Joba 3:1-26
3 Kuve ndzhako ka lezvi laha Joba a nga sangula ku wulawula ni ku rukatela a siku legi a nga pswaliwa hi gona.*+
2 Joba i te ngalo:
3 “Gi wa n’walale a siku legi ndzi nga pswaliwa hi gona,+Ni wusiku legi va ngaku: ‘Ku xurilwe a nyimba ya n’wana wa mufana!’
4 Ngha a siku lego giva munyama.
Ngha Nungungulu, kwale hehla, a nga khatali hi gona;Ngha a kuwonekela ku nga woningi hehla ka gona.
5 A munyama wa kueta* wu wa gi mite.
A marefu ya vhula ma wa gi khubhunyete.
Ni cihi leci ci phumisako siku ci wa gi dzukise.
6 A wusiku lego gi wa wutliwe hi kuphuma;+Gi nga tsaki cikari ka masiku ya lembe,Ne gi nga hlayiwi cikari ka ntsengo wa tihweti.
7 Kunene a wusiku lego gi wave ngon’wa;Ku nga zwali a guwa ga litsako ka gona.
8 Ngha lava va rukatelako masiku va gi ruka,Lava va zvi kotako ku vhuxa Levhiyatani.*+
9 Ngha a tinyeleti ta gona ta phindzulani ti pfhupeliswa;Gi wa rindzele a kuwonekela ka siku mahala,Ne gi nga woni wuronga.
10 Hakuva a gi vhalangi a tinyangwa ta khwiri ga mamani wa mina;+Hambu ku fihla zvikarato matihlweni ya mina.
11 Hikuyini ndzi nga kala kufa a cikhati leci ndzi nga pswaliwa?
Kona hikuyini ndzi nga kala ku lova a cikhati leci ndzi nga huma hi lomu khwirini ke?+
12 Hikuyini ku ngava ni madzolo ya ku ndzi amukelaNi mavele ya ku ndzi an’wisa?
13 Hakuva ka cikhati leci na ndzi no gaa kuruleni;+Na ndzi etlele ndzi ti humulela+
14 Ni tihosi ta misava ni masungukati ya tona,Leti ti ti akeleko matshamu lawa makunu ma nga marumbi,*
15 Kutani ni tihosana leti ti nga hi ni ouro,Leti a tiyindlu ta tona ti nga tele hi prata.
16 Kona hikuyini ndzi nga kala ku handliwa zvi nga tiviwi,Ndzi fana ni vanana lava va nga kala ku wona kuwonekela ke?
17 Kufeni, hambu a vhilinganya ya vakubiha ya mbhela;Ni lava va rerekileko va humula laho.+
18 Kwaseyo a zvibochwa zvi zvin’we kuruleni;I hava a zvi kurumetako ku tira.
19 Kwaseyo a wamutsongwani ni wahombe va fana,+Ni khumbi yi tlhatlhekile ka n’winyi wa yona.
20 Hikuyini a nyikako kuwonekela ka loyi a xanisekakoNi wutomi ka lava va nga hlomulweni wa hombe ke?+
21 Hikuyini va xuvako kufa kanilezvi ku ngati?+
Va ku kela nguvhu a ku hundza titshomba ti fihlilweko,
22 Lava va giyagiyako hi kutsaka,Ina, lava va tsakako loku va kuma cilahla.
23 Hikuyini a mu nyikako kuwonekela a wanuna loyi a lahlekileko ndleleni yakwe,Loyi Nungungulu a mu bhiyeleko matlhelweni wontlhe ke?+
24 Hakuva wutshan’wini ga zvakuga kuta mahika,+Ni miketo ya mina+ ya chululeka ku khwatsi i mati.
25 Hakuva leci ndzi nga rurumela hi ku ci chava ci ndzi wele,Ni leci ndzi nga ci chava ci ndzi mahekele.
26 A ndzi na kurula, ne kutshamiseka, ne kuhumulaKanilezvi a makhombo ma simama kuta.”
Mitlhamuselo ya lahasi
^ Hi kukongoma: “rukatela a siku gakwe”.
^ Kutani: “munyama ni ndzhuti wa kufa”.
^ Ku alakanyelwa ku ku wuliwa ngwenya kutani cin’wani cihari ca hombe ni ca ntamu ca lomu matini.
^ Zvi nga maha na zvi wula ku: “leti ti ti akeleko marumbi”.
