Isaya 9:1-21
9 Kanilezvi a munyama wa kona wu nga ta fana ni lowu wa cikhati leci a tiko gi nga hi kuxanisekeni, a ku khwatsi hi zvikhatini zva kale, a cikhati leci a tiko ga Zebhuloni ni tiko ga Naftali ma nga chepetiwa.+ Kanilezvi ka masiku ma tako i* ta maha ku a ndlela yi dzundziwa, a ndlela leyi yi nga kusuhani ni bimbi, tikweni ga Jordhani, a Galileya ga matiko.
2 A vanhu lava va nga kari va famba munyameniVa wonile a kuwonekela ka hombe.
Ni lava va nga hanya tikweni ga ndzhuti wo tshisaVa woningelwe hi kuwonekela.+
3 U mahile tiko gi tala hi vanhu;U kulisile a kutsaka ka gona.
Va tsaka mahlweni ka wenaA ku khwatsi vanhu va tsakako cikhatini ca kutshovela,A ku khwatsi hi lava va avelanako muphango na va tsakile.
4 Hakuva u tshoveletele a kanga wa ndzhwalo wabye,Ni nhonga yi nga hi makatleni yabye, a nhonga ya hosana yabye,A ku khwatsi hi lezvi u nga maha ka siku ga Midhiyani.+
5 A mabhota wontlhe lawa ma tsekatsekisako misava a cikhati leci a masochwa ma fambako,Ni tinguwo tontlhe leti ti tsakamileko hi nkhataZvi ta maha tihunyi ta ndzilo.
6 Hakuva hi pswalelwe n’wana,+Hi nyikilwe a n’wana wa mufana;A wuhosi* gi tava makatleni yakwe.+
I ta vitaniwa ku i Sungukati gi Hlamalisako,+ ni Nungungulu wa Ntamu,+ ni Papayi wa Pindzukelwa, ni Hosana ya Kurula.
7 A kuendzeleka ka wuhosi* gakweNi kurula zvi nga tava ni magumo+Hehla ka citshamu ca wuhosi ca Dhavhidha+ ni mufumo wakwe,Kasi ku wu yimisa wu tiya,+ ni ku wu seketelaHi nongameto+ ni kululama,+Kusukela lezvi ni kala kupindzuka.
A kutitsitsirita ka Jehovha wa mabutho ku ta maha lezvo.
8 Jehovha i rumele a mhaka ya ku vhukela Jakobe;Yi wile hehla ka Izrayeli.+
9 A vanhu vontlhe va ta yi tiva— Efrayime ni vahanyi va Samariya —Lava va wulako hi matshandza ni kutikukumukisa ka timbilu tabye, vaku:
10 “A zvitini zvi wile,Kanilezvi hina hi ta aka hi maribye ma vatlilweko.+
A mikuwu yi tsemilwe,Kanilezvi hina hi ta yi vhaleta hi misedhare.”
11 Jehovha i ta vhuxa a valala va Rezini va mu vhukela;I ta kuca a valala vakwe va mu vhukela:
12 Siriya hi le mutsuwuka-gambo ni vaFilistiya hi le mupela-gambo,*+Va ta ahlama a minomu yabye va khadamula Izrayeli.+
Hi kota ya zvontlhe lezvo, a zanga yakwe a yi bohlangi,Kanilezvi wa ha nawulutile a canja gakwe kasi kuba.+
13 Hakuva a vanhu a va tlhelelangi ka Loyi a va bako;A va hlotangi Jehovha wa mabutho.+
14 Jehovha i ta tsema ka IzrayeliA hloko ni mudhoza,* ni dhavi ni cihuvani* hi siku gin’we.+
15 A munhu a khosaheleko ni loyi a chaviwako nguvhu i hloko,Ni muphrofeti loyi a gondzisako mawunwa mudhoza.*+
16 A varangeli va vanhu lava va va pengisa,Niku lava va rangelwako va jujekile kupima.
17 Hikwalaho, Jehovha a nga ta tsakela majaha yabye,Ne a nga ta va zwela wusiwana a vana vabye vo kala vapapayi* ni tinoni,*Hakuva vontlhe vadhuki* ni vamahi va kubiha,+Niku a minomu yontlhe yi wulawula wupumbu.
Hi kota ya zvontlhe lezvo, a zanga yakwe a yi bohlangi,Kanilezvi wa ha nawulutile a canja gakwe kasi kuba.+
18 Hakuva a kubiha ka hisa a ku fana ni ndzilo,Ka hisa a makhuho ya mimizwa ni nyasavari.
Ku ta dzivela a khwati go khwela,Legi a musi wa kona wu to tlakukela hehla kota marefu.
19 Hi kota ya zanga ya Jehovha wa mabuthoA tiko gi lumekelwe ndzilo,Niku a vanhu va tiko va ta maha tihunyi ta wona.
A nga kona a to tsetsa hambu ni makabye wakwe.
20 A mun’we i ta tsema cineneniKanilezvi i ta simama ni ndlala;A mun’wani i taga cibhabheniKanilezvi a nga ta xura.
A mun’we ni mun’wani i taga a nyama ya woko gakwe.
21 Manase i ta khadamula Efrayime,Efrayime a khadamula Manase.
Hi wumbiri gabye va ta vhukela Judha.+
Hi kota ya zvontlhe lezvo, a zanga yakwe a yi bohlangi,Kanilezvi wa ha nawulutile a canja gakwe kasi kuba.+
Mitlhamuselo ya lahasi
^ Ku nga Nungungulu.
^ Kutani: “mufumo”.
^ Kutani: “mufumo”.
^ Hi kukongoma: “hi le ndzhako”.
^ Kutani: “ncila; suluthu”.
^ Zvi nga maha na zvi wula ku: “dhavi ga cindzu kutani lihlanga”.
^ Kutani: “ncila; suluthu”.
^ Kutani: “va felweko hi vapswali”.
^ Kutani: “vavasati vo felwa hi vanuna”.
^ A vadhuki hi lava va fularelako ni ku vhukela a wukhozeli ga lisine.
