Joba 4:1-21
4 Elifaze,+ a muTemane, i no hlamula, aku:
2 “Loku a wokari a zama ku wulawula na wena, u ta mbhelelwa hi lihlazva-mbilu ke?
Hakuva himani wa ku a nga ti khoma a nga wulawuli?
3 Kunene, u wa gondzisa votalaNi ku tiyisa mandla ma rerekileko.
4 A magezu ya wena ma wa vhuxa ni wihi a wakoU tiyiseta a madzolo ma rerekileko.
5 Kanilezvi zvezvi zvi humelela wena niku wa rereka;*Zva ku khumba, makunu wa karateka.
6 A kuchava ka wena Nungungulu a ku ku tiyisi ke?
A ndlela ya wena ya kutsumbeka+ a yi ku nyiki kutsumba ke?
7 Hi nga alakanya: Himani a tshukileko a lova na a nga hi na nandzu?
Kona hi rini a valulamileko va tshukileko va loviswa ke?
8 Lezvi ndzi zvi wonako ku lava va rimako kugohaNi lava va byalako khombo, va tshovela zvalezvo.
9 Hi kuhefemula ka Nungungulu vo lova,Va fuva hi kuphuxuka ka zanga yakwe.
10 A nghala ya dzuma, ni cinghalana ca bhongaKanilezvi hambu a matino ya tinghala ta ntamu* ma tshoviwa.
11 A nghala yafa hi ku vhumala nyama,Ni marole ya nghala ma hangalaswa.
12 Ndzi byelilwe gezu cihundleniNi kuhleva ka gona ku chikele tindleveni ta mina.
13 Lomu maalakanyweni ma vangako kukarateka miwonisweni ya wusiku,Laha a vanhu va khomiwako hi wurongo ga hombe,
14 Ndzi no khon’wa hi kuchava ka hombeKu tata a marambu ya mina hi kururumela.
15 Ku no hundza moya hi nghoheni ya mina;A mawoya ya miri* wa mina ma tlhatlheka.
16 Wu no simama na wu yimileKanilezvi a ndzi gi tivangi tshamela ga wona.
A ciwumbeko ca wona ci wa hi mahlweni ka mina;Ku no kape, ndzizwa gezu, giku:
17 ‘A munhu wa ku wafa a ngava wo lulama ku hundza Nungungulu?
Kona a munhu a ngava loyi a basileko a ku hundza Mumahi wakwe ke?’
18 A nga ma tsumbi a malandza yakweNiku i kuma zvihoxo ka tingilozi* takwe.
19 A ndza ha wuli hi lava va tshamako lomu tindlwini ta wumba,Lava a ciseketelo cabye ci nga lomu ntshurini,+Lava va siliwako hi kuolova a ku fana ni ciwungwani!
20 Va hanya ni mixo, giku gi pela na va sililwe va ku bhi;Va lova kala kupindzuka niku i hava a chelako kota hi vona.
21 A va fani ni tenda legi a lingoti la gona li susilweko ke?
Vafa na va nga hi na wutlhari.
Mitlhamuselo ya lahasi
^ Hi kukongoma: “wa mbhela ntamu”.
^ Kutani: “zvinghalana zva malevhu”.
^ Kutani: “nyama”.
^ Kutani: “zvirun’wa”.
