Joba 17:1-16
17 “A moya wa mina wu pandzekile, ni masiku ya mina ma mbhelile;A cilahla ci ndzi rindzele.+
2 A vatseketseli va ndzi randzele,+Ni mahlo ya mina ma kurumeteka ku cuwuka a mahanyela yabye ya wuhluwuki.
3 Maha wuxinji u amukela a citiyisekiso ca mina, u ci hlayisa.
Himani mun’wani a nga wa ta ndzi khoma mandla a ndzi pemba kasi ku ndzi vhuna ke?+
4 Hakuva u va vhalile kupima kasi va nga zwisisi;+Hi caleco ci ku mahako u nga va tlakusi.
5 A nga ti yimisela ku va avela zvokari a vanghana vakwe,Kuveni a matihlo ya vana vakwe mo firimela hi ndlala.
6 I ndzi mahile cihlekiso* cikari ka matiko,+Ndziva loyi a phelelwako nghohe.+
7 A matihlo ya mina ma firimele hi kota ya kukarateka,+Ni zviro zva mina zvontlhe i ndzhuti.
8 A vanhu vo lulama va zvi cuwuka va vhumala ni co wula hi kuhlamala,Ni loyi wo kala nandzu wa karateka hi kota ya loyi a nga kholwiko ka Nungungulu.*
9 A wakululama i khoma zvi tiya ndleleni yakwe,+Ni loyi a basileko mandla i endzeleka a tiya.+
10 Hambulezvo, mu nga tlhela mu wuya n’wentlhe mu ta wulawula,Hakuva a ndzi kumangi wo tlhariha cikari ka n’wina.+
11 A masiku ya mina ma mbhelile;+A makungo ya mina, ku nga mixuvo ya mbilu ya mina, ma hangalasilwe.+
12 Va tshamela ku cica wusiku giva hlikanhi,Vaku: ‘A kuwonekela ku laha kusuhani hakuva munyama.’
13 Loku ndzi rindzela, a Cilahla* ci tava muti wa mina;+Ndzi ta andlala a mubhedhi wa mina lomu munyameni.+
14 Ndzi ta byela nkele,*+ ndziku: ‘Wena u papayi wa mina!’
Ndzi byela zviwungwani, ndziku: ‘Mamani wa mina ni makabye wa mina wa cisati!’
15 Makunu ku kwihi a kutsumba ka mina?+
Himani a zvi wonako ku ndzi na ni kutsumba ke?
16 Kona ku* ta relela kala tinyangweni ti khotsilweko ta Cilahla*A cikhati leci hi to relela zvin’we hiya ntshurini.”+
Mitlhamuselo ya lahasi
^ Hi kukongoma: “vingu; tsheketo”.
^ Kutani: “ya mudhuki”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “cilahla”.
^ Ku nga kutsumba ka mina.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
