Jeremiya 16:1-21
16 A mhaka ya Jehovha yi nota kambe ka mina, yi taku:
2 “U nga teki sati, ne u nga pswali a vafana ni vanhanyana wutshan’wini legi.
3 Hakuva xungetano hi vafana ni vanhanyana lava va pswaliwako lomu, ni vamamani lava va va pswalako, ni vapapayi lava va va pswalako tikweni legi, Jehovha i ngalo:
4 ‘Va ta dawa hi mababyi ma dayako,+ kanilezvi i hava a to va rila hambu ku va lahla. Va ta maha citromu laha misaveni.+ Va ta lova hi cipadha ni ndlala,+ niku a zvirumbi zvabye zvi ta giwa hi zvinyanyani zva matilo ni zvihari zva laha misaveni.’
5 Hakuva Jehovha i ngalo:‘U nga ngheni lomu ndlwini ya cirilo,*U nga fambi u ya rila kutani ku va chavelela.’+
‘Hakuva ndzi susile a kurula ka mina cikari ka vanhu lava’, ku wula Jehovha,‘Ni lirandzo la mina li nga mbheliko ni wuxinji.+
6 A vahombe ni vatsongwani va tafa tikweni legi.
Va nga ta lahliwa.I hava a to va rila.Ne a nga kona a to ti tsemelela kutani ku halula a hloko yakwe hi kota yabye.*
7 I hava a to va nyika zvakuga lava va nga cirilweni,Kasi ku va chavelela hi kota ya lezvi va felweko;Ne a nga kona a to va nyika a kopo ya kuchavelelaKasi vanwa hi kota ya lezvi va nga felwa hi papayi wabye kutani mamani wabye.
8 U nga ngheni ndlwini leyi ku mahiwako mubuzoU tshama uga navo ni kunwa navo.’
9 “Hakuva Jehovha wa mabutho, a Nungungulu wa Izrayeli, i ngalo: ‘Wutshan’wini legi, ndzi ta fuvisa a guwa ga litsako ni kunengela, a gezu ga noivho ni gezu ga noivha, masikwini ya wena ni kuwoneni ka wena.’+
10 “A cikhati leci u to byela vanhu a timhaka tontlhe leti, va ta ku wutisa vaku: ‘Hikuyini Jehovha a lavako ku hi nehela a khombo legi gontlhe ga hombe? Cini hi mu goheleko niku cini hi mu wonheleko Jehovha, Nungungulu wa hina ke?’+
11 U ta va hlamula, uku: ‘“Hi lezvi a vakokwani va n’wina va ndzi tsikileko”,+ ku wula Jehovha, “va landzela van’wani vanungungulu, va va tirela ni ku va khizamela.+ Kanilezvi mina va ndzi tsikile, ni nayo wa mina a va wu hlayisangi.+
12 N’wina mu maha zvakubiha a ku hundza a vakokwani va n’wina.+ A mun’we ni mun’wani wa n’wina i landzela a kunonoha ka mbilu yakwe yo biha, a tsika ku ndzi ingisa.+
13 Hikwalaho, ndzi ta mu hlongola tikweni legi, ndzi mu yisa ka tiko legi n’wina ni vakokwani va n’wina mu kalako mu nga gi tivi.+ Seyo mu ta ya tirela van’wani vanungungulu, mumu ni wusiku,+ hakuva ndzi nga ta mu mahela wuxinji.”’
14 “‘Hambulezvo, a masiku mata’, ku wula Jehovha, ‘laha va to kala va nga ha wuli ku: “A ku khwatsi hi lezvi Jehovha a hanyako, loyi a humesileko a vanhu va ka Izrayeli tikweni ga Gibhite!”,+
15 kanilezvi va to: “A ku khwatsi hi lezvi Jehovha a hanyako, loyi a humesileko a vanhu va ka Izrayeli tikweni ga n’walungu* ni matikweni wontlhe lawa a nga va hangalasile ka wona!” Ndzi ta va wuyisa tikweni gabye legi ndzi nyikileko a vakokwani vabye.’+
16 ‘Ndzi ta vitanisa vakukuti vo tala’, ku wula Jehovha,‘Va ta va kukuta.
Andzhako ka lezvo, ndzi ta vitanisa a vahloti vo tala,Va ta va hlota lomu zvitsungeni zvontlhe ni lomu zvitsunganeni zvontlheNi lomu timhakweni ta maribye.
17 Hakuva a matihlo ya mina ma wona zvontlhe va mahako.*
A va fihlalangi mahlweni ka mina,Ni ciwonho cabye a ci tumbelangi matihlweni ya mina.
18 A kuranga, ndzi ta va tlhelisela a hakhelo yontlhe ya cigoho cabye ni ciwonho cabye,+Hakuva va nyenyezisile a tiko ga mina hi zvifananiso zvi nga hanyiko* zva vanungungulu vabye vo nyenyeza,Va tata a tshomba ya mina hi zvilo zvabye zva manyala.’”+
19 O Jehovha, wena u ntamu wa mina ni khokhola ga mina,Lomu ndzi tsutsumelako kona sikwini ga zvikarato,+A matiko ma tata ka wena hi magemeta-musi ya misava,Ma taku: “A vakokwani va hina va kumile tshomba ya mawunwa:A zvilo zvi nga nyawuliko, zvi nga siziko nchumu.”+
20 A munhu a nga ti mahela vanungungulu ke?Lezvo a hi vanungungulu.+
21 “Hikwalaho, ndzi ta va tivisa,Ka khati legi, ndzi ta va maha va tiva a ntamu wa mina ni wukulu ga mina,Va ta zvi tiva lezvaku a vito ga mina hi Jehovha.”
Mitlhamuselo ya lahasi
^ Kutani: “ku mahiwako a mubuzo wa cirilo”.
^ Mikhuwo ya cirilo ya wuhedheni, leyi kuzvilava yi nga mahiwa hi vaIzrayeli lava va kudhuka.
^ Kutani: “norte”.
^ Hi kukongoma: “ma tindleleni tabye tontlhe”.
^ Hi kukongoma: “zvirumbi”.