Joba 21:1-34
21 Joba i no hlamula, aku:
2 “Ingiselani khwatsi lezvi ndzi wulako;Lezvi zvi wave kuchavelela loku mu ndzi nyikako.
3 Ndzi timiseleni loku ndza ha wulawula;Loku ndzi mbhetile ku wulawula, makunu mu ta ndzi tseketsela.+
4 Xana ndzo ti khala ka munhu?
Loku zvi wa hi lezvo, na ndzi nga mbhelelwangi hi lihlazva-mbilu ke?
5 Ndzi cuwukeni mu tala hi kuhlamala;Ti vhaleni minomu hi mandla ya n’wina.
6 Loku ndzi pimisa hi zvona, ndzo jujeka kupima,Ni miri wa mina wontlhe wo rurumela.
7 Hikuyini a vakubiha va simamako ku hanya,+Kala va khosahala va tlhela va ganya* ke?+
8 A vana vabye va zvin’we navo contlhe cikhati,Niku vaza va wona a vazukulu vabye.
9 A tiyindlu tabye ti vhikelekile; vonawu a va chavi nchumu,+Ne Nungungulu a nga va tsayisi hi nhonga yakwe.
10 A madhuna ya tihomu tabye a ma vhumali vana;A mapswele ya tihomu tabye ma pswala niku a ma handli.
11 A vafanyana vabye vo tsutsuma-tsutsuma le handle a ku khwatsi i ntlhambi,Ni vana vabye vo khana hi kutsaka.
12 Va yimbelela na ku biwa a mutandanda ni citendeVa tlhela va tsaka hi kuzwa kuvhuma ka citoliya.*+
13 Va mbheta masiku yabye na va xaleleVa relela Cilahleni* hi kurula.*
14 Kanilezvi va byela a Nungungulu wa lisine, vaku: ‘Hi tsike!
A hi zvi lavi a ku tiva tindlela ta wena.+
15 Himani Loyi wa Ntamu Wontlhe wo kala hi mu tirela?+
Hi ta kuma yini hi ku mu tiva ke?’+
16 Kanilezvi ndza zvi tiva lezvaku a kuvhuvhuma kabye a ku ntan’wini wabye.+
A maalakanyo* ya vakubiha ma kule na mina.+
17 Makhati mangani a kandiya ya vakubiha yi timiwako?+
Makhati mangani va welwako hi khombo ke?
Makhati mangani Nungungulu a va lovisako zangeni yakwe?
18 Xana va tshuka va fana ni byanyi go woma gi tsemilweko legi gi biwako hi moyaKutani ku fana ni mungu wu kukuletwako hi mheho ke?
19 Nungungulu i ta hlayisa citsayiso ca munhu a ci vekela vana vakwe.
Kanilezvi ngha Nungungulu a mu tlhelisela kasi a tiva.+
20 I wa wone a kuloviswa kakwe hi mahlo yakwe,Niku i wanwe a zanga ya Loyi wa Ntamu Wontlhe.+
21 Hakuva i wa ta karatekela yini hi lezvi zvi salako zvi humelela a ngango wakwe andzhako ka kufa kakweLoku a ntsengo wa tihweti takwe wu komiswa* ke?+
22 I kona wa ku a nga mu gondzisa wutivi Nungungulu,*+Kuveni hi Yena a lamulako hambu lava va nga zvikhundleni zvo tlakuka ke?+
23 A munhu wafa na a tele hi ntamu+A cikhati leci a nga khataliko hi nchumu na a hanya kuruleni,+
24 A cikhati leci a mathanga yakwe ma teleko hi mafuraNi marambu yakwe ma tiyileko.*
25 Kanilezvi a mun’wani wafa na a hi hlomulweni wa hombe,*Na a nga zangi a ringa a zvilo zva zvinene.
26 Va ta etlela zvin’we ntshurini,+Va pomelwa hi zviwungwani hi wumbiri gabye.+
27 Ndza zvi tiva khwatsi lezvi mu zvi pimisakoNi mano lawa mu lukako kasi ku ndzi mahela zvakubiha.+
28 Hakuva mu ngalo: ‘Yi kwihi a yindlu ya loyi a dhumileko,Niku gi kwihi a tenda legi loyi wa kubiha a nga hanya ka gona?’+
29 A mu wutisangi a vaendzi ke?
A mu gondzangi hi kuetileko a zvikombiso zvabye,
30 Lezvaku a wakubiha wa ponisiwa sikwini ga khomboA tlhatlhiswa sikwini ga zanga ke?
31 Himani a to mu kawuka hi kota ya ndlela yakwe,Kona himani a to mu tlhelisela hi kota ya lezvi a zvi mahileko?
32 A cikhati leci a to yisiwa cilahleni,Ku ta vekiwa murindzeli laha nkeleni wakwe.
33 A marukwani ya misava ya nkova ma ta tsombela kakwe,+Ni vanhu vontlhe va ta mu landzela hi lendzhako*+Khwatsi hi vanhu va tsandza-vahlayi lava va mu rangeleko.
34 Makunu hikuyini mu ndzi nyikako kuchavelela ku nga vhuniko nchumu?+
A mihlamulo ya n’wina mawunwa ntsena!”
Mitlhamuselo ya lahasi
^ Kutani: “va va ni ntamu”.
^ Kutani: “mpundzu”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “hi kucopeta ka tihlo”, ku nga kufa hi kuhatlisa na va nga zwangi kubayisa.
^ Kutani: “wusungukati; mano”.
^ Kutani: “tsemiwa hi laha cikari”.
^ Kutani: “gondzisa cokari Nungungulu”.
^ Hi kukongoma: “a mongo wa marambu yakwe wa ha tsakamako”.
^ Kutani: “hi kubayisekeni ka muhefemulo”.
^ Hi kukongoma: “Niku i ta kokovisa vanhu vontlhe va mu landzela”.
