Joba 13:1-28
13 “Ina, a mahlo ya mina ma zvi wonile zvontlhe lezvi,Ni tindleve ta mina ti zvi zwile ti tlhela ti zvi zwisisa.
2 Lezvi mu zvi tivako, minawu ndza zvi tiva;A ndzi mutsongwani ka n’wina.
3 Hi tlhelo ga mina, ndzi wa ta hlawula ku wulawula ni Loyi wa Ntamu Wontlhe;Ndzi xuva ku yimela mhaka ya mina mahlweni ka Nungungulu.+
4 Kanilezvi n’wina mu ndzi chakisela hi mawunwa;N’wentlhe mu vadhokodhela va nga vhuniko nchumu.+
5 Loku mu wo miyela,Zvi wa ta komba ku mu tlharihile.+
6 Mahani wuxinji mu ingisela timhaka ta mina,Mu tlhela mu chela kota ka kukhongotela ka nomu wa mina.
7 Mu ta mu wulela magezu yo biha Nungungulu,Mu tlhela mu wulawula mawunwa kasi ku mu yimela ke?
8 Mu ta yima tlhelweni gakwe,Mu zama ku yimela a mhaka ya Nungungulu wa lisine ke?
9 Ina zvi wa ta mu fambela khwatsi loku i wo mu hlola ke?+
Xana mu wa ta mu khohlisisa ku khwatsi hi loku mu khohlisa a munhu wa ku wafa?
10 Kunene i wa ta mu kawukaLoku mu zama ku kombisa a cihlawulela cihundleni.+
11 Xana a wudzundzo gakwe gi wa nga ta mu dzukisaMu tlhela mu welwa hi kutshisa kakwe ke?
12 A timhaka ta n’wina ta wutlhari a ti vhuni nchumu a ku fana ni khuma,Ni magezu ya n’wina ya kutiyimelela ma fana ni wumba, a ma tiyangi.
13 Miyelani mahlweni ka mina, ndzi fela ku wulawula.
Ni cihi ci lavako ku ndzi humelela ci wa humelele!
14 Hikuyini ndzi ti vekako mhangweni*Ndziya hi ku welela wutomi* ga mina lomu mandleni ke?
15 Hambu lezvi ku nga ku a nga ndzi daya, ndzi ta simama ku rindzela;+Ndzi ta yimela mhaka* ya mina mahlweni kakwe.
16 Makunu i wa tava kuhanyiswa ka mina,+Hakuva a ku na munhu a nga kholwiko ka Nungungulu* wa ku a ngata a ta yima mahlweni kakwe.+
17 Ingiselani khwatsi a mhaka ya mina;Chelani kota ka lezvi ndzi wulako.
18 Tivani lezvaku ndzi ti longisele kasi ku yimela a mhaka ya mina;Ndza zvi tiva ku ndzi na ni razawu.
19 Himani a to kanetisana na mina?
Ndzi wa tafa loku ndzi wo miyela!
20 O, Nungungulu, ndzi nyike ntsena a zvilo zvimbiri,*Kasi ndzi nga fihlali mahlweni ka wena:
21 Susa canja ga wena go bindza giva kule na mina,Niku u nga tsiki a kuchava wena ku ndzi chela wutoya.+
22 Vitana, ndzi ta hlamula,Kutani ndzi tsike ndzi wulawula, wena u ndzi hlamula.
23 Hi zvihi a zvihoxo ni zviwonho zva mina ke?
Ndzi kombe a cihambunyeto ca mina ni ciwonho ca mina.
24 Hikuyini u fihlako a nghohe ya wena+U ndzi wona kota nala wa wena ke?+
25 U ta zama ku dzukisela a tluka gi hahako hi moyaKutani ku hlongolisela a byanyi go woma ke?
26 Hakuva u simama ku tsala zvilumbeto zvo bava ha mina,U ndzi hakhelisa a nandzu wa zviwonho ndzi zvi mahileko wusweni ga mina.
27 U fasa mikondzo ya mina hi makhotso,U hlolisisa a tindlela ta mina tontlhe,Ni ku landzelela kontlhe laha a nkondzo wa mina wu kandzihelako.
28 Hikwalaho, a munhu* wa mbhela a ku fana ni cilo ci bolileko,A ku khwatsi i nguwo yi gilweko hi muhlwa.
Mitlhamuselo ya lahasi
^ Hi kukongoma: “Hikuyini ndzi khomako a nyama ya mina hi matino ya mina”.
^ Kutani: “muhefemulo”.
^ Kutani: “yimela tindlela”.
^ Kutani: “a ku na mudhuki”.
^ Hi kukongoma: “Ntsena u nga ndzi mahi zvilo zvimbiri”.
^ Hi kukongoma: “yena”, kuzvilava ku wuliwa Joba.
