Joba 26:1-14
26 Joba i no hlamula, aku:
2 “A wu no ku mu vhuna loyi a nga hiko na ntamu!
A wu no ku ponisa a woko gi rerekileko!+
3 A hi kusaseka ka wusungukati legi u nga nyika loyi a nga hava wutlhari!+
A wu no ku endzelekisa a wutlhari ga wena legi u gi kombisileko!
4 U zama ku wulawula na mani,Kona himani a nga ku pimisela ku wula zvilo lezvo?*
5 Lava va nga hiko na ntamu kufeni va rurumela;Va hasi nguvhu a ku hundza mati ni lezvi zvi hanyako ka wona.
6 A Cilahla* cimbyiri mahlweni ka Nungungulu,*+Ni wutshamu ga kulovisa* gi no tlandlala.
7 I andlala n’walungu* hehla ka wutshamu gi nga hiko na nchumu,+A hayeka misava laha ndengelengeni;
8 I phutsela mati marefini yakwe+Kasi a marefu ma nga phuxuki hi kubindza ka wona;
9 I fihla a citshamu cakwe ca wuhosiA tshambuluta refu gakwe hehla ka cona.+
10 I andlala mbhingano hehla ka mati;+I yimisa mbhingano cikari ka kuwonekela ni munyama.
11 A mapilari ya tilo ma tsekatseka;Ma dzukiswa hi kukawuka kakwe.
12 I dhungela bimbi hi ntamu wakwe,+A phatlulela a cingondzomu* ca lomu bimbini hi kuzwisisa kakwe.+
13 I basisa matilo hi kuhefemula* kakwe,A tlhava nyoka yo tsutsuma hi canja gakwe gi phondla.
14 Phela leti tova tichoka ntsena ta tindlela takwe;+Lezvi hi zvi zwileko xungetano hi yena maheveheve* ntsena!
Makunu himani a nga zwisisako a cingwalangwandla cakwe ca ntamu?”+
Mitlhamuselo ya lahasi
^ Hi kukongoma: “Kona i moya wa mani wu humileko hi ka wena ke”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Hi kukongoma: “kakwe”.
^ Kutani: “Na Abhadhoni”.
^ Kutani: “tilo ga n’walungu”.
^ Hi kukongoma: “Rahabhi”.
^ Kutani: “moya”.
^ Kutani: “kuhlevanyana”.
