mu bohisa tinguwo loyi u mu wonako na a hi cimbyiri,+Ni ku nga fulareli a vamakabye va wena.*
8 Makunu a kuwonekela ka wena ku ta woninga a ku khwatsi kuca,+Ni kuhanyiswa ka wena ku ta chikela hi kuhatlisa.
A kululama ka wena ku ta ranga mahlweni ka wena,Ni kungangamela ka Jehovha ku tava le ndzhako ka wena ku ku vhikela.+
9 U ta vitana, Jehovha a ku hlamula;U ta rila u kombela ku vhuniwa, yena aku: ‘Hi mina loyi!’
Loku u fuvisa kanga cikari ka wena,U tsika a ku xungeta hi titiho ni ku wulawula kubiha,+
10 Loku u nyika loyi a zwako ndlala zvalezvi wenawu u zvi lavako+Ni ku xurisa lava va* vhumalako,Makunu, a kuwonekela ka wena ku ta woninga hambu lomu munyameni,Ni munyama wa wena wu ta ku khwatsi i hlikanhi.+
11 Jehovha i ta ku rangela contlhe cikhati,A ku xurisa* hambu ni lomu tikweni ga cihala;+I ta tiyisa a marambu ya wena,Niku u ta ku khwatsi u jardhim yi tshamako hi ku chetelwa mati,+Ni cibuka ca mati ci nga tshukiko cipswha.
12 Va ta vhuxa a marumbi ya kale hi kota ya wena;+Wena u ta vhuxa a zviseketelo zva zvizukulwana zvi hundzileko.+
U ta vitaniwa ku u meseri wa makhurisi ma khungumukileko+Ni mulungisi wa maruwa ya lomu ku tshamako vanhu.
13 Loku u tsika* ku ti mahela zva wena* hi lezvi ku nga sabhadho, a siku ga mina go basa,+Ni loku uku a sabhadho i siku ga litsako la hombe, a siku go basa ga Jehovha, a siku gi faneleko ku dhumiswa,+U gi dhumisa, u tsika ku ti mahela zva wena ni ku wulawula zvilo zvi nga vhuniko nchumu,
14 U ta kuma litsako la hombe ka Jehovha,Ndzi ta ku fambisa ka matshamu ma tlakukileko ya misava.+
Ndzi ta ku gisa a* tshomba ya Jakobe, a kokwani wa wena,+Hakuva a nomu wa Jehovha wu wulile lezvo.”
Mitlhamuselo ya lahasi
^ Kutani: “khombela”.
^ Kutani: “lezvi zvi tsakisako n’wina”.
^ Kutani: “hi xanisako a muhefemulo wa hina”.
^ Kutani: “jejuwarako”.
^ Kutani: “kujejuwara”.
^ Hi kukongoma: “Ni ku banana hi zvibhakela zva kubiha”.
^ Kutani: “kujejuwara”.
^ Kutani: “a xanisako muhefemulo wakwe”.
^ Kutani: “kujejuwara”.
^ Hi kukongoma: “a nyama ya wena”.
^ Kutani: “mihefemulo yi”.
^ Kutani: “A xurisa muhefemulo wa wena”.
^ Kutani: “Loku u khoma a nenge wa wena”.
^ Kutani: “lezvi zvi tsakisako wena”.
^ Kutani: “Ndzi ta ku maha u ti buza hi”.