Joba 38:1-41
38 Makunu Jehovha i no hlamula Joba hi lomu ka mheho, aku:+
2 “Himani yaloyi a fihlako a makungo ya minaNi ku wulawula na a nga hi na wutivi?+
3 Ti longisele kota wanuna;Ndzi ta ku wutisa, wena u ndzi tlhamusela.
4 U wa hi kwihi a cikhati leci ndzi nga zima a ciseketelo ca misava?+
Ndzi byele loku u alakanya ku wa zvi zwisisa.
5 Himani a nga yimisa a tipimo ta yona, wa mu tiva ke?Kutani himani a nga tshambuluta a lingoti la kupima hehla ka yona?
6 A zviseketelo zva yona zvi zimilwe laha ka yini,Kutani himani a nga yimisa a ribye ga yona ga laha khoneni,+
7 A cikhati leci a tinyeleti ta mixo+ ti nga yimbelela zvin’we hi kutsaka,Ni vontlhe a vana va Nungungulu*+ va sangula ku kanyuluka va dhumisa?
8 Kona himani a vhalileko a bimbi hi tivati+A cikhati leci gi nga phuxuka hi lomu khwirini,
9 Laha ndzi nga gi bohisa marefuNi ku gi phutsela hi munyama wo tshisa,
10 A cikhati leci ndzi nga gi yimisela a mbhingano wa minaNdzi gi vekela zvikwinyaro ni tivati,+
11 Ndziku ka gona: ‘U ngata kala laha, kanilezvi u nga hundzi;A mavingo* ya wena ya matshandza ma ta nyima kwalaha’ ke?+
12 U tshukile u laya mixo ke?Kutani ku maha wuronga gi tiva wutshamu ga gona,+
13 Lezvaku gi khoma magemeta-musi ya misavaNi ku zuza a vakubiha ka yona ke?+
14 A misava yi cica yi ku khwatsi i wumba lahasi ka cifungo,Ni zvontlhe zvi nga ka yona zviku dlunya a ku khwatsi zvilo zvo sasekisa nguwo.
15 Kanilezvi a kuwonekela ka vakubiha ka susiwa kabye,Ni woko gabye ga ntamu ga tshoviwa.
16 U tshuka u relela zvibukeni zva bimbiKutani ku fambafamba matini yo eta ke?+
17 U no kombiwa a tinyangwa ta kufa,+Kutani u no wona a tinyangwa ta munyama wo eta* ke?+
18 U no zwisisa a kuanama ka hombe ka misava ke?+
Ndzi byele, loku u zvi tiva zvontlhe lezvi.
19 A kuwonekela ku tshama ka tlhelo gihi?+
Kona gi kwihi a wutshamu ga munyama,
20 Kasi u wu yisa wutshan’wini ga wonaNi ku tiva a tindlela ta kuya kaya ka wona?
21 Xana u tiva lezvo hi ku u wa sina u pswalilwe ke?Ni lezvi a ntsengo wa malembe* ya wena wu nga wa hombe ke?
22 U no tshuka u nghena lomu matshaleni ya gapongo,+Kutani ku wona a matshala ya maralala,+
23 Lezvi ndzi zvi hlayiseleko a cikhati ca hlomulo,A siku ga kulwa ni ga yimpi ke?+
24 A kuwonekela* ku hangalaka na ku sukela kwihiNi moya wa cikobani* wu pupuxa laha misaveni na wu sukela kwihi ke?+
25 Himani a nga bhoxa ndlela ya ndambiNi ku bhoxa ndlela ya refu ga kudzindza ga cingulo,+
26 Kasi ku nisa vhula lomu ku nga hanyiko munhu,Ciwuleni lomu ku nga hiko na vanhu,+
27 Kasi ku xurisa matshamu ya ligwangwa*Ni ku milisa byanyi ke?+
28 Ina a vhula yi na ni papayi,+Kutani himani a papayi wa madona ya ndzhokati ke?+
29 A jelo gi humele hi khwirini ga maniKona himani a nga pswala a civera ca le tilweni?+
30 A mati ma fenengetiwa a ku khwatsi ma no fenengetiwa hi ribye,Ni laha hehla ka mati yo eta ka woma ku maha jelo.+
31 Xana u nga boha a tingoti ta ntlawa wa tinyeleti wa KimaKutani ku tlhatlha a tingoti ta ntlawa wa tinyeleti wa Kesil?+
32 U nga humesa a ntlawa wa tinyeleti hi nguva ya konaKutani ku rangela a ntlawa wa tinyeleti wa Axi ni vana va tona ke?
33 Wa yi tiva a milayo leyi yi fumelako matilo,+Kutani u nga yimisa a milayo ya wona* hehla ka misava ke?
34 U nga tlakusa gezu ga wena gi chikela marefiniKasi ma ku nisela a vhula ya hombe yi ku fenengeta?+
35 U nga zvi kota a ku rumela kuhatima?
Kona ku ngata ka wena ku taku: ‘Hi mina loyi!’
36 Himani a nga chela wutlhari lomu ka marefu*+Kutani a nga gi nyika kuzwisisa a tilo* ke?+
37 Himani a nga ni wutlhari go ringana ku hlaya marefu,Kutani himani wa ku a nga halata a tijaro ta mati ya le tilweni+
38 Laha ka kuza a lithuri li hundzuka li maha madhakaNi marukwani ya misava ma namarelana ke?
39 U nga yi hlotela nyama a nghalaKutani ku xurisa zvinghalana+
40 A cikhati leci zvi vhumbamako wutumbelweni ga zvonaKutani ku tumbela mikeleni ya zvona ke?
41 Himani a ci nyikako zvakuga a cikunguwa+Laha a mavhinyani ya cona ma ketako ka Nungungulu na ma lava ku vhuniwaNi ku pepetseka hi ku vhumala zvakuga ke?
Mitlhamuselo ya lahasi
^ Legi i vingu ga ciHebheru gi wulako tingilozi.
^ Kutani: “mabyandlati; mavimbi”.
^ Kutani: “ndzuti wa kufa”.
^ Hi kukongoma: “masiku”.
^ Zvi nga maha na zvi wula ku: “kuhatima”.
^ Kutani: “moya wa mutsuwuka-gambo”.
^ Kutani: “zvisapa”.
^ Zvi nga maha na zvi wula ku: “Yakwe”.
^ Zvi nga maha na zvi wula ku: “ndzeni ka munhu”.
^ Zvi nga maha na zvi wula ku: “a mapimo”.
