Jeremiya 8:1-22
8 “Ka cikhati leco”, ku wula Jehovha, “a marambu ya tihosi ta Judha, ni marambu ya tihosana ta kona, ni marambu ya vapristi, ni marambu ya vaphrofeti, ni marambu ya vahanyi va Jerusalema ma ta susiwa zvilahleni zvabye.
2 Ma ta hangalaswa lahasi ka gambo, ni lahasi ka hweti, ni lahasi ka butho gontlhe ga matilo, ku nga lezvi va nga zvi randza, va zvi tirela, va zvi landzela, va zvi hlota ni ku zvi khizamela.+ Ma nga ta hlengeletwa ne hambu ku lahliwa. Ma ta maha citromu laha misaveni.”+
3 “A misalela ya ngango lowu wa kubiha, leyi yi to pona, yi ta hlawula kufa wutshan’wini ga kuhanya, matshan’wini wontlhe lawa ndzi to va hangalasa vaya ka wona”, ku wula Jehovha wa mabutho.
4 “Va byele, uku: ‘Jehovha i ngalo:
“Xana va tawa va nga ha vhuki kambe ke?
Loku a mun’we a hundzuluka, loyi mun’wani a nga ta hundzulukawu ke?
5 Hikuyini a vanhu lava va Jerusalema va simamako kungatsumbeki?
Va namarela ka wukanganyisi;Va ala a ku hundzuluka.+
6 Ndzi no demba ndleve ndzi ingisela, kanilezvi a wulawulela gabye gi wa nga lulamangi.
I hava a nga ti sola kubiheni kakwe, kutani ku ti wutisa, aku: ‘Zvini ndzi nga maha?’+
A mun’we ni mun’wani i simama ku landzela ndlela ya votala a ku fana ni haxi gi tsutsumelako yimpini.
7 Hambu a sekwa le hehla tilweni ga ti tiva a tinguva ta gona;A tuva, ni mbewulwani, ni matsiyelani zva ci tiva cikhati ca ku wuya hi cona,
Kanilezvi a vanhu va mina a va ku zwisisi a kulamula ka Jehovha.”’+
8 ‘Hikuyini mu nge: “Hi tlharihile, hi na ni nayo* wa Jehovha”?
A limbave la mawunwa+ la vatsali* lo tiriselwa ku tsala mawunwa basi.
9 A titlhari ti wisilwe tingana.+
Ta rurumela niku ti ta khon’wa.
Ti tsikile a mhaka ya Jehovha,Makunu wutlhari muni ti nga nago?
10 Hikwalaho, ndzi ta nyikela vasati vabye ka van’wani vavanuna,Ni masimu yabye ka van’wani venyi;+Hakuva kusukela ka loyi wa mutsongwani kala ka loyi wahombe, a mun’we ni mun’wani i maha bhindzu go biha;+Kusukela ka muphrofeti kala ka mupristi, a mun’we ni mun’we o kanganyisa.+
11 Va fayelisela a nhanyana wa vanhu va mina va ku vo mu chuma laha ku tshovekileko, vaku:“Ku rulile! Ku rulile!”
Kuveni a ku na kurula.+
12 Xana vawa tingana hi zvilo zva kunyenyeza lezvi va zvi mahileko?
A vawi tingana ne ni kutsongwani!
A va zvi tivi ku zvi wula yini a kuwa tingana!+
Hikwalaho, va tawa cikari ka van’wani va wileko.
A cikhati leci ndzi to va tsayisa va tawa’,+ ku wula Jehovha.
13 ‘Laha ndzi to va hlengeleta, ndzi ta va lovisa va ku bhi’, ku wula Jehovha.
‘Ku nga ta sala mauvha lomu vhineni* ne hambu makuwu lomu nkuweni, ni matluka ma ta wuna.
Va ta luza lezvi ndzi va nyikileko.’”
14 “Hi tshamela yini laha?
A hi tlhanganeni hi nghena madhoropeni ma vhikelweko khwatsi+ hi fela lomo.
Hakuva Jehovha, a Nungungulu wa hina, i ta hi lovisa;I hi nyika mati ya vhenene kasi hinwa,+Hakuva hi wonhele Jehovha.
15 Hi wa rindzela kurula, kanilezvi a ku tangi nchumu wa wunene,Hi wa rindzela cikhati ca kuchumiwa, kanilezvi kuchava ku nga kona!+
16 Hi le Dhani ku zwala kuba ka mahaxi yakwe.
Hi kota ya guwa ga mahaxi yakwe ya vamatsune,A tiko gontlhe ga tsekatseka.
Ma nghena ma mita tiko ni zvontlhe zvi nga ka gona,A dhoropa ni vahanyi va kona.”
17 “Hakuva ndza rumela tinyoka cikari ka n’wina,A tinyoka ta wuxungu ta ku a ti fumbiwi,Hakunene ti ta mu luma”, ku wula Jehovha.
18 A hlomulo wa mina a wu chumeki;A mbilu ya mina ya babya.
19 Hi le tikweni ga le kule ku zwala a guwa ga cirilo ga ku lava ku vhuniwa,Ga nhanyana wa vanhu va mina:
“Kasi Jehovha a nga kona Ziyoni ke?
Kutani a hosi yakwe a yi kona kakwe ke?”
“Hikuyini va ndzi zangarisileko hi zvifananiso zvabye zvi kehlilweko,Hi vanungungulu vabye va matiko va nga vhuniko nchumu ke?”
20 “A kutshovela ku hundzile niku a cimumu ci gumesile,Kanilezvi hina a hi ponisiwangi!”
21 Ndzi mbhelile ntamu hi kota ya laha ku tshovekileko ka nhanyana wa vanhu va mina;+Ndzi bayisekile nguvhu.
Ndzi khomilwe hi kuchava.
22 A ku na bhalsamu le Gileyadhe ke?+
Kutani a ku na dhokodhela* leyo ke?+
Makunu hikuyini a nhanyana wa vanhu va mina a nga kala ku kalamuka ke?+
Mitlhamuselo ya lahasi
^ Kutani: “gondziselelo”.
^ Kutani: “vamatsalani”.
^ A vhina i sinya leyi yi pswalako mauvha.
^ Kutani: “muhanyisi”.
