Jeremiya 6:1-30
6 Lavani wuchavelo, n’wina vana va Bhenjamini, kule ni Jerusalema.
Banani linanga*+ le Tekowa;+Lumekani a cikombiso ca ndzilo hehla ka Bhet-Hakeremu!
Hakuva a khombo gata hi le n’walungu,* a khombo ga hombe.+
2 A nhanyana wa Ziyoni i fana ni wasati wo saseka ni wo heniwa.+
3 A varisi va tata ni mitlhambi yabye.
Va ta gwimba a matenda yabye va mu randzela,+A mun’we ni mun’wani i ta gisa a ntlhambi wakwe.+
4 “Ti longiseleni* kasi kulwa yimpi naye!
A hi sukeni hi mu dhumela ni mumu!”
“A wusiwana ga hina, a gambo gi fambile,Hakuva a mindzhuti ya laha gambyeni ya leha!”
5 “A hi sukeni hi mu dhumela ni wusiku,Hi khungumula a tikhokhola* takwe ti tiyisilweko khwatsi.”+
6 Hakuva Jehovha wa mabutho i ngalo:
“Tsemani tisinya, mu maha rampa kasi mu dhumela Jerusalema.+
Yena i dhoropa gi faneleko ku lamuliwa,A ku na cin’wani ahandle ka xapi cikari ka gona.+
7 A ku khwatsi i hlowo yi hlayisako mati ma titimela,Yenawu i ku hlayisisa lezvo a kubiha kakwe.
Ka yena ku zwala a tihanyi ni kulovisa;+A mababyi ni ntungu zvi le mahlweni ka mina contlhe cikhati.
8 Wena Jerusalema, ingisa a citlharihiso. Loku u nga mahi lezvo, ndzi* ta ku fularela ndzi ku nyenya;+Ndzi ta ku maha ciwula, a tiko gi nga tshamiko munhu.”+
9 Jehovha wa mabutho i ngalo:
“Va ta kutsula a misalela ya Izrayeli yi ku bhi a ku khwatsi hi loku va khaya mauvha yo gumesa.
Tlhelisa woko ga wena mivhineni* a ku khwatsi hi lezvi a mahako loyi a khayako mauvha.”
10 “Ndzi ta wulawula na mani, ndzi mu tlharihisa?
Himani a to zvizwa?
A tindleve tabye ti vhalekile,* hikwalaho, a va zvi koti ku demba ndleve.+
A mhaka ya Jehovha cinyenyeko kabye;+A yi va tsakisi.
11 Hikwalaho, ndzi tele hi zanga ya Jehovha,Ndzi karele hi ku yi khoma.”+
“Yi chulule hehla ka n’wanana laha ruweni,+Ni ka ntlawa wa majaha ma tsombeneko.
Vontlhe va ta khon’wa, a wanuna ni sati wakwe,A zvikhosana ni lava va masiku yo tala.+
12 A tiyindlu tabye ti ta nyikelwa ka van’wani,Zvin’we ni masimu yabye ni vasati vabye.+
Hakuva ndzi ta nawuluta a canja ga mina hehla ka vahanyi va tiko”, ku wula Jehovha.
13 “Hakuva kusukela ka loyi wa mutsongwani kala ka loyi wahombe, a mun’we ni mun’wani i maha a bhindzu go biha;+Kusukela ka muphrofeti kala ka mupristi, a mun’we ni mun’we o kanganyisa.+
14 Va fayelisela a vanhu va mina vaku vo va chuma laha ku tshovekileko, vaku:‘Ku rulile! Ku rulile!’
Kuveni a ku na kurula.+
15 Xana vawa tingana hi zvilo zva ku nyenyeza lezvi va zvi mahileko?
A vawi tingana ne ni kutsongwani!
A va zvi tivi ku zvi wula yini a kuwa tingana!+
Hikwalaho, va tawa cikari ka van’wani va wileko.
A cikhati leci ndzi to va tsayisa va tawa”, ku wula Jehovha.
16 Jehovha i ngalo:
“Nyimani lomu mahandzakanyeni ya maruwa, mu zvi wona.
Wutisani xungetano hi maruwa ya kaleloko,Wutisani ku yi kwihi a ndlela ya yinene, mu famba hi yona+Mu kuma kuhumula.”
Kanilezvi vona ve ngalo: “Hi nga ta famba hi yona.”+
17 “Ndzi yimisile varindzeli+ lava va ngaku:‘Dembani ndleve ka kuvhuma ka linanga!’”*+
Kanilezvi vona va te: “Hi nga ta demba ndleve.”+
18 “Hikwalaho, zwanani, n’wina matiko!
Mu zvi tiva, n’wina hlengeletano,Lezvi zvi to va humelela.
19 Ingisa, wena misava!
Ndza neha khombo hehla ka vanhu lava+Kota handzu wa mano yabye,Hakuva a va dembangi ndleve ka timhaka ta minaNiku va alile a nayo* wa mina.”
20 “Zvi ndzi vhuna hi yini a ku n’wina mu neha a libani la le XebhaNi lihlanga lo nuhela hi ka tiko ga le kule ke?
A minyikelo ya n’wina ya kuhiswa ya mirumba a yi amukelekiNi miphahlo ya n’wina a yi ndzi tsakisi.”+
21 Hikwalaho, Jehovha i ngalo:
“Ndza veka zvikhunguvanyiso ka vanhu lava;Va ta ti gumula hi zvona.A vapapayi zvin’we ni vafana vabye,A muakelani ni munghana wakwe,Vontlhe va ta lova.”+
22 Jehovha i ngalo:
“Hi nga wonani a vanhu va tako hi le tikweni ga n’walungu!A tiko ga hombe gi ta vhuxiwa hi le magemeta-musi ya misava.+
23 Va ta khoma a mawura ni matlhari.
Va na ni tihanyi niku va nga ta zwela wusiwana.
A magezu yabye ma ta bhonga a ku khwatsi i bimbi,Niku va khilele mahaxi.+
O nhanyana wa Ziyoni, va ku dhumela a ku khwatsi masochwa ma hlomileko yimpi.”
24 Hi ma zwile a mahungu ya kona.
A mandla ya hina ma mbhelile ntamu.+Ha xaniseka nguvhu,Hazwa a kubayisa* ko khwatsi hi loku ka wasati a pswalako.+
25 U nga humi uya masin’wini,Ne u nga fambi hi maruwa,Hakuva a nala i na ni cipadha;Ku na ni kuchava matlhelweni wontlhe.
26 O nhanyana wa vanhu va mina,Boha tisakwa,+ u puluwundza lomu khumeni.
Rila hi tinyandha ta hombe a ku khwatsi wo rila a n’wana wa wena wa mun’we.+Hakuva a mulovisi i ta hi tela hi citshuketi.+
27 “Ndzi ku* mahile a muhloli wa simbi cikari ka vanhu va mina,Loyi a hlolisisako khwatsi;Cuwuka, u hlola a ndlela yabye.
28 Vontlhe vanonohi va hombe,+Va fambafamba va hangalasa mawunwa.+
Va fana ni kobre ni simbi;Vontlhe vakanganyisi.
29 Lezvi va buvhetako hi zvona zvi tlahukile.
A ndzilo wabye wu humesa muthovhu basi.
A munyekisi i ti tsitsirita mahala,+Hakuva a vakubiha a va susiwangi.+
30 A vanhu va ta va vitana lezvaku i prata yi tsikilweko,Hakuva Jehovha i va tsikile.”+
Mitlhamuselo ya lahasi
^ Kutani: “norte”.
^ Kutani: “khombela”.
^ Hi kukongoma: “Ti basiseni”.
^ Kutani: “torres”.
^ Kutani: “a muhefemulo wa mina wu”.
^ A mivhina tisinya leti ti pswalako mauvha.
^ Hi kukongoma: “A ndleve yabye a yi mahiwangi wukwera”.
^ Kutani: “khombela”.
^ Kutani: “gondziselelo”.
^ Hi kukongoma: “kulun’wa”.
^ Ku wuliwa Jeremiya.
