Joba 6:1-30
6 Makunu Joba i no hlamula, aku:
2 “Mayiwako loku a hlomulo wa mina+ wontlhe wu wo peziwaNi loku wu wo cheliwa cikalweni zvin’we ni makhombo ya mina!
3 Hakuva wa bindza a ku hundza misava ya bimbi.
Hi caleco ci ndzi mahako ndzi ku khwatsi ndzo phuraphura.+
4 Hakuva a tigalala ta Loyi wa Ntamu Wontlhe ti ndzi fulile,Ni moya wa mina wunwa vhenene ya tona;+Hakuva a kuchava ku tako hi ka Nungungulu ku folile ku ndzi vhukela.
5 Xana a mbongola ya khwati+ yaba* na yi hi ni byanyi,Kutani a dhuna ga homu ga bhonga na gi hi ni zvakuga ke?
6 Xana a zvakuga zvo pswhama zva giwa na zvi nga hi na munyu,Kutani a tshepu ga mhangani ga nandziha ke?
7 Ndza* ala a ku henya zvilo lezvo.
Zvi fana ni zvitsongwatsongwani lomu ka zvakuga zva mina.
8 O, loku ku wo khwatsi a cikombelo ca mina ca zwiwaNi loku ku wo khwatsi Nungungulu wa ndzi nyika lezvi ndzi zvi xuvako!
9 Loku ku wo khwatsi Nungungulu i ti yimisele ku ndzi faya,Ni loku i wo nawuluta canja gakwe a ndzi mbhetisa!+
10 Hakuva hambu zvezvo zvi wa ta ndzi chavelela;Ndzi wa ta tlulatlula hi kutsaka hambu lezvi ndzi zwako a kubayisa ka hombe,Hakuva a ndzi alangi a timhaka ta Loyi a Basileko.+
11 Ina ndza hi ni ntamu wa ku simama ku rindzela?+
Ma tava wahi a magumo ya mina, ko kala ndzi simama ku hanya ke?*
12 Xana ndzi tiyile a ku fana ni ribye ke?
Kutani a nyama ya mina yova ya kobre ke?
13 Xana yi kona ndlela ya ku ndzi ti vhuna ha ndzoceKuveni zvontlhe lezvi ndzi nga hanya hi zvona zvi susilwe ka mina ke?
14 Ni wihi loyi a alako ku kombisa lirandzo li nga mbheliko ka munhu-kuloni+I ta tsika ku chava Loyi wa Ntamu Wontlhe.+
15 A vamakabye va mina va kanganyisa+ a ku khwatsi i congo wa cikhatana,Ina, ve khwatsi i mati ya micongo ya cirami lawa ma pswhako.
16 Yi vhindluswa hi jelo,Ni gapongo yi nyekileko yi fihlala lomo.
17 Kanilezvi hi nguva ya kona, yo mbhela mati yi woma;A cikhati leci ku hisako, yopswha.
18 A nonga wa yona wa hambukiswa;Yi khulungela ciwuleni yi ya n’walala.
19 A ntlawa wa vaxavisi va le Tema+ wu lavetela yona;Ni vaendzi va le Xebha*+ va rindzela yona.
20 Va te koyo tingana hi lezvi a kutsumba kabye ku ngava ka mahala;Va chikela seyo kasi ku yawa tingana ntsena.
21 Hakuva lezvo hi lezvi n’wina mu ngava zvona ka mina;+Mu wona a kutshisa ka hlomulo wa mina mu tala hi kuchava.+
22 Xana ndzi te: ‘Ndzi nyikeni cokari’,
Kutani ku kombela ku mu ndzi nyika cinyikiwo hi tshombeni ya n’wina ke?
23 Ndzi wa no kombela ku tlhatlhiswa canjeni ga nalaKutani ku poniswa* ka vaxanisi ke?
24 Ndzi gondziseni, ndzi ta miyela;+Ndzi vhuneni a ku zwisisa a cihoxo ca mina.
25 A magezu ya lisine a ma bayisi!+
Kanilezvi a kukawuka ka n’wina ku vhuna yini ke?+
26 Mo luka mano ya ku kawuka a timhaka ta mina,A magezu ya munhu a ngo kayakaya,+ lawa ma buvhetwako hi moya ke?
27 N’wina mu wa taba tihlolo mu bela a n’wanana a felweko hi vapswali+Mu xavisa* munghana wa n’wina!+
28 Hikwalaho, hundzulukani mu ndzi cuwuka,Hakuva ndzi nga ta hemba tinghoheni ta n’wina.
29 Cicani maalakanyo — ndzo kombela — mu nga ndzi lamuli hi ndlela ya hava,Ina, cicani maalakanyo, hakuva a kululama ka mina ka ha tiyile.
30 A lirimi la mina la wulawula a kungalulami ke?
Ina a nomu wa mina a wu zvizwi lezvaku ku na ni zvilo zvo biha ke?
Mitlhamuselo ya lahasi
^ Kutani: “ya yimba”.
^ Kutani: “A muhefemulo wa mina wa”.
^ Kutani: “ko kala ndzi lehisa a wutomi ga mina (muhefemulo wa mina)”.
^ Kutani: “ntlawa wa vaendzi va vaXebha”.
^ Hi kukongoma: “tlhatlhiswa”.
^ Kutani: “Mu maha bhindzu hi”.