Joba 42:1-17
42 Joba i no hlamula Jehovha, aku:
2 “Makunu ndza zvi tiva lezvaku wa zvi kota ku maha zvilo zvontlheNiku ci hava ci nga maalakanyweni ya wena u ci tsandzekako ku maha.+
3 U te ngalo: ‘Himani yaloyi a fihlako makungo ya mina na a nga hi na wutivi?’+
Hikwalaho, ndzi wulawulile na ndzi nga hi na kupimisisaXungetano hi zvilo zvo hlamalisa nguvhu ka mina lezvi ndzi kalako ndzi nga zvi tivi.+
4 U te ngalo: ‘Ndzi ingisele ndzi lava ku wulawula.
Ndzi ta ku wutisa, wena u ndzi tlhamusela.’+
5 A tindleve ta mina ti zvi zwile na ku wulawuliwa hi wena,Kanilezvi zvezvi ndza ku wona hi matihlo ya mina.
6 Hikwalaho, ndza susa lezvi ndzi nga wula,+Ndzi ti sola lomu ntshurini ni lomu khumeni.”+
7 Andzhako ka loku Jehovha a mu byelile a magezu lawa Joba, Jehovha i no byela Elifaze, a muTemane, aku:
“A zanga ya mina ya vhura hehla ka wena ni ka vanghana va wena va vambiri,+ hakuva a mu wulawulangi lisine hi mina+ a ku khwatsi hi nandza ga mina Joba.
8 Makunu tekani a 7 wa madhuna ya tihomu ni 7 wa tiyivhu ta vamatsune muya nato ka Joba, a nandza ga mina, mu ya maha hi tona a muphahlo wa n’wina wa kuhiswa. Joba, a nandza ga mina, i ta mu khongelela.+ Hakunene, ndzi tazwa a cikombelo cakwe* caku ndzi nga mu khomi hi kuya hi wupumbu ga n’wina, hakuva n’wina a mu wulawulangi lisine xungetano hi mina a ku khwatsi hi nandza ga mina Joba.”
9 Hikwalaho, Elifaze, a muTemane, na Bhildhadhe, a muXuhi, na Zofare, a muNaamate, va no famba va ya maha lezvi Jehovha a nga va byelile. Jehovha i nozwa a mukhongelo wa Joba.
10 Andzhako ka loku Joba a khongelele a vanghana vakwe,+ Jehovha i no susa a hlomulo wa Joba,+ a mu tlhelisela a titshomba takwe.* Jehovha i no mu nyika lezvi a nga hi nazvo kusanguleni na zvi wuyetilwe kumbiri.+
11 Vontlhe a vamakabye vakwe va cinuna ni va cisati, ni vontlhe vanghana vakwe va kale,+ va nota va taga naye zvakuga laha kaya kakwe. Va no mu tangalisa ni ku mu chavelela ka makhombo wontlhe lawa Jehovha a nga ma tsikile ma mu wela. A mun’we ni mun’wani i no mu nyika mali ni phera ya ouro.
12 Hikwalaho, Jehovha i no katekisa a magumo ya wutomi ga Joba a ku hundza a masangulo yakwe,+ niku Joba i nova ni 14 000 wa tiyivhu, ni 6000 wa makameli, ni 1000 wa zvipani zva tihomu, ni 1000 wa mapswele ya timbongola.+
13 I tlhelile ava ni van’wani vafana va 7 ni van’wani vanhanyana va vanharu.+
14 A wa kusangula i no mu chula ku hi Jemima, a wa wumbiri a mu chula ku hi Kezia, ni wa wunharu a mu chula ku hi Keren-hapuka.
15 A tikweni gontlhe, ku wa nga hi na vavasati vo saseka a ku khwatsi vanhanyana va Joba, niku a papayi wabye i no va nyika tshomba zvin’we ni vamakabye vabye va cinuna.
16 Andzhako ka zvilo lezvi, Joba i no hanya a 140 wa malembe; i no wona vana vakwe ni vazukulu vakwe kala ka cizukulwana ca wumune.
17 Hi kugumesa, Joba i nofa na a hanyile wutomi go leha ni go tsakisa.*
Mitlhamuselo ya lahasi
^ Hi kukongoma: “Hakunene, ndzi ta tlakusa a nghohe yakwe”.
^ Hi kukongoma: “Jehovha i no tlhatlhisa Joba wukhumbini gakwe”.
^ Hi kukongoma: “khosahele na a tele hi masiku”.