Joba 39:1-30
39 “Wa ci tiva a cikhati leci a timbuti ta khwati ti pswalako hi cona ke?+
U tshuka u wona a tihlangu na ti pswala?+
2 Wa hlayela a tihweti ta nyimba ya tona?
Wa ci tiva a cikhati leci ti pswalako hi cona?
3 Ti cuculuka kasi ti pswala,A kulun’wa ka tona ku gumesa.
4 A vana va kona va tiyela va tlhela va kula lomu khwatini;Va famba va nga ha wuyi kabye.
5 Himani a nga yi nyika kutlhatlheka a mbongola ya khwati,*+Kona himani a nga tlhatlha a tingoti ta mbongola ya khwati?
6 Ndzi mahile ciwula kasi civa muti wa yonaNi tiko ga munyu kasi yi tshama ka gona.
7 Ya hleka a vhilinganya ya dhoropa;A yi ingisi a gezu ga loyi a yi gulako.
8 Yi ndzulandzula lomu zvitsungeni na yi lava wuriselo,Yi lavetela tontlhe a tisinya to nyuka.
9 Xana a dhuna ga homu ya khwati gi nga vhumela ku ku tirela?+
Ina gi nga tshama a wusiku gontlhe lomu rangeni* ga wena?
10 U nga bohelela dhuna ga homu ya khwati laha cikon’wini* hi lingoti ke?Kutani gi ta ku landzela kasi ku ya rima nkova?
11 Xana u ta tsumba a ntamu wa gona wa hombeU gi tsika gi ku mahela a ntiro wa wena wo bindza ke?
12 U ta tsumba lezvaku gi ku nehela tshovelo,*Gi tlhela gi wu hlengeletela wutshan’wini ga wena go hulela kona timbewu?
13 A tipapa ta mbhuwu* tiba hi kutsaka,Kanilezvi xana a tipapa ta yona ni timbavi ta yona ta fana ni ta sekwa ke?+
14 Hakuva yi tsikela matandza ya yona lahasiYi ma kuhlehela lomu ntshurini.
15 Yi rivala lezvaku a munhu a nga tshuka a ma kandzihelaKutani ku a cihari ca khwati ci nga ma faya.
16 Yi ma mahela xapi a mavhinyani ya yona a ku khwatsi a hi ya yona;+A yi chavi ku yi nga tshuka yi tirile mahala.
17 Hakuva Nungungulu i yi tsonile wutlhariNe a nga yi nyikangi kupimisisa
18 Kanilezvi a cikhati leci yi sukako yi yima yiba a tipapa ta yona,Yi hleka a haxi ni mukhileli wa gona.
19 Hi wena u gi nyikako ntamu a haxi,+
U gi bohisa a tshiva* nhan’wini ya gona ke?
20 Xana u nga gi maha gi tlula a ku khwatsi i humbi?*
A mabela ya gona yo tshisa ma tsema hlanha.+
21 Gi paleta misava ya nkova gi khana hi kutsaka;*+Gi huma hi kutsutsuma giya yimpini.*+
22 Gi hleka wutoya niku a gi chavi nchumu.+
A gi tlheleli ndzhako hi kota ya cipadha.
23 A cikhwama ca mipaxa ca kocongela hehla ka gona.A paxa ni tlhari zva phatima.
24 Na gi kari gi rurumela hi manyawunyawu, gi huma na gi tlulatlula,A gi zvi koti ku rula* loku ku biwa linanga.*
25 Loku ku biwa linanga gi: ‘Aha!’
Gi femba masema ya yimpi hi kuleGizwa a guwa ga vakomandante ni guwa ga yimpi.+
26 Xana a mangavhi i haha hi kota ya kuzwisisa ka wena,A nawuluta tipapa takwe ti cuwuka dzongeni* ke?
27 Kutani a gama gi puruma giya hehla hi kulaya ka wena+Ni ku aka cisaka ca gona le hehla,+
28 Gi mbheta wusiku laha ribyeni,Na gi hanya lomu khokholeni ga gona, lomu kovotlweni wa ribye?
29 Gi lavetela zvakuga na gi hi lomo;+A matihlo ya gona ma wona zva le kule nguvhu.
30 A mavhinyani ya gona manwa nkhata,Niku laha ku nga ni zvirumbi, gi kwalaho.”+
Mitlhamuselo ya lahasi
^ Kutani: “onagro”, li nga lixaka lo kari la timbongola ta khwati. Hambu lezvi a vokari va alakanyako ku i zebra, laha ko khwatsi ku khanyisiwa a moya wa kutifuma.
^ Kutani: “cigowolweni”.
^ Hi kukongoma: “museleni”.
^ Hi kukongoma: “mbewu”.
^ Kutani: “avestruz”.
^ Kutani: “chowa; crina esvoaçante”.
^ A humbi zviharana zvo fana ni bhandzala.
^ Hi kukongoma: “gi tsaka hi kuzwa ntamu”.
^ Hi kukongoma: “Gi huma gi khinga matlhari”.
^ Zvi nga maha na zvi wula ku: “A gi kholwi”.
^ Kutani: “khombela”.
^ Kutani: “sul”.
