Jeremiya 31:1-40
31 “Ka cikhati leco”, ku wula Jehovha, “ndzi tava Nungungulu wa mingango yontlhe ya Izrayeli, niku vona va tava vanhu va mina.”+
2 Jehovha i ngalo:
“A vanhu lava va nga pona cipadha va mahelwe tipswalo le ciwuleniA cikhati leci Izrayeli a ngaya wutshan’wini gakwe ga kuhumula.”
3 Jehovha i wonekile ka mina hi le kule, aku:
“Ndzi ku randzile hi lirandzo la pindzukelwa.
Hikwalaho, ndzi ku kokile uta ka mina hi lirandzo li nga mbheliko.*+
4 Ndzi ta ku aketa, u vhuxisiwa.+
O wena nhwana* wa Izrayeli, u ta tlhela u teka a mitandanda ya wenaU huma u kina hi kutsaka.+
5 U ta tlhela u byala zvivhina* zvitsungeni zva Samariya;+A vabyali va ta byala va ti buza hi mihandzu ya kona.+
6 Hakuva a siku gata laha a varindzeli le zvitsungeni zva Efrayime va to kanyuluka, vaku:
‘Sukani, a hi kandziheni hiya Ziyoni, ka Jehovha, a Nungungulu wa hina.’”+
7 Hakuva Jehovha i ngalo:
“Kanyulukani, mu tsakela Jakobe.
Kulungelani hi kutsaka hakuva mu hehla ka matiko.+
Huwelelani; dhumisani, muku:‘O Jehovha, ponisa a vanhu va wena, a misalela ya Izrayeli.’+
8 Ndzi ta va wuyisa hi tikweni ga le n’walungu.*+
Ndzi ta va hlengeleta hi le magemeta-musi ya misava.+
Cikari kabye, ku tava ni zvikhumu ni zvilima,+Zvin’we ni vavasati va tinyimba ni lava va lun’wako.
Va ta wuya na va hi bandla ga hombe.+
9 Va tata na va rila.+
Ndzi ta va rangela laha va to kombela lezvaku ndzi va mahela tipswalo.
Ndzi ta va yisa micongweni ya mati,+Ndzi va fambisa ndleleni yo lulama leyi va to kala va nga ti gumuli hi nchumu.
Hakuva ndzi Papayi wa Izrayeli, niku Efrayime matewula ya mina.”+
10 N’wina matiko, zwanani a mhaka ya Jehovha,Mu yi huwelela cikari ka zvihlale* zva le kule,+ muku:
“Loyi a hangalasileko Izrayeli i ta mu hlengeleta.
I ta mu wonelela a ku khwatsi hi lezvi a murisi a wonelelako a ntlhambi wakwe.+
11 Hakuva Jehovha i ta ponisa Jakobe,+A mu tlhatlhisa canjeni ga loyi a mu hundzako hi ntamu.+
12 Va tata va ta kulungela hi kutsaka citsungeni ca Ziyoni,+Niku va ta tsakela a wunene ga* Jehovha,Ni timbewu, ni vhinyo yiswa,+ ni mafura,Ni marole ya tiyivhu ni ya tihomu.+
Va* ta ku khwatsi i jardhim yi chetelwako khwatsi mati;+Va nga ta ha tshuka va rereka kambe.”+
13 “Ka cikhati leco, a nhwana* i ta kina hi kutsaka,A majaha wonawu zvin’we ni zvikhosana.+
Ndzi ta hundzula a cirilo cabye civa kutsaka.+
Ndzi ta va chavelela, ndzi vhaleta a kurila kabye hi litsako.+
14 Ndzi ta xurisa a vapristi* hi zvakuga zvo tala,*Niku a vanhu va mina va ta xuriswa hi wunene ga mina”,+ ku wula Jehovha.
15 “Jehovha i ngalo:
‘Ku zwala gezu le Rama,+ a hlomulo ni kurila ka hombe;
Hi Rakeli a rilelako a vafana* vakwe.+
Wa ala ku chavelelwa hi kota ya vafana vakwe,Hakuva a va ha hi kona.’”+
16 Jehovha i ngalo:
“‘Miyela kurila u kulula a mihloti ya wena,Hakuva u ta chachazelwa hi ntiro wa wena’, ku wula Jehovha.
‘Va ta wuya hi tikweni ga nala.’+
17 ‘Ka wena, ku na ni kutsumba xungetano hi cikhati ci tako’,+ ku wula Jehovha.
‘A vana va wena va ta wuya tikweni gabye.’”+
18 “Hakunene ndzi ci zwile a cirilo ca Efrayime,‘U ndzi kawukile, niku ndzi kawukilwe,A ku fana ni role gi kalako gi nga se gondzisiwa.
Ndzi wuyise, ndzi ta tekela ku wuya,Hakuva hi wena Jehovha, a Nungungulu wa mina.
19 Hakuva andzhako ka loku ndzi hundzulukile ndzi no ti sola nguvhu;+Loku ndzi zvi zwisisile ndzi no tiba mathanga hi kubayiseka.
Ndzi nowa tingana ndzi dhana,+Hi kota ya mitiro leyi ndzi yi mahileko wusweni ga mina.’”
20 “Kasi Efrayime a hi n’wana wa mina wa lisima, loyi ndzi mu randzako ke?+
Hakuva laha ndzi mu kawukako nguvhu, ndza mu alakanya nguvhu kambe.
Hikwalaho, a marumbu ya mina ma rurumela hi kota yakwe.+
Hakunene ndzi ta mu zwela wusiwana”, ku wula Jehovha.+
21 “Ti yimisele a zvikombiso laha ruweni,U zimeka a zvikomba-ndlela.+
Chela kota ka ruwa, a ndlela leyi u faneleko ku famba hi yona.+
Wuya, wena nhwana* wa Izrayeli, wuya madhoropeni ya wena.
22 Kala rini na wa ha pepetseka wena nhanyana u nga tsumbekiko?
Hakuva Jehovha i vangile nchumu wuswa laha misaveni:
A wasati i ta hlota wanuna.”
23 Jehovha wa mabutho, a Nungungulu wa Izrayeli, i ngalo: “Va ta phinda a timhaka leti tikweni ga Judha ni madhoropeni yakwe, a cikhati leci ndzi to wuyisa a tikhumbi tabye, vaku: ‘Jehovha i wa ku katekise wena wutshamu gi lulamileko,+ wena citsunga co basa.’+
24 Judha ni wontlhe a madhoropa yakwe va ta hanya zvin’we lomo, a varimi ni varisi va mitlhambi.+
25 Hakuva ndzi ta tangalisa loyi a kareleko, ndzi xurisa loyi* a mbhelileko ntamu.”+
26 Zvalezvo ndzi no khindlimuka, ndzi ku hafu matihlo; ndzi wa etlele a wurongo go nandziha.
27 “A masiku mata”, ku wula Jehovha, “laha ndzi to byala a yindlu ya ka Izrayeli ni yindlu ya ka Judha hi mbewu* ya vanhu ni mbewu ya zvihari.”+
28 “A ku khwatsi hi lezvi ndzi nga va cuwukela kasi ku va tsuwula, ni ku va khungumula, ni ku va hahlula, ni ku va lovisa, ni ku va mahela kubiha,+ hizvalezvo ndzi ta va cuwukela kambe kasi ku va aka ni ku va byala”,+ ku wula Jehovha.
29 “Masikwini lawo va nga ta ha wula ku: ‘A vapapayi va gile a mauvha yo dzunga, kanilezvi ku dzedzemele* a matino ya vana.’+
30 Kanilezvi a mun’we ni mun’wani i tafa hi cigoho cakwe. Loyi a toga a mauvha yo dzunga hi yena a matino yakwe ma to dzedzemela.”*
31 “A masiku mata”, ku wula Jehovha, “laha ndzi to maha civhumelwano ciswa ni yindlu ya ka Izrayeli ni yindlu ya ka Judha.+
32 Ci nga ta fana ni civhumelwano leci ndzi mahileko ni vakokwani vabye ka siku legi ndzi nga va khoma hi canja gabye kasi ndzi va humesa tikweni ga Gibhite,+ ‘a civhumelwano ca mina leci va ci tshovileko,+ hambu lezvi ndzi nga hi n’winyi wabye wa lisine’,* ku wula Jehovha.”
33 Hakuva leci civhumelwano leci ndzi to maha ni yindlu ya ka Izrayeli andzhako ka masiku lawo”, ku wula Jehovha. “Ndzi ta veka a nayo wa mina ndzeni kabye,+ ndzi wu tsala timbilwini tabye.+ Ndzi tava Nungungulu wabye niku vona va tava vanhu va mina.”+
34 “Va nga ta ha gondzisana, a mun’we a gondzisa a muakelani wakwe, ni mun’wani a gondzisa a makabye wakwe, aku: ‘Tiva Jehovha!’,+ hakuva vontlhe va ta ndzi tiva, kusukela ka loyi wa mutsongwani kala ka loyi wa hombe”,+ ku wula Jehovha. “Hakuva ndzi ta tsetselela a cigoho cabye; ndzi nga ta ha ci alakanya kambe a ciwonho cabye.”+
35 Jehovha,Loyi a vangileko gambo kasi gi woninga ni hlikanhi,A yimisileko a milayo ya hweti ni tinyeleti kasi zvi woninga ni wusiku,Loyi a vhindlusako a bimbi ni ku vhuxa a mavingo* ya gona,Loyi a vito gakwe a nga Jehovha wa mabutho,+ i ngalo:
36 “‘Loku a milayo leyi yi wo tsika ku tira’, ku wula Jehovha,‘Hi kona ka ku a pswalo wa Izrayeli wu wa ta tsika kuva tiko mahlweni ka mina kala kupindzuka.’”+
37 Jehovha i ngalo: “‘Loku a matilo le hehla ma wo pimiwa ni loku a zviseketelo zva misava lahasi zvi wo hloliwa hi kona ka ku ndzi wa ta fularela a pswalo wontlhe wa Izrayeli hi kota ya zvontlhe wu mahileko’, ku wula Jehovha.”+
38 “A masiku mata”, ku wula Jehovha, “laha Jehovha a to akelwa dhoropa+ kusukela le Likhokholeni* la Hananeli+ kala Nyangweni ya laha Khoneni.+
39 A lingoti la kupima hi lona+ li ta gwimbiwa kala li chikela ka citsungana ca Garebhe, li jika li kongoma Gowa.
40 A nkova wontlhe wa zvirumbi, ni wa khuma,* ni masimu wontlhe zvi famba kala le Nkoveni wa Kidroni,+ kala khoneni ga Nyangwa ya Mahaxi,+ hi le mutsuwuka-gambo, zvi tava zvilo zvi basileko ka Jehovha.+ A dhoropa gi nga ta ha tshuka gi tsuwuliwa kambe kutani ku hahluliwa.”
Mitlhamuselo ya lahasi
^ Kutani: “ndzi simamile ku ku randza hi lirandzo li nga mbheliko”.
^ Kutani: “virgem”.
^ A zvivhina masimu ya tisinya leti ti pswalako mauvha.
^ Kutani: “norte”.
^ Kutani: “ilhas; zvilundzo zva mati”.
^ Kutani: “zvilo zva zvinene zva”.
^ Kutani: “A mihefemulo yabye yi”.
^ Kutani: “virgem”.
^ Kutani: “a muhefemulo wa vapristi”.
^ Hi kukongoma: “hi mafura”.
^ Kutani: “vana”.
^ Kutani: “virgem”.
^ Kutani: “a muhefemulo”.
^ Kutani: “pswalo”.
^ Kutani: “rithile”.
^ Kutani: “ritha”.
^ Zvi nga maha na zvi wula ku: “ndzi nga hi nuna wabye”.
^ Kutani: “mabyandlati; mavimbi”.
^ Kutani: “Torre”.
^ Kutani: “khuma ga mafura”, ku nga khuma gi tsakamileko hi mafura ya miphahlo.