Joba 27:1-23
27 Joba i no simama ku wulawula,* aku:
2 “A ku khwatsi hi lezvi a hanyako, loyi a ndzi aleleko a nongameto,+Ni lezvi Loyi wa Ntamu Wontlhe a hanyako, loyi a bavisileko a muhefemulo* wa mina,+
3 Loku ndza ha hefemulaNi loku a moya wa Nungungulu wa ha hi tinhovhini ta mina,+
4 A nomu wa mina wu nga ta wulawula kungalulami,Ne a lirimi la mina li nga ta n’unun’uta mawunwa!
5 A zvive kule na mina a ku mu wula volulama!
Kala ndzifa ndzi nga ta tsika kutsumbeka ka mina!+
6 Ndzi ta hlayisa a kululama ka mina ndzi nga tshuki ndzi ku tsika ku famba;+A mbilu ya mina yi nga ta ndzi kona* loku ndza ha hanya.*
7 Ngha a nala wa mina a fana ni wakubiha,Ni lava va ndzi vhukelako va fana ni vangalulamangiko.
8 Hakuva kutsumba muni a nga nako loyi a nga kholwiko ka Nungungulu* a cikhati leci a lovisiwako,+Laha Nungungulu a tekako wutomi gakwe* ke?
9 Xana Nungungulu i tazwa kurila kakweA cikhati leci a welwako hi zvikarato?+
10 Kutani i ta xalaliswa hi Loyi wa Ntamu Wontlhe ke?
I ta khongela ka Nungungulu contlhe cikhati ke?
11 Ndzi ta mu gondzisa xungetano hi ntamu* wa Nungungulu;Ndzi nga ta fihla nchumu xungetano hi Loyi wa Ntamu Wontlhe.
12 Loku n’wina n’wentlhe mu wonile miwoniso,Hikuyini a kuwulawula ka n’wina ku nga vhuniko nchumu ne ni kutsongwani?
13 Leci hi cona ciavelo ca wakubiha ci tako hi ka Nungungulu,+A tshomba leyi lava va xapi va yi amukelako hi ka Loyi wa Ntamu Wontlhe.
14 Loku a vana vakwe va tala, va ta dawa hi cipadha,+Ni vazukulu vakwe va nga tava ni zvakuga zvo enela.
15 Lava va ponileko va ta kelelwa hi kota ya ntungu,Ni tinoni* tabye ti nga ta va rila.
16 Hambu loku a hlengeletela prata yi maha citsundzulo a ku khwatsi i ntshuriNi ku hlengeletela tinguwo ta ti nene ti tala a ku khwatsi i wumba,
17 Hambu loku a zvi hlengeleta,A wakululama hi yena a to boha,+Ni loyi a nga hiko na nandzu i ta avelela a prata yakwe.
18 A yindlu leyi a akako cifokohlo a ku fana ni cisaka ca pungwani,A ku fana ni chacha+ wu akilweko hi murindzeli.
19 I taya a ya etlela na a ganyile kanilezvi a nga ta tshovela nchumu;Laha a to hafu matihlo, zvontlhe zvi ta ngha zvi n’walele.
20 I chikelelwa hi kuchava a ku khwatsi i ndambi;A kukuletwa hi cingulo ni wusiku.+
21 A moya wa cikobani* wu ta mu kukuleta aya kule, a fambela teto;Wu ta mu swiyela wutshan’wini gakwe.+
22 Wu ta muba wu nga mu nyenyeleti+Laha a to kayakaya na a zama ku tsutsuma ntamu wa wona.+
23 Wu mu bela mandla hi ku mu chepetaWu tlhela wu mu bela noti+ na wu hi wutshan’wini ga wona.*
Mitlhamuselo ya lahasi
^ Hi kukongoma: “vingu gakwe”.
^ Kutani: “kawuka”.
^ Kutani: “ne siku gin’we”.
^ Kutani: “mudhuki”.
^ Kutani: “muhefemulo wakwe”.
^ Zvi nga maha na zvi wula ku: “hi canja”.
^ Kutani: “vavasati vo felwa hi vanuna”.
^ Kutani: “moya wa mutsuwuka-gambo”.
^ Zvi nga maha na zvi wula ku: “Va mu bela mandla hi ku mu chepeta va tlhela va mu bela noti na va hi wutshan’wini gabye”.
