Jeremiya 2:1-37
2 A mhaka ya Jehovha yi nota ka mina, yi taku:
2 “Famba u ya huwelela tindleveni ta Jerusalema, uku: ‘Jehovha i ngalo:
“Ndza ku alakanya khwatsi a kutitsitsirita ka wena* na wa hi muswa,+Ni lirandzo leli u nga hi nalo a cikhati u nga hi noivha,+Ni lezvi u nga ndzi landzelisa zvona lomu ciwuleni,Tikweni gi nga byaliwangiko timbewu.+
3 Izrayeli i wa basile ka Jehovha,+ a mihandzu yo sangula ya kutshovela kakwe.”’
‘Ni wihi a nga mu khadamula i wa kuma nandzu.
I wa welwa hi khombo’, ku wula Jehovha.”+
4 Zwana a mhaka ya Jehovha, wena yindlu ya Jakobe,Na n’wina mingango yontlhe ya yindlu ya Izrayeli.
5 Jehovha i ngalo:
“Ciwonho muni leci a vakokwani va n’wina va nga ndzi wona naco,+A ku kala va hambuka vaya kule na mina,Va ya landzela a zvifananiso+ zvi nga vhuniko nchumu va ti chipisa ha voce ke?+
6 A va wutisangi, vaku: ‘I kwihi Jehovha,Loyi a nga hi humesa tikweni ga Gibhite,+A hi rangela lomu ciwuleni,Lomu tikweni ga tivala+ ni mikele,Lomu tikweni go woma,+ ga munyama wo tshisa,Tikweni legi ku nga hundziko a muendzi,Lomu tikweni ku nga hanyiko munhu ke?’
7 Ndzi no mu neha tikweni ga tisinya ta mihandzuKasi mu taga a mihandzu ya gona ni zvilo zva gona zva zvinene.+
Kanilezvi mu no nghena mu nyenyezisa a tiko ga mina,Mu cica a tshomba ya mina yiva cilo co nyenyeza.+
8 A vapristi a va wutisangi, vaku: ‘I kwihi Jehovha?’+
A vakhomi va Nayo a va ndzi tivangi,A varisi va ndzi hluwukele,+A vaphrofeti va phrofetile hi Bhaali+Va tlhela va landzela lava va nga zvi kotiko ku vhuna munhu.
9 ‘Hikwalaho, ndza ha ta simama ku mu kecara’,+ ku wula Jehovha;‘Ndzi ta kecara ni vana va vana va n’wina.’
10 ‘Kanilezvi tlhatukani muya zvihlaleni* zva Kitime,+ mu ya wona,
Ina, rumelani munhu Kedhare,+ mu hlolisisa khwatsi;Mu wona ku ku tshukile ku humelela a nchumu wo kota lowu ke.
11 Xana ku tshukile kuva ni tiko gi nga cica a vanungungulu va gona hi lava va nga hiko vanungungulu ke?
Kanilezvi a vanhu va mina va cicile a kungangamela ka mina hi zvilo zvi nga vhuniko nchumu.+
12 Zvi cuwukeni mu zvi hlamala, n’wina matilo;Chavani nguvhu mu rurumela’, ku wula Jehovha,
13 ‘Hakuva a vanhu va mina va mahile zvilo zvimbiri zvo biha:
Va ndzi fularele mina cibuka ca mati ya wutomi+Va ya ti kelela* mathangi,A mathangi ya tifa ma nga tshamiko mati.’
14 ‘Izrayeli ova nandza kutani khumbi yi pswalilweko laha mutini ke?
Makunu hikuyini a nyikelweko kasi a phangiwa?
15 A zvinghalana* zva mu bhongela;+Zvi tlakusile a magezu ya zvona.
Zvi cicile a tiko gakwe giva nchumu wo tshisa.
A madhoropa yakwe ma hisilwe hi ndzilo; a ka ha hanyi munhu lomo.
16 A vanhu va le Nofe*+ ni va le Tahpanesi+ va gile a tshava-tshava ga hloko ya wena.
17 Xana a wu ti nehelangi a khombo legi ha wece,Hi ku tsika Jehovha, a Nungungulu wa wena,+Laha a nga ku rangela ndleleni ke?
18 Makunu hikuyini u navelako kuya Gibhite+U yanwa mati ya Xihore?*
Hikuyini u navelako kuya Asiriya+U yanwa mati ya Congo?*
19 A kubiha ka wena ku fanele ku ku kawuka,Ni kungatsumbeki ka wena ku fanele ku ku laya.
Zvi tive, u zvi wona, lezvi zvi bihisileko zvona ni lezvi zvi bayisisako zvona+A ku tsika Jehovha, a Nungungulu wa wena;A wu ndzi chavangi’,+ ku wula a Hosi ya Hombe, Jehovha wa mabutho.
20 ‘Hakuva ndzi tshovile kanga wa wena kaleloko,+Ndzi phewulela a machini ya wena,
Kanilezvi u te: “Ndzi nga ta ku tirela”,
Hakuva hehla ka zvitsungana zvontlhe ni lahasi ka tisinya tontlhe ta hombe+U etlele kona, u maha wubhayi.+
21 Ndzi ku byalile na u hi vhina*+ wo pswhuka wa mbewu ya yinene;Makunu u cicisile kuyini mahlweni ka mina u maha madhavi ya vhina wa khwati?’+
22 ‘Hambu loku u hlamba hi sodha, u ti totela sabawu yo tala,A nandzu wa wena wu ta simama wu hi noda mahlweni ka mina’,+ ku wula Jehovha, a Hosi ya Hombe.
23 Hikuyini u xinyatako, uku: ‘A ndzi ti nyenyezisangi.
A ndzi landzelangi vaBhaali’?
Alakanya lezvi u nga maha le nkoveni.
Ehleketa hi lezvi u nga maha.Wena u fana ni role ga kati ga kameli,Gi tsutsumako nyamutsutsume giya seno ni seno,
24 A pswele ga mbongola ya khwati gi toloveleko ku hanya lomu ciwuleni,Gi fembetelako a moya hi kuswa hi kunavela ka ku lava matsune.*
Himani a nga gi betelako loku gi thombile ke?
A ku na matsune a to ti karata hi ku gi landza.
Loku gi thombile* va ta gi kuma.
25 U nga tsiki mikondzo ya wena yi famba na yi nga bohangi nchumuNe hambu a nkolo wa wena wu woma hi tora.
Kanilezvi wena u ngalo: ‘E, a zvi vhuni nchumu!+
Ndzi randzene ni vamatiko*+Niku hi vona ndzi to va landzela.’+
26 A ku fana ni tingana ta khamba loku gi khomiwa,Ni yindlu ya Izrayeli yonawu yi wisilwe tingana,Yona, ni tihosi ta yona, ni tihosana ta yona,Ni vapristi va yona ni vaphrofeti va yona.+
27 Va byela sinya, vaku: ‘U papayi wa mina,’+
Ni ribye vaku: ‘Hi wena u nga ndzi pswala.’
Kanilezvi mina vo ndzi fularela, va nga ndzi cuwuki hi tinghohe tabye.+
Kuveni loku va ta welwa hi khombo va taku:‘Suka u hi ponisa!’+
28 Makunu va kwihi a vanungungulu va wena lava u ti maheleko?+
Loku va zvi kota ku ponisa va wa suke va ku ponisa cikhatini ca khombo,Hakuva a vanungungulu va wena Judha va tele a ku fana ni madhoropa ya wena.+
29 ‘Hikuyini mu tshamako hi ku khala hi mina?
Hikuyini n’wina n’wentlhe mu tsikileko ku ndzi ingisa?’+ ku wula Jehovha.
30 Ndzi bile a vana va wena mahala.+
A va vhumelangi a ku layiwa;+A cipadha ca wena ci dayile a vaphrofeti va wena,+A ku fana ni nghala yi hlaselako.
31 N’wina cizukulwana, ehleketani ha n’wece hi mhaka ya Jehovha.
Xana ndzi no mahisa ku khwatsi ndzi ciwula ka IzrayeliKutani tiko ga munyama wo tshisa ke?
Hikuyini a vanhu lava va mina va nge: ‘Hi famba na hi tlhatlhekile,
Hi nga ta ha wuya kambe ka wena’ ke?+
32 A nhwana* a nga rivala a zvilo zvakwe zva ku ti sasekisa hi zvona,Ni noivha yi nga rivala a bhandi ga yona ga lomu cifuveni ke?
Kanilezvi a vanhu va mina va ndzi rivakelwe hi masiku yo tala yaku ne a ma hlayeki.+
33 O wena wasati, u yi longiselisa kuyini a ndlela ya wena hi wutlhari kasi ku hlota lirandzo!
U ti gondzisile a tindlela ta kubiha.+
34 Hambu a tinguwo* ta wena ti tele hi nkhata wa zvisiwana* zvo kala nandzu,+Hambu lezvi ndzi nga kala ku zvi kuma na zvi pandza a yindlu ya wena;Tontlhe a tinguwo ta wena ti na ni nkhata wa zvona.+
35 Kanilezvi u ngalo: ‘A ndzi na nandzu.
Hakunene a zanga yakwe yi sukile ka mina.’
Makunu ndza neha a kulamula hehla ka wenaHakuva u ngalo: ‘A ndzi wonhangi.’
36 Hikuyini u ti vhalako mahlo ka hanyela ga wena ga kungatsumbeki?
U tawa tingana kambe hi Gibhite,+A ku khwatsi hi lezvi u ngawa tingana hi Asiriya.+
37 Hi kota ya cigelo leco kambe u ta huma na u rwele mawoko hlokweni ya wena,+Hakuva Jehovha i fularele lava u nga va tsumba;Va nga ta ku vhuna hi nchumu.”
Mitlhamuselo ya lahasi
^ Kutani: “lirandzo la wena li nga mbheliko”.
^ Kutani: “ilhas; zvilundzweni zva mati”.
^ Kutani: “kehlela”, kuzvilava laha ribyeni.
^ Kutani: “zvinghalana zva malevhu”.
^ Kutani: “Menfisi”.
^ Ku nga nonga wa Congo wa Nilo.
^ Ku nga Congo wa Eufrate.
^ A vhina i sinya leyi yi pswalako mauvha.
^ Kutani: “hi kunavela ka muhefemulo wa gona”.
^ Hi kukongoma: “gi hi hwetini ya gona”.
^ Kutani: “vanungungulu vamatiko”.
^ Kutani: “virgem”.
^ Kutani: “tisaya”.
^ Kutani: “mihefemulo ya zvisiwana”.
