Joba 14:1-22
14 “A munhu a pswalilweko hi wasati,I hanya wutomi go koma+ na gi tele hi zvikarato.+
2 I mila ku fana ni citsangi a gumesa a wuna;*+I tsutsuma ku fana ni ndzhuti a gumesa a n’walala.+
3 U vekile tihlo ga wena hehla kakwe,U mu* yisa kulamulweni zvin’we na wena.+
4 Himani a nga humesako munhu wo hlazveka hi ka munhu a nga hlazvekangiko ke?+
I hava!
5 Loku a masiku yakwe ma yimisilwe,A ntsengo wa tihweti takwe wu na wena;U mu vekele mbhingano, lowu a nga faneliko ku wu tlula.+
6 Jikisa a mahlo ya wena kakwe a fela ku humula,Kala a mbheta a siku gakwe, a ku fana ni mutiri a tholilweko.+
7 Hakuva hambu a sinya yi na ni kutsumba.
Loku yi tsemiwa, yi ta tlhela yi hluka kambe,Ni mahluke ya yona ma ta simama ku kula.
8 Loku a timitsu ta yona ti khosalaha lomu hasiNi cibho ca yona cifa laha misaveni,
9 Neti yizwa kunuhela ka mati yi ta hlukaYi humesa madhavi a ku khwatsi i sinya yiswa.
10 Kanilezvi a munhu wafa, a mbhelelwa hi ntamu;Loku a munhu a hefemula hi khati go gumesa, iya kwihi?+
11 A mati ma n’walala lomu bimbini,Ni congo wa koka wupswha.
12 A munhu yenawu wa etlela a nga ha vhuki.+
Va nga ta khindlimuka kala a tilo gi nga havi kona,Ne va nga ta vhuxiwa wurongweni gabye.+
13 O, loku ku wo khwatsi wa ndzi fihla Cilahleni,*+U ndzi fihla kala a zanga ya wena yi hundza,Ni loku ku wo khwatsi wa ndzi yimisela cikhati u gumesa u ndzi alakanya!+
14 Loku a munhu afa a nga tlhela a hanya ke?+
Ndzi ta rindzela masiku wontlhe ya ntiro wa mina wa cikurumetaKala kuta a kutlhatlhiswa ka mina.+
15 U ta vitana, mina ndzi ku hlamula.+
U ta xuva a ntiro wa mandla ya wena.
16 Kanilezvi zvezvi, u tshamela ku hlayela a mazambo ya mina wontlhe;U lavetela a ciwonho ca mina ntsena.
17 A cihambunyeto ca mina ci bohelwe lomu sakweni,Niku u lema a cigoho ca mina hi kola.
18 A ku khwatsi hi lezvi a citsunga ci wako ci fayekela,Ni lezvi a ribye gi sukako wutshan’wini ga gona,
19 A ku khwatsi hi lezvi a mati ma gako maribyeNi lezvi a minonga ya wona yi kukuletako misava,Hi zvalezvo na wenawu, wa fuvisa a kutsumba ka munhu wa ku wafa.
20 U simama ku mu tshakatela kala a lova;+U cica a matshamela yakwe u tlhela u mu hlongola.
21 A vana vakwe va dzundziwa, kanilezvi yena a nga zvi tivi;Va maha va nga vhuniko nchumu, kanilezvi yena a nga zvi poli.+
22 Izwa kubayisa ntsena na a ha hanya;A* rila ntsena na a ha hanya.”
Mitlhamuselo ya lahasi
^ Zvi nga maha na zvi wula ku: “a tsemiwa”.
^ Hi kukongoma: “ndzi”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “A muhefemulo wakwe wu”.