Joba 24:1-25
24 “Hikuyini Loyi wa Ntamu Wontlhe a nga yimisiko cikhati?+
Hikuyini lava va mu tivako va nga woniko siku gakwe?*
2 A vanhu va rurisa a cikhongwani ca mbhingano;+Va wutla mitlhambi vaya nayo wuriselweni gabye.
3 Va wutla mbongola ya vanana va nga hiko na papayiVa teka a dhuna ga homu ga noni* hi kota ya lezvi va yi lombileko zvokari.+
4 Va nikinya zvisiwana laha ndleleni;A vavhumali laha misaveni zvi lava ku va va fihlala.+
5 A zvisiwana zvi famba zvi lava zvakuga a ku khwatsi timbongola ta khwati+ lomu ciwuleni;Va hlota zvakuga zva vana vabye lomu ciwuleni.
6 Va kurumeteka ku tshovela masin’wini ya vambeNi ku kutsula civhineni* ca wakubiha.
7 Va tshama wusiku na va hi zvimbyiri, na va nga hi na tinguwo;+A va na zva ku fenengela cirami.
8 Va tsakama va khobotana hi tivhula ta lomu zvitsungeni;Va namarela zvitsunga hi ku vhumala ko fihlala kona.
9 A n’wanana a nga hiko na papayi i wutliwa maveleni ya mamani wakwe,+Ni tinguwo ta cisiwana ta wutliwa kota citiyisekiso hi lezvi va nga ci lomba zvokari.+
10 Va zvi kurumeta ku famba na zvi hi zvimbyiri, na zvi nga hi na tinguwo,Zvi rwala tinyandza ta timbewu na zvizwa ndlala.
11 Zvi tira yi nga chayi cikari ka makhurisi a mumu na wu hisa;*Zvi vhuva mauvha lowu zvigowolweni zvo kamela vhinyo, hambulezvo vona vafa hi tora.+
12 Lava va fako va simama ku keta lomu dhoropeni;Lava va bayisilweko nguvhu* va rila va kombela ku vhuniwa,+Kanilezvi Nungungulu a nga zvi woni kota zvilo zvi nga faneliko.*
13 Ku na ni lava va hluwukelako a kuwonekela;+A va ti tivi a tindlela ta kona,Ne a va landzeli a tisoko ta kona.
14 A mudayi i vhuka na gicaA daya a muvhumali ni cisiwana,+Ni wusiku a yiva.
15 A tihlo ga cibhayi gi rindzela ku gi phuma,+Ciku: ‘I hava a to ndzi wona!’+
Ci fenengeta a nghohe ya cona.
16 Loku ku hi ni munyama va pandza tiyindlu va nghena;Ni hlikanhi vo ti khotsela.
Vambe vanhu ka kuwonekela.+
17 Hakuva ka vona a mixo yi fana ni munyama wo tshisa;Va tolovele a kuchavisa ka munyama wo tshisa.
18 Kanilezvi a mati ma va kukuleta hi kuhatlisa.
A petso wabye wu ta rukatelwa.+
Va nga ta ha tlhela zvivhineni* zvabye.
19 A ku khwatsi hi lezvi a cihala ni kuhisa zvi n’walatako a gapongo yi nyekileko,A Cilahla* conawu ci teka lava va wonhileko!+
20 A mamani wabye* i ta va rivala; a zviwungwani zvi ta ti buza hi vona.
Va nga ta ha alakanyiwa kambe.+
A kungalulami ku ta tshoviwa a ku fana ni sinya.
21 Va xolola wasati wa ngon’waVa tlhela va xanisa noni.*
22 Nungungulu* i ta tirisa ntamu wakwe kasi ku fuvisa lava va ntamu;Hambu lezvi va nga ti tlakusako, a wutomi gabye a gi tiyangi.
23 Nungungulu* i va tsika va ti tsumba ni ku ti wona na va hlayisekile,+Kanilezvi a mahlo yakwe ma cuwukela zvontlhe lezvi va mahako.*+
24 Va tlakusiwa zva cikhatana va gumesa va fuva.+
Va tsongahatiwa+ va tlhela va hlengeletiwa a ku khwatsi hi vontlhe lava van’wani;Va tsemiwa a ku khwatsi tihlanga ta timbewu.
25 Makunu himani a nga tiyisekisako lezvaku ndzi muhembiKutani ku kaneta magezu ya mina ke?”
Mitlhamuselo ya lahasi
^ Ku nga siku gakwe ga kulamula.
^ Kutani: “wasati wo felwa hi nuna”.
^ A civhina i simu ga tisinya leti ti pswalako mauvha.
^ Zvi nga maha na zvi wula ku: “Va kamela mafura cikari ka makhurisi”.
^ Kutani: “A mihefemulo ya lava va bayisilweko”.
^ Zvi nga maha na zvi wula ku: “Nungungulu a nga lumbeti munhu zvakubiha”.
^ A zvivhina masimu ya tisinya leti ti pswalako mauvha.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Hi kukongoma: “A khwiri”.
^ Kutani: “wasati wo felwa hi nuna”.
^ Hi kukongoma: “Yena”.
^ Hi kukongoma: “Yena”.
^ Hi kukongoma: “tindlela tabye”.