Isaya 62:1-12
-
Vito giswa ga Ziyoni (1-12)
62 Hakuva hi kota ya Ziyoni ndzi nga ta miyela;+Hi kota ya Jerusalema ndzi nga ta humulaKala a kululama kakwe ku woninga a ku khwatsi kuwonekela ka hombe,+Ni kuhanyiswa kakwe ku woninga a ku fana ni cikungusa ca ndzilo.+
2 “O wasati, a matiko ma ta wona a kululama ka wena,+Ni tihosi tontlhe ti ta wona a kungangamela ka wena.+
U ta vitaniwa hi vito giswa,+Legi u to chuliwa hi nomu wa Jehovha.
3 U tava cidlodlo* ca kusaseka mandleni ya Jehovha,A turbhanti* ya wuhosi canjeni ga Nungungulu wa wena.
4 U nga ta ha wuliwa kambe lezvaku u wasati a tsikilweko,+Ni tiko ga wena gi nga ta ha wuliwa ku ciwula.+
Kanilezvi u ta vitaniwa ku a Kutsaka ka Mina ku Kakwe,+Ni tiko ga wena gi ta vitaniwa ku Wasati a Chadhileko.
Hakuva Jehovha i ta ku tsakela,Ni tiko ga wena gi ta ku khwatsi wasati a chadhileko.
5 Hakuva a ku fana ni lezvi a jaha gi chadhako ni nhwana,*A vana va wena va ta chadha na wena.
A ku fana ni noivho yi tsakelako a noivha,A Nungungulu wa wena i ta ku tsakela.+
6 Ndzi yimisile a varindzeli hehla ka mimuro ya wena Jerusalema.
Va nga tshuki va miyela, ne ni mumu hambu ni wusiku.
N’wina lava mu wulawulako hi JehovhaMu nga humuli,
7 Mu nga mu tsiki a humula kala a yimisa Jerusalema a tiya,Ina, kala a mu maha wudzundzo ga misava.”+
8 Jehovha i hlambanyile hi canja gakwe ga cinene, hi woko gakwe ga ntamu, aku:
“Ndzi nga ta ha teka a timbewu ta wena ndzi ti nyikela ka valala va wena vaga,Ni vamatiko va nga ta hanwa a vhinyo ya wena ya yiswa leyi u nga yi dzunukela.+
9 Kanilezvi lava va tshovelako timbewu hi vona va toga, va dhumisa Jehovha;Ni lava va kamelako vhinyo va ta yinwa lomu tsendzeleni* wa mina wo basa.”+
10 Tsemakanyani, tsemakanyani hi lomu tinyangweni.
Basisani a ndlela ya vanhu.+
Bhoxani, bhoxani ruwa.
Suselelani a maribye.+
Yimiselani a matiko a sinya ya cikombiso.+
11 Hi nga wonani! Jehovha i huwelele kala magemeta-musi ya misava, aku:
“Byelani a nhanyana wa Ziyoni, muku:‘A kuhanyiswa ka wena kata.+
Hi nga wonani! A nchachazelo wakwe wu na yena,Ni hakhelo leyi a nyikelako yi mahlweni kakwe.’”+
12 Va ta wuliwa ku vanhu va basileko, lava va tlhatlhisilweko hi Jehovha,+Na wena u ta vitaniwa ku u Loyi a Lavetelwako, a Dhoropa gi nga Kala ku Tsikiwa.+
