Isaya 6:1-13
6 Ka lembe legi hosi Uziya a ngafa hi gona,+ ndzi no wona Jehovha na a tshamile citshan’wini ca wuhosi ci tlakukileko ci nga hehla,+ a nguwo yakwe na yi tatile a tempeli.
2 Hehla kakwe, ku wa yimile a maserafima; a gin’we ni gin’wani gi wa hi ni 6 wa tipapa. A gin’we ni gin’wani gi wa fenengeta a nghohe ya gona hi tipapa timbiri, hi timbiri gi fenengeta mikondzo ya gona, gi puruma hi leti tin’wani ta timbiri.
3 Ma no kanyuluka ka gin’we ni gin’wani, maku:
“I basile, i basile, i basile Jehovha wa mabutho.+
A misava yontlhe yi tele hi kungangamela kakwe.”
4 A zviseketelo zva tivati* zvi no tsekatsekiswa hi guwa ga lava va nga kari va kanyuluka,* niku a yindlu yi no tala hi musi.+
5 Hikwalaho, ndzi te ngalo: “Yowe,
Ndzi file* mino!Hakuva ndzi munhu wa minomu yo kala kuhlazvekaNiku ndzi hanya cikari ka vanhu va minomu yo kala kuhlazveka;+Hakuva a matihlo ya mina ma wonile Hosi, Jehovha wa mabutho!”
6 Zvalezvo a serafima gin’we gi no haha gita ka mina na gi hi ni khala ga ndzilo canjeni ga gona,+ gi nga gi tekile hi pega* laha alatini.+
7 Gi no henya a nomu wa mina, giku:
“Leci ci henyile a minomu ya wena.
Hikwalaho, a nandzu wa wena wu susilwe,Ni ciwonho ca wena ci tsetselelwe.”
8 Hi kulandzela, ndzi nozwa a gezu ga Jehovha, na giku: “Ndzi ta ruma mani, himani a to hi yela?”+ Mina ndziku: “Hi mina loyi! Ruma mina!”+
9 Aku: “Famba u ya byela a vanhu lava, uku:
‘Mu ta phindaphinda ku zvizwa,Kanilezvi mu nga ta zvi zwisisa;Mu ta phindaphinda ku zvi wona,Kanilezvi mu nga ta tiva.’+
10 Tlanyalisa a timbilu ta vanhu lava,+U vhala a tindleve tabye,+U vhala matihlo yabye,Kasi va nga woni hi matihlo yabyeNe kuzwa hi tindleve tabyeKasi va nga zvi zwisisi hi timbilu tabye,Ne ku hundzuluka va hanyiswa.”+
11 Makunu ndzi no wutisa, ndziku: “O Jehovha, kala rini?” Yena aku:
“Kala a madhoropa ma hahluka ma maha marumbi ma ngavi ni muakiNi tiyindlu ti sala ti nga hi na vanhuNi tiko gi hohlolwa gi maha ciwula;+
12 Kala Jehovha a susa vanhu a va yisa kule,+Ni kuhahluka ka tiko kuva ka hombe nguvhu.
13 “Kanilezvi ka ha hi ni mun’we a to sala laha ka 10 wa vanhu, niku ni yaloye kambe i ta hisiwa, a ku fana ni sinya ya hombe ni tule, leti ti tsemiwako ku sala cibho; a cibho leco ci tava mbewu* yo basa.”
Mitlhamuselo ya lahasi
^ Kutani: “zvipimbitsi”.
^ Hi kukongoma: “hi gezu ga loyi a nga kari a kanyuluka”.
^ Hi kukongoma: “Ndzi timekile”.
^ Kutani: “tenaz”.
^ Kutani: “pswalo”.
