Joba 35:1-16
35 Elihu i no simama ku wulawula, aku:
2 “Wa tiyiseka lezvaku u lulamile laha ka kuza uku:‘Ndzi lulamile nguvhu a ku hundza Nungungulu’ ke?+
3 Hakuva u ngalo: ‘U* wuyelwa hi yini loku ndzi maha zvakululama?
Zvi chukwana lezvi ndzi nga zvona a ku hundza loku ndzi wa no wonha?’+
4 Ndzi ta ku hlamula wenaNi vanghana+ va wena.
5 Cuwuka le tilweni u wona,U cuwukisisa marefu+ lawa ma nga le hehla nguvhu ka wena.
6 Loku u wonha, u mu bayisisa kuyini?+
Loku a zvihambunyeto zva wena zvi tala, u ta mu mahela yini?+
7 Loku u lulamile, u ta mu mahela yini;Cini a ci kumako ka wena?+
8 A kubiha ka wena ku khumba ntsena a munhu wo khwatsi hi wena,Ni kululama ka wena ku vhuna a n’wana wa munhu.
9 A cikhati leci a vanhu va xanisiwako nguvhu va rila;Va rila va lava ku tlhatlhisiwa wokweni ga lava va ntamu.+
10 Kanilezvi i hava a nge ngalo: ‘I kwihi Nungungulu, a Mumahi wa mina wa Hombe,+Loyi a mahako lezvaku ku yimbelelwa tisimu ni wusiku?’+
11 Yena wa hi gondzisa+ nguvhu a ku hundza a zvihari zva laha misaveni,+Niku i hi maha hi tlhariha a ku hundza zvinyanyani zva matilo.
12 A vanhu va rila, kanilezvi a nga hlamuli,+Hi kota ya matshandza ya vakubiha.+
13 Hi lisine, Nungungulu a nga ingiseli kurila ko fayelisela;*+Loyi wa Ntamu Wontlhe a nga cheli kota ka zvona.
14 A ndza ha wuli loku u khala uku a wu mu woni!+A mhaka ya wena yi mahlweni kakwe, hikwalaho, u fanele ku mu rindzela hi mahlo yo pswhuka.+
15 Hakuva a nga ku vitanisangi na a zangarile kasi a ta ku xuxisa;Ne a nga chelangi kota hi matloti ya wena ya hombe.+
16 Joba i vhulula nomu wakwe wu ku ha mahala;I tata magezu na a nga hi na wutivi.”+