Joba 41:1-34
-
Nungungulu a tlhamusela a kuhlamalisa ka Levhiyatani (1-34)
41 “U nga zvi kota ku phasa Levhiyatani*+ hi cimembaKutani ku boha lirimi lakwe hi lingoti ke?
2 U nga zvi kota ku peta lingoti tinhovhini takweKutani ku bhoxa tihlaya takwe hi muzwa* ke?
3 Xana i ta ku khongotela nguvhu,Kutani ku wulawula na wena hi ndlela ya yi nene ke?
4 I ta maha civhumelwano na wenaKasi a maha khumbi ya wena wutomini gakwe gontlhe?
5 U ta hlakana naye a ku khwatsi hi loku u hlakana ni cinyanyaniKutani u ta mu boha bhandi kasi a zvinhanyetana zva wena zvi hlakana hi yena ke?
6 Ina a vaxavisi va nga maha bhindzu hi yena?
Xana va ta mu avela cikari ka vamahi va mabhindzu ke?
7 U nga fula bhebhe gakwe hi mipaxa* yo tala+Kutani u nga tlhava hloko yakwe hi matlhari ya ku fula hi wona tinjhanjhi ke?
8 Hi nga tlhateka a canja ga wena hehla kakwe,Lezvi a to ku maha u nga ta zvi rivala ne u nga ta ha phinda kambe!
9 Zvontlhe lezvi u nga mahako kasi ku mu fumela a zvi nge phahi.
Hi ku mu wona basi, u wa ta vhumala ni co maha.*
10 I hava a tiyako ku mu vhuka.
Makunu himani a nga yimako mahlweni ka mina?+
11 Himani a rangileko hi yena a ndzi nyika cokari ko kala ndzi mu tlhelisela ke?+
Zvontlhe lezvi zvi nga lahasi ka matilo zva mina.+
12 Ndzi nga ta tsika ku wulawula hi zviro zvakwe,Ni ntamu wakwe, ni miri wakwe wu wumbilweko khwatsi.
13 Himani a tshukileko a yewula bhebhe gakwe?
Himani a to nghena tihlayeni takwe ti ahlamileko?
14 Himani a zvi kotako ku vhulula tivati ta nomu* wakwe?
A matino yakwe wontlhe ma tshisa.
15 Laha hlanheni wakwe ku xalamele magwaru*Ma namareleneko khwatsi.
16 A gin’we ni gin’wani gi namarele khwatsi laha ka gin’waniLaha ka ku ne moya a wu ngheni cikari ka wona.
17 Ma khomene hi ca ka wona;Ma khomene laha ka ku a ma nge hambanisiwi.
18 Loku a wetshemula ku huma tihlahli,Ni matihlo yakwe ma fana ni miseve ya wuronga.
19 Lomu non’wini wakwe ku huma zvingwalangwandla;Hi ka wona, ku huma a tihlahli ta ndzilo.
20 A tinhovhu takwe ti humesa musi,A ku khwatsi i ndzhimbo* wu hlanganyetiwako hi tihlanga.
21 A kubuvheta kakwe ku lumeka makhala,Ni langavi gi huma hi non’wini wakwe.
22 A nhamu yakwe yi na ni ntamu wa hombeVontlhe va kumanako naye va chava nguvhu.
23 A madingo ya nyama yakwe ma namarelene khwatsi;Ma tiyile a ku khwatsi ma no hiselwa laha kakwe, a ma ndlengandlengi.
24 A mbilu yakwe yi tiyile a ku khwatsi i ribye,Ina, ya nonoha a ku khwatsi i ribye ga cigayo ga lahasi.
25 Loku a suka a yima, hambu lava va ntamu va rurumela;A kupfhupfhapfhupfha kakwe ku vanga kuchava.
26 A ku na cipadha ni cin’we ci to mu tlhava ci humelelaHambu paxa, ne tlhari, kutani hloko ya paxa.+
27 Ka yena, a simbi yi khwatsi i byanyi go woma,Ni kobre yi khwatsi mapulango yo hehliwa.
28 A paxa a wu mu tsutsumisi;A maribye ma phandilweko hi cipelupelu* me khwatsi tihlanga kakwe.
29 Ka yena, a nhonga yi khwatsi lihlanga;I hleka a wungetlengetle ga matlhari.
30 A khwiri gakwe gi khwatsi zvirengele zvo tsema;I ndzundza lomu madhakeni a ku khwatsi citlhata ca ku hula timbewu.+
31 I bondza mati yo eta ma vila a ku khwatsi ma lomu bhoteni;A vhindlusa bimbi gi ku khwatsi i bhota gi nga ni mafura.
32 I siya koka wo hatima laha a hundzako hi kona,
A maha mati yo eta ma ku khwatsi mova ni misisi yo basa.
33 A ku na ca ku fana na yena laha misaveni,A civangwa ci mahelweko ku nga chavi nchumu.
34 Wa tiyela ku cuwuka a zvihari zvontlhe zva matshandza.
I hosi ya zvivandza zvontlhe zva hombe zva khwati.”
Mitlhamuselo ya lahasi
^ Kuzvilava i ngwenya.
^ Kutani: “huka”.
^ Mipaxa yo khwatsi matlhari ya ku fula hi yona a tinjhanjhi ta hombe.
^ Kutani: “u wa tawa lahasi”.
^ Hi kukongoma: “nghohe”.
^ Zvi nga maha na zvi wula ku: “A matshandza yakwe magwaru ma xalameleko”.
^ Kutani: “fornalha”.