Joba 23:1-17
23 Joba i no hlamula, aku:
2 “Hambu nyamutlha ndzi ta khala zva kani;+A ntamu wa mina wu mbhelile hi kota ya kuketa ka mina.
3 Loku ndzi wa ku tiva ka ku mu kuma kona Nungungulu,+
Ndzi wa taya lomu a tshamako kona!+
4 Ndzi wa ta ya bika a mhaka ya mina mahlweni kakweNdzi tata a nomu wa mina hi magezu ya kutiyimelela;
5 Ndzi wa ta tiva lezvi a nga wa ta ndzi hlamulisa zvonaNdzi demba ndleve ka lezvi a nga wa ta ndzi byela.
6 Ina i wa ta holova na mina hi ntamu wakwe wa hombe ke?
Ahihi, hi lisine i wa ta ndzi ingisela.+
7 Laho, a wakululama i wa ta lulamisa timhaka zvin’we naye,Ni Mulamuli wa mina i wa ta ndzi tlhatlha ka nandzu khati gin’we kala kupindzuka.
8 Kanilezvi loku ndziya mutsuwuka-gambo, a nga kona;Ni loku ndzi wuya, a ndzi mu kumi.
9 Loku a tira cibhabheni, a ndzi mu woni;Ni loku a jika aya cineneni, konawu a ndzi mu woni.
10 Kanilezvi yena wa yi tiva a ndlela leyi ndzi fambako hi yona.+
Andzhako ka loku a ndzi ringile, ndzi ta huma na ndzi basile ku khwatsi i ouro yi hlutilweko.+
11 A mikondzo ya mina yi landzele khwatsi a mazambo yakwe;Ndzi hlayisile a ndlela yakwe ndzi nga hambuki.+
12 A ndzi hambukangi ka zvileletelo zva nomu wakwe.
Ndzi hlayisile a timhaka takwe+ a ku hundza ni lezvi zvi lavekako ka mina.
13 Loku a maha ciboho, himani wa ku a nga mu alela?+
Loku a* lava ku maha nchumu, o maha.+
14 Hakuva i ta tatisa hi kumbhelela lezvi zvi bohilweko xungetano hi mina,*Niku i na ni zvilo zvo tala zvo khwatsi hi lezvo a zvi vekileko.
15 Hi caleco ci ndzi mahako ndzi karateka hi kota ya yena;Loku ndzi ehleketa hi yena, ndzo engetela ku chava.
16 Nungungulu i ndzi mahile wa hlenekera,Ni Loyi wa Ntamu Wontlhe i ndzi chavisile.
17 Kanilezvi a munyama a wu se ndzi miyetaNe hambu a kuphuma loku ku fenengetileko a nghohe ya mina.
