Jeremiya 21:1-14
21 Jeremiya i no amukela a mhaka ya Jehovha a cikhati leci hosi Zedhekiya+ a nga mu rumelela Paxuri,+ a n’wana wa Malkija, na Zefaniya,+ a n’wana wa Maaseya, a mupristi, kasi va ya mu kombela, vaku:
2 “Hi nga hi wutisela ka Jehovha hakuva Nebhukadnezare,* a hosi ya Bhabhuloni, ilwa na hina.+ Kuzvilava Jehovha i ta hi mahela cihlamaliso kasi a suka ka hina.”+
3 Jeremiya i te ngalo kabye: “Byelani Zedhekiya, muku:
4 ‘Jehovha, a Nungungulu wa Izrayeli, i ngalo: “Ndza hundzulusa a matlhari ya yimpi lawa ma nga mandleni ya n’wina ma mu jikela, lawa mu lwako hi wona ni hosi ya Bhabhuloni+ ni vaKaldheya lava va mu randzeleko lehandle ka muro. Ndzi ta va hlengeleta laha cikari ka dhoropa legi.
5 Mina wutsumbu ndzi talwa na n’wina+ hi canja gi nawulutilweko, ni woko ga ntamu, ni zanga, ni khulo, ni civiti ca hombe.+
6 Ndzi taba vahanyi va dhoropa legi, a vanhu ni zvihari. Va ta dawa hi ntungu* wa hombe.”’+
7 “‘“Andzhako ka lezvo”, ku wula Jehovha, “ndzi ta nyikela Zedhekiya, a hosi ya Judha, ni malandza yakwe ni vanhu va dhoropa legi — lava va to pona a ntungu, ni cipadha ni ndlala — canjeni ga Nebhukadnezare,* a hosi ya Bhabhuloni, ni canjeni ga valala vabye, ni canjeni ga lava va hlotako a wutomi* gabye.+ I ta va daya hi cipadha. A nga ta va tsetsa kutani ku va zwela wusiwana, ne hambu ku va mahela wuxinji.”’+
8 “Byela vanhu lava, uku: ‘Jehovha i ngalo: “Ndza veka mahlweni ka n’wina a ndlela ya wutomi ni ndlela ya kufa.
9 Lava va to tshama dhoropeni legi va ta dawa hi cipadha, ni ndlala ni ntungu. Kanilezvi ni wihi loyi a to huma a ya ti nyikela ka vaKaldheya lava va mu randzeleko i ta simama a hanya; i ta ponisa a wutomi* gakwe kota muphango.”’*+
10 “‘“Hakuva ndzi hundzulukele a dhoropa legi kasi ndzi gi nehela khombo, na ku nga hi zvilo zva zvinene”,+ ku wula Jehovha. “Ndzi ta gi nyikela canjeni ga hosi ya Bhabhuloni+ a gi hisa hi ndzilo.”+
11 “‘N’wina va yindlu ya hosi ya ka Judha, zwanani a mhaka ya Jehovha.
12 N’wina yindlu ya Dhavhidha, Jehovha i ngalo:
“Yimelani kululama mixo ni mixo,Mu tlhatlhisa lava va yivelwako canjeni ga vakanganyisi,+Kasi a zanga ya mina yi nga vhuri a ku khwatsi i ndzilo,+Yi vhura yi vhumala ni wa ku yi timela,Hi kota ya mitiro ya n’wina yo biha.”’+
13 ‘Wena u tshamako nkoveni, ndza ku vhukela,Wena ribye ga tiko ga livala’, ku wula Jehovha.
‘Hakuva mu ngalo: “Himani a to relela a ta hi vhukela?
Himani a to dhumela a tiyindlu ta hina?”
14 Ndzi ta mu tsayisaHi kuya hi mitiro ya n’wina’,+ ku wula Jehovha.
‘Ndzi ta lumekela a khwati gakwe gi vhura,Ni ndzilo wu ta hisa zvontlhe zvi nga matlhelweni yakwe.’”+
Mitlhamuselo ya lahasi
^ Hi kukongoma: “Nebhukadrezare”, ku nga tsalela gin’wani ga vito gakwe.
^ Kutani: “mababyi”.
^ Kutani: “muhefemulo”.
^ Hi kukongoma: “Nebhukadrezare”, ku nga tsalela gin’wani ga vito gakwe.
^ Kutani: “muhefemulo”.
^ Kutani: “i ta huluka ni wutomi gakwe”.
