Jeremiya 46:1-28
46 Leyi i mhaka ya Jehovha yi ngata ka muphrofeti Jeremiya kasi a phrofetela matiko:+
2 Ka Gibhite,+ xungetano hi butho ga Faro Neko,+ a hosi ya Gibhite, loyi a nga hi mbhirini ya congo wa Eufrate, a nga hluliwa le Karxemixe hi Nebhukadnezare,* a hosi ya Bhabhuloni, hi lembe ga wumune ga Jehoyakimu,+ a n’wana wa Josiya, a hosi ya Judha:
3 “Longiselani a zvitlhangu zva n’wina, leci ca citsongwani* ni leci ca hombe,Muya kulweni.
4 Longiselani a mahaxi mu khilela, n’wina vakhileli va mahaxi.
Yimani matshan’wini ya n’wina, na mu bohile makapasete ya n’wina.
Lotani a matlhari ya n’wina mu boha a zvikatawu zva n’wina zva simbi.
5 ‘Hikuyini ndzi va wonako na va rurumela?
Va tlhelela ndzhako; a tinhenha tabye ti pfotlosilwe.
Va tsutsuma hi kuchava; a tinhenha tabye a ti cuwuki ndzhako.
Ku na ni kuchava matlhelweni wontlhe’, ku wula Jehovha.
6 ‘Lava va mazambo a va zvi koti ku tsutsuma, ni tinhenha a ti zvi koti ku huluka.
Le n’walungu,* kusuhani ni Congo wa Eufrate,Va ti gumulile vawa.’+
7 Himani loyi a kukumukako a ku fana ni Congo wa Nilo,A ku fana ni micongo ya mati ma vhindlukileko?
8 Gibhite wa kukumuka a ku fana ni Congo wa Nilo,+A ku fana ni micongo ya mati ma vhindlukileko.I ngalo: ‘Ndzi ta famba ndzi ya fenengeta misava.
Ndzi ta lovisa dhoropa ni vahanyi va gona.’
9 Kandzihani, n’wina mahaxi!
Tsutsumisani ku khwatsi mo hlanya, n’wina tikareta!
A tinhenha a tiye mahlweni:A vavanuna va Kuxe ni va Puti, lava va khomako zvitlhangu,+Ni vavanuna va Ludhime,+ lava va kondlako* a mawura.+
10 “Legi i siku ga Hosi ya Hombe, Jehovha wa mabutho, a siku ga kuphota, kasi a ti photela ka valala vakwe. A cipadha ci ta khadamula ci xura ci tlhela ci kolwa hi nkhata wabye, hakuva a Hosi ya Hombe, Jehovha wa mabutho, i longisele a muphahlo* tikweni ga n’walungu, kusuhani ni congo wa Eufrate.+
11 Kandziha uya Gileyadhe u ya teka bhalsamu,+Wena nhwana* wa Gibhite.
U ti lavele mimuri yo tala mahala,Hakuva a ku na muri wa ku tira wena.+
12 A matiko ma zwile a tingana ta wena,+Ni kurila ka wena ku tatile tiko.
Hakuva a nhenha yi wisa a nhenha-kuloni,Vontlhe vawa zvin’we.”
13 Leyi i mhaka leyi Jehovha a nga byela muphrofeti Jeremiya xungetano hi kuta ka Nebhukadnezare,* a hosi ya Bhabhuloni, kasi a ta lovisa a tiko ga Gibhite:+
14 “Yi kaneleni lomu Gibhite, mu yi huwelela le Migdhole.+
Yi huweleleni le Nofe* ni le Tahpanesi.+
Muku: ‘Yimani matshan’wini ya n’wina, mu ti longisela,Hakuva a cipadha ci ta khadamula zvontlhe matlhelweni ya n’wina.
15 Hikuyini a vavanuna va n’wina va ntamu va kukuletilweko?
A va yimangi va tiya,Hakuva Jehovha i va wisile.
16 Va ti gumula vawa na va tele.
Va byelana ku:
“A hi Sukeni! A hi tlheleni ka vanhu va hina ni tikweni ga hinaHakuva a cipadha leci ca tshisa.”’
17 Va huwelela seyo, vaku:‘Faro, a hosi ya Gibhite, i guwa ga mahala.I tsikile cikhati ci yimisilweko ci hundza.’+
18 ‘A ku khwatsi hi lezvi ndzi hanyako’, ku wula Hosi, leyi a vito ga yona ku nga Jehovha wa mabutho,‘Yena* i tata a ku khwatsi i Tabhora+ cikari ka zvitsunga,A ku khwatsi i Karmeli+ kusuhani ni bimbi.
19 Longisela a nhundzu ya wena kasi uya wukhu-mbini,Wena nhanyana u hanyako Gibhite.
Hakuva Nofe* i tava nchumu wo tshisa;I ta hisiwa hi ndzilo* ku nga ha hanyi munhu.+
20 Gibhite i fana ni cihon’wana ca kati co saseka,Kanilezvi i ta telwa hi tinhongani hi le n’walungu.
21 A masochwa yakwe a ma tholileko lawa ma nga cikari kakwe ma fana ni marole yo nona,Kanilezvi wonawu ma fularele ma tsutsuma navo.
A ma yimangi ma tiya,+Hakuva gi chikele a siku ga khombo gabye,A cikhati cabye ca kutsayisiwa.’
22 ‘A guwa gakwe gi fana ni nyoka yi fambako,Hakuva va mu tela hi ntamu ni machapo,A ku fana ni vavanuna va kingako tisinya.*
23 Va ta xakatsa a khwati gakwe’, ku wula Jehovha, ‘hambu lezvi gi nge khwatsi a gi ngheneki.
Hakuva va tele nguvhu ku hundza humbi;* i tsandza-vahlayi.
24 A nhanyana wa Gibhite i ta wisiwa tingana.
I ta nyikelwa mandleni ya vanhu va le n’walungu.’+
25 “Jehovha wa mabutho, a Nungungulu wa Izrayeli, i ngalo: ‘Makunu ndzi ta hundzulukela Amoni+ wa le No,*+ na Faro, ni Gibhite, ni vanungungulu vakwe,+ ni tihosi takwe, ina, Faro ni vontlhe lava va mu tsumbako.’+
26 “‘Ndzi ta va nyikela ka lava va hlotako a wutomi* gabye, ka Nebhukadnezare,* a hosi ya Bhabhuloni,+ ni malandza yakwe. Kanilezvi andzhako ka lezvo, ku ta tlhela ku tshama vanhu a ku khwatsi hi kale’, ku wula Jehovha.+
27 ‘Kanilezvi u nga chavi, wena nandza ga mina Jakobe,U nga rurumeli, wena Izrayeli.+
Ndzi ta ku ponisa hi ka wutshamu ga le kule,Ni pswalo* wa wena tikweni legi va nga tikhumbi.+
Jakobe i ta wuya a ta hanya kuruleni, a nga karateki hi nchumu,A nga kona a to va chavisa.+
28 Hikwalaho, u nga chavi, wena nandza ga mina Jakobe’, ku wula Jehovha, ‘hakuva ndzi na wena.
Ndzi ta lovisa a matiko wontlhe lawa ndzi ku hangalasileko ka wona,+Kanilezvi wena ndzi nga ta ku lovisa.+
Ndzi ta ku laya* hi lipimo li ringanako,+Kanilezvi ndzi nga ta ku tsika na ndzi nga ku tsayisangi.’”
Mitlhamuselo ya lahasi
^ Hi kukongoma: “Nebhukadrezare”, ku nga tsalela gin’wani ga vito gakwe.
^ Kutani: “ngenge”, citlhangu ca citsongwani ci nga tolovela ku tirisiwa hi van’wamawura.
^ Kutani: “norte”.
^ Hi kukongoma: “va kandzihelako”.
^ Kutani: “i hlasele”.
^ Kutani: “virgem”.
^ Hi kukongoma: “Nebhukadrezare”, ku nga tsalela gin’wani ga vito gakwe.
^ Kutani: “Menfisi”.
^ Ku nga loyi a hlulako Gibhite.
^ Kutani: “Menfisi”.
^ Zvi nga maha na zvi wula ku: “I ta maha ciwula”.
^ Kutani: “va hlengeletelako tihunyi”.
^ A humbi zviharana zvo fana ni bhandzala.
^ Ku nga Tebhesi.
^ Kutani: “muhefemulo”.
^ Hi kukongoma: “Nebhukadrezare”, ku nga tsalela gin’wani ga vito gakwe.
^ Hi kukongoma: “mbewu”.
^ Kutani: “kawuka”.
