Joba 7:1-21
7 “Xana a wutomi ga munhu wa ku wafa a gi fani ni ntiro wa cikurumeta?Ni masiku yakwe a ma fani ni ya mutiri a tholilweko ke?+
2 A ku fana ni khumbi, i navela a ndzhuti,Niku a ku khwatsi mutiri a tholilweko, i rindzela a muholo wakwe.+
3 Ndzi avelwe a tihweti ta kunganyawuliNdzi tlhela ndzi nyikiwa a wusiku ga makhombo.+
4 A cikhati leci ndzi etlelako ndzi ti wutisa ku: ‘Ndzi ta vhuka rini?’+
Kanilezvi lomu cikari ka wusiku ndzo tina ku tshumbula kala gica.*
5 A miri wa mina wu tele hi zviwungwani ni zvibaba zva chaka;+Ni hlonge ya mina yi tele hi zvilondza ni wubovhu.+
6 A masiku ya mina ma tsutsuma ku hundza ni muchini wo luka,+Ma mbhela na ma nga hi na kutsumba.+
7 Alakanya lezvaku a wutomi ga mina gi fana ni moya,+Ni lezvaku a matihlo ya mina ma nga ta ha tshuka ma wona zvazvinene.*
8 A matihlo lawa ma ndzi wonako zvezvi ma nga ta ha ndzi wona kambe;A matihlo ya wena ma ta ndzi lavetela kanilezvi ndzi nga ta hava kona.+
9 A ku khwatsi i refu gi cacukako gi n’walala,Zva fana ni loyi a relelako Cilahleni,* a nga ta ha huma.+
10 A nga ta ha tlhela kambe kaya kakwe,Ni wutshamu gakwe gi nga ta ha mu tiva.+
11 Hikwalaho, ndzi nga ta khoma a nomu wa mina.
Ndzi ta wulawula kukaratekeni ka moya wa mina;Ndzi ta keta hi kubayiseka hlomulweni wa mina wa hombe!*+
12 Ndzova bimbi kutani cingondzomu ca lomu bimbini,Ko kala u ndzi vekela mugadhi ke?
13 Loku ndziku: ‘A sango ga mina gi ta ndzi chavelela,Ni mubhedhi wa mina wu ta ndzi vhuna ku hungula kuxaniseka ka mina,’
14 Makunu wena u ndzi dzukisela hi miloroU ndzi chavisela hi miwoniso,
15 Laha ka kuza ndzi* hlawula a kutlimbiwa,Ina, ndzi hlawula kufa a ku hundza ku hanya na ndzi hi marambu.+
16 Ndza nyenya wutomi ga mina;+ a ndza ha zvi lavi a ku simama ndzi hanya.
Ndzi tsike hakuva a masiku ya mina ma hundza hi kuhatlisa a ku khwatsi kuhefemula.+
17 Ova yini munhu wa ku wafa ko kala u mu khatalelaU tlhela u veka kupima ka wena* kakwe ke?+
18 Hikuyini u mu hlolako mixo ni mixoNi ku mu ringa contlhe cikhati ke?+
19 Ina u nga ta jikisa matihlo ya wena ka minaU ndzi tsika zva cikhatanyana kasi ndzi kota ku mita mari ya mina ke?+
20 Loku ku hi ku ndzi no wonha, ndzi nga ku bayisisa kuyini wena Mucuwukiseli wa vanhu?+
Hikuyini u ndzi mahako cipotiyelo ca wena?
Ndzova ndzhwalo ka wena ke?
21 Hikuyini u nga tsetseleliko cihambunyeto ca minaU tsika a ku chela kota hi cigoho ca mina ke?
Hakuva zvezvanyana ndzi ta etlela ntshurini,+U ta ndzi lavetela, kanilezvi ndzi nga ta hava kona.”
Mitlhamuselo ya lahasi
^ Kutani: “kala ku woneka a wuronga”.
^ Kutani: “litsako”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “hi kubayiseka ka muhefemulo wa mina”.
^ Kutani: “a muhefemulo wa mina wu”.
^ Hi kukongoma: “u veka a mbilu ya wena”.
