Joba 16:1-22
16 Joba i no hlamula, aku:
2 “Ndzi tshuka ndzizwa a zvilo zvo tala zvo kota lezvi.
N’wentlhe mu vachaveleli va nga vhuniko nchumu!+
3 A magezu ma nga vhuniko nchumu ma ta gumesa ke?
Cini ci ku mahako u wulawulisa lezvi?
4 Minawu ndzi wa ta wulawulisa ku khwatsi hi n’wina.
Xana loku mu wa hi wutshan’wini ga mina,*Ndzi wa ta mu byela magezu ma kholwisako yo mu solaNdzi mu zivizela hloko ke?+
5 Ahihi, wutshan’wini ga lezvo, ndzi wa ta mu tiyisa hi magezu ya nomu wa mina,Ni kuchavelela ka nomu wa mina ku wa ta mu tangalisa.+
6 Loku ndzi wulawula, a kubayisa ka mina a ku hundzi,+Kona hambu loku ndzi miyela, a kubayisa ka mina ku hunguka zvo kota kwihi ke?
7 Kanilezvi i ndzi mbhetile ntamu;+I hlasele a ngango wa mina wontlhe.*
8 Ahandle ka lezvo, u tlhelile u ndzi khoma, niku lezvo zvi mahile wukustumunyu,Kasi a kuwondza ka mina ku suka ku yima ku kustumunya ku ndzi vhukela.
9 A zanga yakwe yi ndzi phatlulele, niku i na ni civiti hi mina.+
Wa ndzi getselela matino.A nala wa mina wa ndzi tlhava hi matihlo yakwe.+
10 Va ndzi ahlamele nomu kasi ku ndzi khadamula,+Va ndziba tipama lomu ka marama na va ndzi chepeta;Va hlengeletana na va tele va ndzi vhukela.+
11 Nungungulu i ndzi nyikela mandleni ya vafana,A ndzi hoxela mandleni ya vakubiha.+
12 Ndzi wa hi kuruleni, kanilezvi yena i ndzi fayetele;+I ndzi khomile hi makosi a ndzi sila;I ndzi mahile cipotiyelo cakwe.
13 A vaphandi vakwe va mipaxa va ndzi randzele;+I ndzi tlhava tiswa ta mina+ niku a nga zweli wusiwana;I chulula a nyongwa ya mina lahasi.
14 I ndzi bhoxetela hi kuphindaphinda kala ndzi hlakala;Ita ka mina hi kutsutsuma a ku khwatsi i nhenha.
15 Ndzi rungile tisakwa kasi ndzi fenengeta a hlonge ya mina,+Ndzi kelela a wudzundzo* ga mina lomu ntshurini.+
16 A nghohe ya mina yi pswhukile hi ku rila,+Ni munyama* wu randzele a matihlo ya mina,
17 Hambu lezvi a mandla ya mina ma nga kala ku maha wugevengaNi lezvi a mukhongelo wa mina wu basileko.
18 Wena misava, u nga fenengeti a nkhata wa mina!+Ni kurila ka mina ku ngavi ni wutshamu ga ku humula kona!
19 Hambu zvalezvi, a kustumunyu wa mina i le matilweni;Loyi a nga kustumunyako hi mina i le hehla-hehla.
20 A vanghana va mina va ndzi tseketsela+Laha a matihlo ya mina ma chululako mihloti ka Nungungulu.+
21 Ngha kuva ni mulamuli cikari ka munhu na Nungungulu,A ku khwatsi hi lezvi zvi mahekako ka munhu ni muakelani wakwe.+
22 Hakuva a malembe ma seleko ma tsongwani,Ndzi ta famba hi ndlela ya mufambela teto.+
Mitlhamuselo ya lahasi
^ Kutani: “loku a muhefemulo wa n’wina wu wa hi wutshan’wini ga muhefemulo wa mina”.
^ Kutani: “lava va tshamako na mina”.
^ Kutani: “ntamu”. Hi kukongoma: “limhondzo”.
^ Kutani: “ndzhuti wa kufa”.
