Jeremiya 1:1-19
1 Leti timhaka ta Jeremiya,* a n’wana wa Hilkiya, a mun’we wa vapristi va le Anatote,+ tikweni ga Bhenjamini.
2 A mhaka ya Jehovha yi nota kakwe masikwini ya Josiya,+ a n’wana wa Amoni,+ a hosi ya Judha, hi lembe ga wu 13 ga kufuma kakwe.
3 Yi nota kambe masikwini ya Jehoyakimu,+ a n’wana wa Josiya, a hosi ya Judha, kala kumbheleni ka lembe ga wu 11 ga Zedhekiya,+ a n’wana wa Josiya, a hosi ya Judha, hi hweti ya wutlhanu, a cikhati leci Jerusalema a ngaya wukhumbini.+
4 A mhaka ya Jehovha yi nota ka mina, yi taku:
5 “Ndzi ku tivile* na ndzi nga se ku wumba lomu khwirini ga mamani wa wena,+Ndzi ku basisa* na u nga se pswaliwa.+
Ndzi no ku maha muphrofeti wa matiko.”
6 Kanilezvi mina ndzi te: “O Jehovha, Hosi ya Hombe!
A ndzi zvi koti ku wulawula+ hakuva ndza hi cifanyana.”*+
7 Jehovha aku ka mina:
“U nga wuli, uku: ‘Ndza hi cifanyana.’
Hakuva u fanele kuya ka vontlhe lava ndzi to ku ruma ka vona,Niku u ta va byela zvontlhe lezvi ndzi to ku laya.+
8 U nga va chavi,*+Hakuva ‘ndzi na wena kasi ku ku ponisa’,+ ku wula Jehovha.”
9 Makunu Jehovha i no nawuluta canja gakwe a henya nomu wa mina.+ Jehovha aku ka mina: “Ndzi vekile a timhaka ta mina non’wini wa wena.+
10 Nyamutlha ndza ku nyika ntamu hehla ka matiko ni mifumo kasi u tsuwula ni ku khungumula, u lovisa ni ku hahlula, u aka ni ku byala.”+
11 A mhaka ya Jehovha yi nota kambe ka mina, yi taku: “Jeremiya, cini u ci wonako?” Mina ndziku: “Ndzi wona a dhavi ga mendwa.”*
12 Jehovha i te ngalo ka mina: “U zvi wonile khwatsi, hakuva ndzi tshama ndzi hanyanyile kasi ndzi tatisa a mhaka ya mina.”
13 A mhaka ya Jehovha yi nota ka mina hi khati ga wumbiri, yi taku: “Cini u ci wonako?” Ndziku: “Ndzi wona mbita yi vilako* niku a nomu wa yona wu byeketilwe hi le n’walungu* wu cuwuka dzongeni.”*
14 Jehovha aku ka mina:
“A khombo gi ta tlhatlhiwa hi le n’walunguHehla ka vahanyi vontlhe va tiko.+
15 Hakuva “ndzi ta vitanisa a mingango yontlhe ya mifumo ya n’walungu,’ ku wula Jehovha;+‘Yi tata. A wun’we ni wun’wani wu ta yimisa a citshamu ca wona ca wuhosiNyangweni ya tivati ta Jerusalema+Kasi ku vhukela a makhurisi ma randzeleko JerusalemaNi madhoropa wontlhe ya Judha.+
16 Ndzi ta wula a kulamula ka mina hehla kabye hi kota ya kubiha kabye kontlhe,Hakuva va ndzi tsikile,+Niku va tuvikisa a musi wa miphahlo ka van’wani vanungungulu,+Va khizamela mitiro ya mandla ya vona venyi.’+
17 Kanilezvi wena ti longisele,*U suka u va byela zvontlhe lezvi ndzi to ku ruma.
U nga va chavi,+Kasi ndzi nga ku chavisi mahlweni kabye.
18 Hakuva nyamutlha, ndza ku maha dhoropa gi vhikelweko khwatsi,A pilari ga simbi ni makhurisi ya kobre kasi u yimekelana ni tiko gontlhe:+A tihosi ta Judha ni tihosana ta kona,A vapristi va kona ni vanhu va tiko.+
19 Hakunene va talwa na wena,Kanilezvi va nga ta ku hlula,Hakuva ‘ndzi zvin’we na wena+ kasi ku ku ponisa’, ku wula Jehovha.”
Mitlhamuselo ya lahasi
^ Kuzvilava zvi wula ku: “Jehovha wa tlakusa”.
^ Kutani: “Ndzi ku veka hi tlhelo”.
^ Kutani: “Ndzi ku hlawulile”.
^ Kutani: “muswa”.
^ Kutani: “U nga chavi tinghohe tabye”.
^ Hi kukongoma: “ga loyi a vhukako”.
^ Hi kukongoma: “yi vhuretelwako”, zvi kombako lezvaku a ndzilo lowu wu nga lahasi ka yona wa hlanganyetwa.
^ Kutani: “norte”.
^ Kutani: “sul”.
^ Hi kukongoma: “tiyisa ciwunu ca wena”.