Jeremiya 3:1-25
3 A vanhu va wutisa, vaku: “Loku a wanuna a hlongola a sati wakwe, a sati wakwe a ti fambela, a guma a ya tekana ni mun’wani wanuna, a wanuna loyi a nga mu hlongola a nga tlhelela kakwe kambe ke?”
A tiko lego a gi nyenyeziswangi hi kumbhelela ke?+
“U mahile wubhayi ni vavanuna vo tala,+Makunu lezvi zva ringana ku u wuya ka mina ke?”, ku wula Jehovha.
2 Tlakusa a matihlo ya wena hehla ka zvitsungana, u cuwuka.
Hi kwihi laha u nga kala ku pfinyiwa kona?
U wa tshama lomu maruweni u va lavelela,A ku khwatsi u muArabhiya* lomu ciwuleni.
U no simama ku nyenyezisa tikoHi wubhayi ga wena ni kubiha ka wena.+
3 Hikwalaho, a tivhula ta hombe ti vhalilwe,+Ni kusanguleni ka cimumu a ka hani vhula.
U na ni nghohe* yo kala tingana a ku khwatsi i sati a mahileko wubhayi;Wa ala kuwa tingana.+
4 Kanilezvi zvezvi u rila ka mina, uku:‘Papayi, wena u munghana wa mina kusukela wusweni ga mina!+
5 Xana u ta hi zangarela kala kupindzuka,U hi vekela civiti contlhe cikhati ke?’
Hi zvalezvo u wulako,Kanilezvi u simama ku maha kubiha kontlhe u ku kotako.”+
6 Masikwini ya hosi Josiya,+ Jehovha i te ngalo ka mina: “‘U ku wonile a kungatsumbeki loku Izrayeli a ku mahileko ke? I kandzihile hehla ka zvitsunga zvontlhe zvi tlakukileko a tlhela aya lahasi ka tisinya tontlhe ta hombe a ya maha wubhayi.+
7 Hambu andzhako ka loku a mahile zvontlhe lezvi, ndzi no mu khongotela lezvaku a wuya ka mina+ kanilezvi a nga wuyangi; na Judha i no simama ku cuwukela a makabye wakwe wa mukanganyisi.+
8 A cikhati ndzi nga wona lezvo, ndzi no hlongola Izrayeli, loyi wo kala kutsumbeka, ndzi mu nyika papilo ga ku tlhatlha wukati*+ hi kota ya wubhayi gakwe.+ Kanilezvi a makabye wakwe Judha, loyi wa mukanganyisi, a nga chavangi; yenawu i no huma a ya maha wubhayi.+
9 A nga vangi ni mhaka hi wubhayi gakwe. I no simama ku nyenyezisa tiko a maha wubhayi ni maribye ni tisinya.+
10 Hambu ka zvontlhe lezvo, a makabye wakwe Judha, loyi wa mukanganyisi, a nga wuyangi ka mina hi mbilu yakwe yontlhe, i no fayelisela ntsena’, ku wula Jehovha.”
11 Makunu Jehovha i te ngalo ka mina: “Izrayeli wo kala ku tsumbeka i kombisile kululama ku hundza Judha wa mukanganyisi.+
12 Famba u ya huwelela a timhaka leti le n’walungu:*+
“‘“Wuya ka mina wena Izrayeli a hluwukileko”, ku wula Jehovha.’+ ‘“Ndzi nga ta mu cuwuka na ndzi zangarile+ hakuva ndzi tsumbekile”, ku wula Jehovha.’ ‘“Ndzi nga ta tshama ni civiti kala kupindzuka.
13 Ntsena lezvaku vhumela a nandzu wa wena, hakuva u tsikile ku ingisa Jehovha, a Nungungulu wa wena. U no simama ku hangalasa a wuxinji* ga wena ka vamatiko* lahasi ka tisinya tontlhe ta hombe. A mu zvi lavangi ku ingisa a gezu ga mina”, ku wula Jehovha.’”
14 “N’wina vana va hluwukileko, wuyani ka mina”, ku wula Jehovha. “Hakuva mina ndzi n’winyi wa n’wina wa lisine;* ndzi ta mu teka ndzi mu wuyisa Ziyoni, a mun’we ka dhoropa ni dhoropa, ni vambiri ka lixaka ni lixaka.+
15 Ndzi ta mu nyika a varisi va tsakisako a mbilu ya mina.+ Va ta mu gisa hi wutivi ni wutlhari.
16 Masikwini lawo mu ta andza mu tala lomu tikweni”, ku wula Jehovha.+ “Va nga ta ha wula kambe, vaku: ‘A arke* ga civhumelwano ca Jehovha!’ Gona gi nga ta hata timbilwini tabye, ne hambu ku gi alakanya kutani ku gi xuva; niku gi nga ta ha mahiwa kambe.
17 Cikhatini leco, va ta vitana Jerusalema lezvaku citshamu ca wuhosi ca Jehovha,+ niku a matiko wontlhe ma ta tsombanisiwa vitweni ga Jehovha le Jerusalema;+ va nga ta nonohisa a tinhamu tabye va landzela a timbilu tabye ta kubiha.”
18 “Masikwini lawo a yindlu ya ka Judha ni yindlu ya ka Izrayeli+ ti ta famba zvin’we ti longoloka; ti ta huma zvin’we tikweni ga n’walungu tiya ka tiko legi ndzi nyikileko a vakokwani vabye kota tshomba.+
19 Ndzi waku: ‘A ndzi no ku tsaka hi ku ku veka cikari ka vana va mina, ndzi ku nyika tiko go saseka, a tshomba yo saseka nguvhu a ku hundza yontlhe cikari ka matiko!’*+ Ndzi wa alakanya kambe lezvaku mu ta ndzi vitana ku ‘Papayi!’ niku mu wa nga ta tsika ku ndzi landzela.
20 ‘Kunene, a ku khwatsi i sati loyi a kalako a nga tsumbeki ka nuna* wakwe a tlhela a mu tsika, n’winawu va yindlu ya ka Izrayeli a mu tsumbekangi ka mina’,+ ku wula Jehovha.”
21 Le hehla ka zvitsungana ku zwala guwaGa kurila ni kukhongotela ka vanhu va ka Izrayeli,Hakuva va hambukile ndleleni yabye;Va rivele Jehovha, a Nungungulu wabye.+
22 “Wuyani ka mina, n’wina vana va hluwukileko.
Ndzi ta mu hanyisa a wuhluwuki ga n’wina.”+
“Hi hina lava! Hi wuyile ka wena,Hakuva wena Jehovha u Nungungulu wa hina.+
23 Hakunene a zvitsungana ni guwa ga lomu zvitsungeni a hi zva nchumu.+
Hakunene a kuhanyiswa ka Izrayeli kuta hi ka Jehovha, a Nungungulu wa hina.+
24 Kanilezvi kusukela wusweni ga hina a cilo ca tingana* ciga lezvi a vakokwani va hina va nga zvi dzunukela:+A tiyivhu tabye ni tihomu tabye,A vafana vabye ni vanhanyana vabye.
25 A hi etleleni lahasi tinganeni ta hina,Hi fenengela tona,Hakuva hi wonhele Jehovha, a Nungungulu wa hina,+Hina ni vapapayi va hina, kusukela wusweni ga hina kala nyamutlha,+Niku a hi ingisangi a gezu ga Jehovha, a Nungungulu wa hina.”
Mitlhamuselo ya lahasi
^ Kutani: “munhu a tshamako hi ku rura-rura”.
^ Hi kukongoma: “cikandza”.
^ Kutani: “divórcio”.
^ Kutani: “norte”.
^ Hi kukongoma: “tindlela”.
^ Kutani: “vanungungulu va matiko”.
^ Zvi nga maha na zvi wula ku: “nuna wa n’wina”.
^ Hi kukongoma: “ka mabutho ya matiko”.
^ Hi kukongoma: “munghana”.
^ Kutani: “nungungulu wa tingana”.
