Isaya 63:1-19
63 Himani loyi a tako hi le Edhomi,+A tako hi le Bhozra+ na a bohile a tinguwo ta mivala yo phatima?*Himani yaloyi a bohileko a tinguwo to ngangamela,A fambako ntan’wini wakwe wa hombe?
“Hi mina, loyi ndzi wulawulako hi kululama,Ndzi nga ni ntamu wa hombe wa kuponisa.”
2 Hikuyini a tinguwo ta wena ti pswhukileko?Hikuyini a tinguwo ta wena ti nge khwatsi ta lava va kamelako mauvha lomu cigowolweni?+
3 “Ndzi kamele vhinyo ndzoce.
A ku na munhu cikari ka matiko a nga hi na mina.
Ndzi no simama ku va kandzihetela zangeni ya mina,Ndzi va fayetela khulweni ga mina.+
A tinguwo ta mina ti no tlhambuketelwa nkhata wabye,Ndzi nyenyezisa a nguwo ya mina yontlhe.
4 Hakuva a siku ga kuphota gi lomu mbilwini ya mina,+Niku a lembe ga ku tlhatlhisa a vanhu va mina gi chikele.
5 Ndzi no tshama ndzi cuwukela, kanilezvi ku wa nga hi na munhu wa ku ndzi vhuna;Ndzi no hlamala hakuva ku wa nga hi na munhu wa ku ndzi seketela.
Hikwalaho, a woko ga mina gi no ndzi hanyisa,*+Ni zanga ya mina yi no ndzi seketela.
6 Ndzi kandzihetele matiko zangeni ya mina,Ndzi va maha va popiwa hi khulo ga mina,+Ndzi halata a nkhata wabye lahasi.”
7 Ndzi ta wulawula hi mitiro ya Jehovha ya lirandzo li nga mbheliko,A mitiro ya Jehovha yo dzundzeka,Hi kota ya zvontlhe lezvi Jehovha a hi maheleko,+Ni zvilo zvo tala zva zvinene lezvi a maheleko a yindlu ya IzrayeliHi kuya hi wuxinji gakwe ni lirandzo lakwe la hombe li nga mbheliko.
8 Hakuva i te ngalo: “Hakunene vona vanhu va mina, a vana lava va to kala va nga tsiki kutsumbeka.”+
Hikwalaho, i nova Muhanyisi wabye.+
9 Zvikaratweni zvabye zvontlhe, i no karateka zvin’we navo.+
Ni cirun’wa cakwe* ci no va ponisa.+
Hi kota ya lezvi a nga kari a va randza ni ku va zwela wusiwana, i no va tlhatlhisa;+I no va tlakula, a va rwala wontlhe a masiku ya kaleloko.+
10 Kanilezvi va no hluwuka+ va bayisisa a moya wakwe wo basa.+
Makunu i no maha nala wabye,+Alwa navo.+
11 Va no alakanya a masiku ya kale,A masiku ya nandza gakwe Mosi, vaku:
“I kwihi Loyi a nga va humesa le bimbini+ ni varisi va ntlhambi wakwe?+
I kwihi Loyi a nga mu chela a moya Wakwe wo basa?+
12 Loyi a mahileko a woko gakwe go ngangamela gi famba zvin’we ni canja ga cinene ga Mosi,+Loyi a avanyisileko a mati mahlweni kabye+Kasi a ti mahela a vito ga kala kupindzuka ke?+
13 I kwihi loyi a nga va tsemakanyisa hi lomu matini ma kwatileko*Kasi va famba va nga ti gumuli,A ku fana ni haxi gi fambako laha libalangeni* ke?
14 A ku fana ni ntlhambi loku wu relela nkoveni,A moya wa Jehovha wu va humutile.”+
Hi zvalezvo u nga va rangelisa zvona a vanhu va wena,Kasi u ti mahela a vito gi dhumileko.*+
15 Cuwuka lahasi na u hi le tilweni u zvi wonaHi wutshan’wini ga wena gi tlakukileko, go basa ni go ngangamela.*
Ku kwihi a kutitsitsirita ka wena ni ntamu wa wena,Ni kuzwela wusiwana+ ni wuxinji ga wena ke?+
A wu ndzi kombangi.
16 Hakuva wena u Papayi wa hina,+Hambu lezvi Abrahama a kalako a nga hi tivi,Ni lezvi Izrayeli a kalako a nga hi alakanyi,O Jehovha, wena u Papayi wa hina.
A vito ga wena hi wena Mutlhatlhisi wa hina wa kaleloko.+
17 O Jehovha, hikuyini u hi tsikako hi hambuka* tindleleni ta wena?
Hikuyini u tsikako a timbilu ta hina ti nonoha, kasi hi nga ku chavi?+
Wuya hi kota ya malandza ya wena,A tixaka ta tshomba ya wena.+
18 A vanhu va wena va basileko va gile a tshomba ya tiko zva cikhatanyana.
A valala va hina va kandzihetele a wutshamu ga wena go basa.+
19 Hi tshamile cikhati co leha na hi ku khwatsi hi vanhu va ku cima a wu se va fumela,Va ku cima a va se vitaniwa hi vito ga wena.
Mitlhamuselo ya lahasi
^ Zvi nga maha na zvi wula ku: “to pswhukisa ku kwezima”.
^ Kutani: “gi no ndzi nyika a kuhlula”.
^ Kutani: “ngilozi yi nga mahlweni kakwe”.
^ Kutani: “matini yo eta”.
^ Kutani: “lomu ciwuleni”.
^ Kutani: “go saseka”.
^ Kutani: “go saseka”.
^ Kutani: “u hi hambukisako”.
