Joba 22:1-30
22 Elifaze,+ a muTemane, i no hlamula, aku:
2 “A munhu a ngava wa lisima ka Nungungulu ke?
A munhu a tlharihileko a nga vhuna nchumu kakwe ke?+
3 Xana Loyi wa Ntamu Wontlhe wa chela kota hi kululama ka wena,Kutani wa bhindzula nchumu hi lezvi u fambako hi ndlela yo tsumbeka ke?+
4 Xana i ta ku tsayisaA famba na wena kulamulweni hi kota ya lezvi u mu chavako ke?
5 A hi lezvi a kubiha ka wena ku nga ka hombeNi lezvi a zvigoho zva wena zvi nga mbheliko ke?+
6 Hakuva u va khomela citiyisekiso a vamakabye va wena na ku nga hi na cigelo,Ni ku va tlhatlhela tinguwo tabye vanhu, va sala va hi zvimbyiri.+
7 A wu mu nyiki a mati ya kun’wa loyi a kareleko,Niku wa mu tsona zvakuga loyi a zwako ndlala.+
8 A tiko gi lumba loyi wa ntamu,+Ni loyi a randziwako i tshama ka gona.
9 Kanilezvi wena u hlongolile tinoni* ti famba hi mandla,Ni ku fayetela mawoko ya vanana va nga hiko na papayi.*
10 Hi caleco ci ku mahako u randzelwa hi mitlhamu,+Niku a kuchava ka citshuketi ka ku dzukisa;
11 Hi caleco ci mahako ku kuva ni munyama laha ka kuza u nga woni,Niku a ntamu wa mati wu ku khubhunyetile.
12 Kasi Nungungulu a nga le tilweni gi tlakukileko ke?
Hi nga wona lezvi a tinyeleti tontlhe ti nga tlakukisa zvona.
13 Kanilezvi wena u te ngalo: ‘Cini leci Nungungulu a ci tivako hakunene?
A nga lamula na a hi lomu munyameni wo tshisa ke?
14 A marefu ma mu vhalela ku wonaA cikhati leci a fambako hehla ka rodha ga tilo.’
15 Xana u ta famba hi ndlela ya kalelokoLeyi a vakubiha va fambileko hi yona,
16 Lava va nga tekiwa* a cikhati cabye na ci nga se chikela,Lava a ciseketelo cabye ci kukuletilweko hi ndambi* ke?+
17 Va wa byela Nungungulu wa lisine, vaku: ‘Hi tsike!’
Va tlhela vaku: ‘Kona Loyi wa Ntamu Wontlhe a nga hi maha yini ke?’
18 Hambulezvo hi Yena a tatileko tiyindlu tabye hi zvilo zva zvinene.
(A maalakanyo lawo yo biha ma kule nguvhu na mina.)
19 A valulamileko va ta zvi wona va tsaka,Ni loyi a nga hiko na nandzu i ta va poyila, aku:
20 ‘A valala va hina va lovisilwe,Ni ndzilo wu ta mita lava va seleko.’
21 Mu tive, u tava ni kurula;Makunu a zvilo zva zvinene zvi tata ndleleni ya wena.
22 Vhumela a nayo wu humako non’wini wakwe,U hlayisa a timhaka takwe mbilwini ya wena.+
23 Loku u tlhelela ka Loyi wa Ntamu Wontlhe, u ta tlhela u humelela;+Loku u susa kungalulami tendeni ga wena,
24 Loku u hoxa a ouro ya wena ntshuriniNi ouro ya wena ya Ofira+ lomu maribyeni ya nkova,
25 Makunu Loyi wa Ntamu Wontlhe i tava ouro ya wena,Niku i tava prata ya wena ya yinene nguvhu ka yontlhe.
26 Hakuva a litsako la wena li tava ka Loyi wa Ntamu Wontlhe,U ta tlakusa a nghohe ya wena ka Nungungulu.
27 U ta mu khongotela, yena a kuzwa;Ni zvifungo zva wena u ta zvi tatisa.
28 Zvontlhe lezvi u to boha ku maha zvi ta humelela,Ni kuwonekela ku ta woninga ndleleni ya wena.
29 Hakuva u ta wisiwa tingana loku u wulawula hi matshandza,Kanilezvi i ta ponisa a wakutikoramisa.
30 I ta tlhatlhisa lava va nga hiko na nandzu;Hikwalaho, loku a mandla ya wena ma basile, hakunene u ta tlhatlhiswa.”
Mitlhamuselo ya lahasi
^ Kutani: “vavasati vo felwa hi vanuna”.
^ Kutani: “va felweko hi vapswali”.
^ Kutani: “lava va komiselweko masiku ya kuhanya”.
^ Hi kukongoma: “congo”.