Joba 8:1-22
8 Makunu Bhildhadhe,+ a muXuhi,+ i no hlamula, aku:
2 “Kala rini na wa ha simama ku wulawulisa lezvi?+
A magezu ya nomu wa wena me khwatsi i moya wa ntamu!
3 Xana Nungungulu i ta hambunyeta nongameto,Kutani Loyi wa Ntamu Wontlhe i ta hambunyeta kululama ke?
4 Loku a vana va wena va mu wonhele,I va tsikile va tsayiswa hi kota ya kuhluwuka kabye;*
5 Kanilezvi loku wena u wo tsutsumela ka Nungungulu+U khongotela Loyi wa Ntamu Wontlhe lezvaku a ku mahela wuxinji,
6 Ni loku hakunene u wa basile ni kululama,+I wa ta chela kota hi wena*A ku tlhelisela wutshan’wini ga wena gi ku ringanako.
7 Hambu lezvi a masangulo ya wena ma nga hi matsongwani,A magumo ya wena ma wa tava ya hombe.+
8 Wutisa a zvizukulwana zva kale,U chela kota ka lezvi a vapapayi vabye va zvi kumileko.+
9 Hakuva hina hi pswalilwe tolo wa ku tolo, a hi tivi nchumu,Hakuva a masiku ya hina laha misaveni i ndzhuti.
10 Xana va nga ta ku gondzisa,Va ku byela lezvi va zvi tivako* ke?
11 A majeka* ma nga kula lahandle ka madhaka ke?
Ni hlanga wu nga kula laha ku nga hiko na mati?
12 Na ma ha longa ku rumbuka, na ma nga se tsemiwa,Ma ta ranga hi wona ma woma ka tisinya tontlhe.
13 Lawa hi wona mawuyawuya* ya vontlhe lava va rivalako Nungungulu,Hakuva a kutsumba ka loyi a nga kholwiko ka Nungungulu* ku ta lova,
14 Loyi a kutsumba kakwe ku nga ka mahalaNi loyi a kutsumba kakwe ku nga tiyangiko a ku fana ni wupe* ga nyazombe.*
15 I ta khigela yindlu yakwe, kanilezvi yi nga ta simama yi yimile;I ta zama ku namarela ka yona, kanilezvi yi nga ta pindzuka.
16 I sinya ya neke* laha mun’wini wa gambo,Ni madhavi yakwe ma nava lomu sin’wini.+
17 Laha ka nhulu ya maribye, a timitsu takwe to tsondzelana;I lavetela yindlu cikari ka maribye.*
18 Kanilezvi a cikhati leci a tsuwulwako* wutshan’wini gakwe,A wutshamu lego gi ta mu ala, giku: ‘A ndzi se tshuka ndzi ku wona.’+
19 Ina, hi zvalezvo a to n’walalisa zvona;+Makunu ku ta huma van’wani hi lomu ntshurini.
20 Hakunene Nungungulu a nga ta ala lava va hanyako hi kutsumbeka;*Ne a nga ta seketela vanhu vo biha.
21 Hakuva wa ha ta tata nomu wa wena hi mahlekoNi minomu ya wena hi kutsaka.
22 Lava va ku vengako va ta bohiswa tingana,Ni tenda ga vakubiha gi nga ta hava kona.”
Mitlhamuselo ya lahasi
^ Hi kukongoma: “I va hoxele canjeni ga kuhluwuka kabye”.
^ Kutani: “suka a yima a ku yimela”.
^ Hi kukongoma: “Va humesa timhaka hi timbilwini tabye”.
^ Kutani: “papiro”.
^ Hi kukongoma: “Ti tshamisile lezvo a tindlela”.
^ Kutani: “ka mudhuki”.
^ Hi kukongoma: “yindlu”.
^ Kutani: “citoli; aranha”.
^ Kutani: “yo nyuka”.
^ Kutani: “I cuwuka yindlu ya maribye”.
^ Kutani: “mitiwako”.
^ Kutani: “lava vo kala nandzu”.
