Joba 37:1-24
37 “Hi kota ya lezvi, a mbilu ya mina ya bhikitanaNiku ya tlulatlula cifuveni ca mina.
2 Ingiselani khwatsi a kuvhuma ka gezu gakweNi cingwalangwandla ci humako non’wini wakwe.
3 Wa ci tsikeleta lahasi ka matilo wontlheA rumela lihati lakwe+ kala magemeta-musi ya misava.
4 Andzhako ka lezvo, ku zwala kubhonga;Wa dzindza hi gezu ga hombe,+Niku a nga beteli a lihati loku a gezu gakwe gi zwala.
5 Nungungulu wa dzindza hi gezu gakwe+ hi ndlela yo hlamalisa;I maha zvilo zva hombe zvi hundzako a kupimisisa ka hina.+
6 Hakuva i byela gapongo, aku: ‘Wana misaveni’,+
Ni vhula ya hombe, aku: ‘Nana hi ntamu.’+
7 Nungungulu wa nyimisa yontlhe a mitiro ya vanhu,*Kasi a vanhu vontlhe va ku vafa va tiva a mitiro yakwe.
8 A zvihari zva khwati zvi nghena mikeleni ya zvonaZvi simama ku fihlala timhakweni ta zvona.
9 A cingulo ciba na ci sukela wutshan’wini ga cona,+Ni moya wa n’walungu* wu tisa cirami.+
10 A kuhefemula ka Nungungulu ku vanga jelo,+Ni mati ma talileko nguvhu ma woma hi cirami.+
11 Wa bindzisa marefu hi mati,A hangalasa lihati lakwe+ lomu marefini;
12 Ma rendzelekela lomu a ma kongomisako kona;Ma maha ni cihi a ma layako+ ku maha hehla ka misava.
13 Kani zvi fela ku tsayisa,*+ kani zvi fela ku vhuna misava,Kutani ku fela ku kombisa lirandzo lakwe li nga mbheliko, i maha lezvaku zvi humelela.+
14 Ingisela lezvi, wena Joba;Nyima u ehleketisisa khwatsi hi mitiro yo hlamalisa ya Nungungulu.+
15 Wa zvi tiva lezvi Nungungulu a ma fumelisako* zvona a marefuNi lezvi a mahisako zvona ku a lihati li huma hi refini gakwe ke?
16 Wa zvi tiva lezvi a marefu ma fambisako zvona laha pfhukeni ke?+
Leyi mitiro yo hlamalisa ya Loyi a mbheleleko kutiveni.+
17 Hikuyini a tinguwo ta wena ti hisakoA cikhati leci a misava yi pepisiwako hi moya wa le dzongeni* ke?+
18 Xana wena u nga tshambuluta matilo,+ zvin’we naye,Ma tiya a ku khwatsi i woni* ga simbi ke?
19 Hi gondzise lezvi hi faneleko ku mu byela;A hi nge zvi koti ku hlamula hakuva hi lomu munyameni.
20 Xana a munhu i wa fanele ku mu byela lezvaku ndzi navela ku wulawula ke?
Kutani i kona a wulileko zvokari zvi lavako ku a byeliwa ke?+
21 A va zvi koti ne ku wona kuwonekela,*Hambu lezvi ku woningako le tilweni,Kala ku hundza moya wu kukuleta marefu.
22 Hi le n’walungu, ku huma a kuphatima ko khwatsi i ouro;A wukulu ga Nungungulu+ gi vanga kuchava.
23 A hi nge zvi koti a ku zwisisa Loyi wa Ntamu Wontlhe;+Yena wa hombe hi ntamu,+Niku a nga tshuki a hambunyeta nongameto+ ni kululama+ kakwe ka hombe.
24 Hikwalaho, a vanhu va fanele ku mu chava.+
Hakuva a nga va maheli wuxinji lava va ti byelako ku va tlharihile.”+
Mitlhamuselo ya lahasi
^ Hi kukongoma: “wa vekela cifungo canjeni ga vanhu vontlhe”.
^ Kutani: “norte”.
^ Hi kukongoma: “zvi fela ku neha nhonga”.
^ Kutani: “rangelisako”.
^ Kutani: “sul”.
^ Kutani: “cibuko”.
^ Ku nga gambo.
