Isaya 8:1-22
8 Jehovha i te ngalo ka mina: “Teka a pulango ga hombe+ u tsala hi maletra yo woneka khwatsi, uku: ‘Maher-Xalal-Hax-Bhaz’.*
2 Niku ngha zvi tiyisiwa ka mina hi ku tsaliwa hi vakustumunyu vo tsumbeka: Mupristi Uriya,+ na Zakariya, a n’wana wa Jebherekiya.”
3 Andzhako ka lezvo, ndzi no hlengela masango ni* muphrofeti wa cisati,* a xura nyimba a pswala a n’wana wa mufana.+ Jehovha aku ngalo ka mina: “Mu chule ku hi Maher-Xalal-Hax-Bhaz,
4 hakuva a mufana na a nga se zvi tiva ku wula ku: ‘Papa!’ ni ku: ‘Mama!’ a titshomba ta Dhamasku ni muphango wa Samariya zvi ta tekiwa mahlweni ka hosi ya Asiriya.”+
5 Jehovha i no tlhela a wulawula na mina, aku:
6 “Kota lezvi a vanhu lava va alileko a mati ma khulungako khwatsi ya le Xilowa*+Va tsakela Rezini ni n’wana wa Remaliya,+
7 Jehovha i ta va tiselaA mati ya ntamu ni ya hombe ya Congo,*Ku nga hosi ya Asiriya+ ni kungangamela ka yona kontlhe.
I ta kandziha hehla ka minonga yakwe yontlheA halakela matlhelweni wontlhe,
8 A swiyela a tiko gontlhe ga Judha.
I ta maha ndambi a hundza, a chikela ni lomu nkolweni;+A tipapa takwe ti tshambulutilweko ti ta fenengeta a kuanama ka tiko ga wena,O Imanuweli!”*+
9 N’wina matiko, vangani khombo, kanilezvi mu ta pandzelelwa.
Zwanani, n’wina n’wentlhe mu tshamako magemeta-musi ya misava!
Ti longiseleni kulwa yimpi,* kanilezvi mu ta pandzelelwa!+
Ti longiseleni kulwa yimpi, kanilezvi mu ta pandzelelwa!
10 Xuxani cikungo, kanilezvi ci ta hohlolwa!
Wulani leci mu ci lavako, kanilezvi ci nga ta maheka,Hakuva Nungungulu i na hina!*+
11 A canja ga Jehovha ga ntamu gi wa hi hehla ka mina, a ndzi tlharihisa kasi ndzi nga landzeli a mahanyela ya vanhu lava, aku:
12 “Lezvi a vanhu lava va nge cikungo, n’wina mu nga zvi wuli ku cikungo!
Mu nga chavi lezvi vona va zvi chavako,Ne mu nga rurumeli mahlweni ka zvona.
13 Jehovha wa mabutho — hi yena yece mu faneleko ku mu wona kota loyi a basileko,+Hi yena loyi mu faneleko ku mu chava,Hi yena loyi a faneleko ku mu rurumelisa.”+
14 I ta ku khwatsi wutshamu go basa,Kanilezvi a tlhela a ku khwatsi i ribye ga ku ti gumula konaNi ribye ga ku ti khunguvanyisa ka gona+Ka tiyindlu timbiri ta ka Izrayeli.I ta ku khwatsi lizinga ni ntlhamuKa vaaki va Jerusalema.
15 A votala cikari kabye va ta ti gumula, vawa, va tshovelekela;Va ta phasiwa, va khomiwa.
16 Bohela a wukustumunyu legi gi tsalilweko;Lema a nayo* cikari ka vapizani va mina!
17 Ndzi ta simama ku rindzela Jehovha,+ loyi a fihlako a nghohe yakwe ka yindlu ya Jakobe+ niku ndzi ta tsumba yena.
18 Hi nga wonani! Mina ni vana lava Jehovha a ndzi nyikileko+ hi fana ni zvikombiso+ ni zvihlamaliso lomu Izrayeli, zva Jehovha wa mabutho, loyi a tshamako Citsungeni ca Ziyoni.
19 Loku a vanhu vaku ka n’wina: “Wutisani a tin’anga ni vavhumbi lava va hlevako ni ku ngurangura”, a vanhu a va faneli ku wutisa a Nungungulu wabye ke? Va nga wutisa a vafileko a timhaka ta vahanyako ke?+
20 Va fanele ku wutisa nayo ni wukustumunyu gi tsalilweko!
Loku va nga wulawuli hi mhaka leyi, a va na kuwonekela.+
21 A mun’we ni mun’wani i ta tsemakanya lomu tikweni na a xaniseka ni kuzwa ndlala;+ hi kota ya ndlala ni kubayiseka, i ta cuwuka hehla a rukatela a hosi yakwe ni Nungungulu wakwe.
22 I ta cuwuka laha misaveni a wona ntsena a hlomulo ni kuphuma, ni madzuvi ni zvikhati zva zvikarato, ni munyama na ku nga hi kuwonekela.
Mitlhamuselo ya lahasi
^ Kuzvilava zvi wula ku: “A tsutsumelako muphango; a tako hi kuhatlisa a ta phanga”.
^ Hi kukongoma: “ndzi no tshinela ka”.
^ Ku nga sati wa Isaya.
^ Xilowa ku wa hi nonga wa mati.
^ Ku nga Congo wa Eufrate.
^ Wona Isaya 7:14.
^ Kutani: “Hlomani”.
^ Hi ciHebheru, a ku “Nungungulu i na hina” ku Immanuel. Wona Isaya 7:14; 8:8.
^ Kutani: “gondziselelo”.
