Jeremiya 20:1-18
20 Paxuri, a n’wana wa Imera, a mupristi, loyi kambe a nga hi hosana lomu ndlwini ya Jehovha, i wa ingisela laha Jeremiya a nga kari a phrofeta a zvilo lezvi.
2 Paxuri i noba muphrofeti Jeremiya, a mu fasa laha ka makhotso+ ma nga hi laha Nyangweni ya le Hehla ya Bhenjamini, lomu ndlwini ya Jehovha.
3 Kanilezvi hi mandziko wa kona, a cikhati leci Paxuri a nga tlhatlha Jeremiya laha makhotsweni, Jeremiya i te ngalo kakwe:
“Jehovha i cicile a vito ga wena ga ku Paxuri a ku chula ku Kuchava Matlhelweni Wontlhe.+
4 Hakuva Jehovha i ngalo: ‘Ndzi ta ku maha uva nchumu wo chavisa ka wena n’winyi ni ka vanghana va wena vontlhe; vona va ta wisiwa hi cipadha ca valala vabye na u zvi wona hi matihlo.+ Ndzi ta nyikela a vanhu vontlhe va Judha canjeni ga hosi ya Bhabhuloni; i ta va teka vaya wukhumbini Bhabhuloni, a ya va daya hi cipadha.+
5 Ndzi ta nyikela a wukosi gontlhe ga dhoropa legi, ni zvontlhe zvi nga ka gona, ni zvilo zvontlhe zva lisima zvi nga ka gona, ni titshomba tontlhe ta tihosi ta ka Judha, canjeni ga valala vabye.+ Va ta va phanga, va va khoma, va va yisa Bhabhuloni.+
6 Kanilezvi wena Paxuri ni vontlhe va hanyako mutini wa wena mu taya wukhumbini. U taya Bhabhuloni niku u ta ya fela seyo, u lahliwa seyo zvin’we ni vanghana va wena vontlhe hi kota ya lezvi u va phrofeteleko mawunwa.’”+
7 O Jehovha, u ndzi kalavele, ina, ndzi kalavelwe.
Uve ni ntamu ku ndzi hundza niku u ndzi hlulile.+
Ndzi cihlekiso gontlhe siku;Vontlhe vo ndzi poyila.+
8 Hakuva khati ni khati ndzi wulawulako, ndzi kanyuluka ndzi huwelela, ndziku:“A tihanyi ni kulovisa!”
Hakuva ndza rukiwa ni ku chepetiwa hi kota ya mhaka ya Jehovha gontlhe siku.+
9 Hikwalaho, ndzi te: “Ndzi nga ta ha mu kumbuka kambe,Ndzi nga ta ha wulawula kambe hi vito gakwe.”+
Kanilezvi mbilwini ya mina, a mhaka yakwe yi no fana ni ndzilo wu vhurako na wu vhalelwe lomu ka marambu ya mina,Ndzi karele hi ku yi khoma;A ndza ha gwenti.+
10 Hakuva ndzi zwile zviwulawula zvo tala zva kubiha;Ndzi randzelwe hi kuchava.+
“Mu vhukeleni; a hi mu vhukeleni!”
Vontlhe lava va ndzi navelelako kurula va rindzela ku ndziwa,+ vaku:
“Kuzvilava i ta phazama a wonha,Hi mu hlula, hi ti photela kakwe.”
11 Kanilezvi Jehovha i wa hi na mina a ku khwatsi musochwa wo chavisa.+
Hikwalaho, lava va ndzi xanisako va tawa, va nga ta hlula.+
Va ta wisiwa tingana ta hombe, va nga ta humelela.
A tingana tabye ta pindzukelwa ti nga ta rivaliwa.+
12 Kanilezvi wena Jehovha wa mabutho, wa hlola valulamileko,U wona a maalakanyo ma etileko* ni mbilu.+
Ngha ndzi ku wona na u ti photela kabye,+Hakuva ndzi nyikele a mhaka ya mina ka wena.+
13 Yimbelelani ka Jehovha! Dhumisani Jehovha!
Hakuva i tlhatlhisile cisiwana* canjeni ga vamahi va kubiha.
14 Gi wa rukatelwe a siku legi ndzi nga pswaliwa hi gona!
A siku legi mamani a nga ndzi pswala hi gona gi nga katekiswi!+
15 I wa rukatelwe a munhu loyi a nga neha mahungu ya manene ka papayi, a taku:
“U pswalelwe n’wana wa mufana!”
A mu maha a tsaka nguvhu.
16 A munhu loye i wa fane ni madhoropa lawa Jehovha a ma hahlulileko a nga ma tsetsi.
Ni mixo i wazwe tinyandha, ni hlikanhi azwa a guwa ga yimpi.
17 Hikuyini a nga kala ku ndzi daya lomu khwirini ga mamani,Kasi mamani a maha cilahla ca minaA tshama a hi ni nyimba ke?+
18 Hikuyini ndzi humileko khwirini ga mamaniKasi ndzi ta wona a kuxaniseka ni hlomulo,A masiku ya mina ma gumesa hi tingana ke?+
Mitlhamuselo ya lahasi
^ Kutani: “kutizwa ka le ndzeni-ndzeni”. Hi kukongoma: “tiswa”.
^ Kutani: “a muhefemulo wa cisiwana”.
