Joba 19:1-29
19 Joba i no hlamula, aku:
2 “Kala rini na ma ha simama ku nyenyezisela a muhefemulo wa mina,*+Mu ndzi fayetela hi magezu ke?+
3 Mu ndzi kawukile* a 10 wa makhati;Ne a mu dhani a ku ndzi mahela tihanyi.+
4 Loku hakunene ndzi gohile,A nandzu wa kona wa mina.
5 Loku mu simama ku ti kulisa hehla ka mina,Hi ku wula lezvaku a khombo legi gi ndzi weleko i mhango ku ti lavela,
6 Tivani lezvaku hi Nungungulu a nga ndzi kanganyisa,Ni ku ndzi phasa hi likoka lakwe.
7 Ndza rila ndziku: ‘Nyandhayeyo!’ kanilezvi a ndzi hlamuliwi;+Ndza simama ku rila ndzi kombela civhuno kanilezvi a ku na kululama.+
8 I vhalile ndlela ya mina hi muro wa maribye, a ndzi zvi koti ku hundza;I khubhunyetile tindlela ta mina hi munyama.+
9 I ndzi tlhatlhele a wudzundzo ga minaA tlhela a susa cidlodlo* hlokweni ya mina.
10 I ndzi khungumula hi matlhelo wontlhe kala ndzi lova,A tsuwula a kutsumba ka mina a ku khwatsi o tsuwula sinya.
11 A zanga yakwe ya vhura yi ndzi vhukela,Niku i ndzi wona kota nala wakwe.+
12 A mabutho yakwe mata zvin’we ma ta ndzi randzelaMa gova ma randzela a tenda ga mina.
13 I hlongolile a vamakabye va mina vaya kule na mina,Niku lava va ndzi tivako va ti tsawukanisile na mina.+
14 A vanghana va mina va hombe* va ndzi tsikile,Ni lava ndzi va tivako khwatsi va ndzi rivele.+
15 A vapfhumba mutini wa mina+ ni malandza ya mina ya cisati va ndzi wona kota mumbe munhu;Ndzi wa matiko mahlweni kabye.
16 Ndzi vitana a nandza ga mina, kanilezvi a gi hlamuli;Ndza gi khongotela hi nomu wa mina lezvaku gi ndzi zwela wusiwana.
17 A kuhefemula ka mina ka nyenyeza ka sati wa mina,+Niku ndza nuha ka vamakabye va mina.*
18 Hambu a vanana va ndzi chepeta;Loku ndzi suka ndzi yima va sangula ku ndzi maha ku khwatsi a ti teki.
19 A vanghana va mina vontlhe va susa ndzi kandzihela va ndzi nyenya.+Ni lava ndzi nga va randza va ndzi jikele.+
20 A marambu ya mina ma namarele ka hlonge ya mina ni ka nyama ya mina,+Ndzi pona na gi no ha.*
21 Ndzi maheleni wuxinji, n’wina vanghana va mina, ndzi maheleni wuxinji,Hakuva a canja ga Nungungulu gi ndzi henyile.+
22 Hikuyini mu simamako ku ndzi xanisa a ku khwatsi hi lezvi Nungungulu a mahako,+Mu ndzi vhukela mu nga tsiki ke?*+
23 Mayiwako loku a magezu ya mina ma wo tsaliwa,Ni loku ku wo khwatsi ma tsaliwa bhukwini!
24 Mayiwako loku ma wo kehliwa laha ribyeni ma tshama kala kupindzuka,Hi chizelo ya simbi ni muthovhu!
25 Hakuva ndza zvi tiva khwatsi lezvaku a mutlhatlhisi*+ wa mina wa hanya;I tata andzhako ka cikhati a ta suka a yima hehla ka misava.*
26 Hambu loku a hlonge ya mina yi gilwe yi mbhela,Loku ndza ha hi nyameni ya mina, ndzi ta wona Nungungulu,
27 Ndzi ta mu wona hi lawa ya mina,A matihlo ya mina, na ku nga hi ya mun’wani, ma ta mu wona.+
Kanilezvi hi lomu ndzeni a ndza ha gwenti!*
28 Hakuva mu ngalo: ‘Hi mu xanisisa kuyini?’+
Hi ku alakanya lezvaku a mutsu wa cikarato wu na mina.
29 Hi n’wina mu faneleko ku chava cipadha,+Hakuva a cipadha ci tsayisa loyi a mahako zvihoxo;Mu wa fanele ku zvi tiva lezvaku ku na ni mulamuli.”+
Mitlhamuselo ya lahasi
^ Kutani: “ku ndzi nyenyezisela”. Wona Tlhamuselo wa magezu ya Bhibhiliya.
^ Kutani: “rukile”.
^ Kutani: “korowa”.
^ Kutani: “maxaka ya mina”.
^ Hi kukongoma: “vana va khwiri ga mina”, ku nga khwiri legi gi nga ndzi pswala (a khwiri ga mamani wa mina).
^ Hi kukongoma: “Ndzi pona na ndzi hi ni hlonge ya matino ya mina ntsena”.
^ Hi kukongoma: “Mu nga kolwi hi nyama ya mina ke”.
^ Kutani: “muxavi”.
^ Hi kukongoma: “hehla ka ntshuri”.
^ Kutani: “A tiswa ta mina ti nyimile ku tira ndzeni ka mina”.
