Hi kutsala ka Johani 17:1-26
17 Andzhako ka loku Jesu a wulile timhaka leti, i no tlakusa matihlo a cuwuka tilweni, aku: “Papayi, a cikhati ci chikele. Dhumisa a n’wana wa wena kasi a n’wana wa wena a fela ku ku dhumisa,+
2 kota lezvi u mu nyikileko ntamu hehla ka nyama* yontlhe,+ kasi a va nyika wutomi ga pindzukelwa+ vontlhe lava u mu nyikileko.+
3 Lezvi zvi wula a wutomi ga pindzukelwa,+ a kuva va ku tiva wena Nungungulu wece wa lisine,+ na Jesu Kristu, loyi u mu rumileko.+
4 Ndzi ku dhumisile misaveni,+ niku ndzi mbhetile a ntiro lowu u ndzi nyikileko ku maha.+
5 Makunu Papayi, ndzi dhumise reveni ga wena hi wudzundzo legi ndzi nga hi nago na ndza ha hi zvin’we na wena a tiko na gi nga seva kona.+
6 “Ndzi tivekisile a vito ga wena ka vanhu lava u ndzi nyikileko tikweni.+ Va wa hi va wena, kanilezvi makunu u ndzi nyikile, niku va ingisile a mhaka ya wena.
7 Zvalezvi va zvi tiva lezvaku a zvilo zvontlhe lezvi u ndzi nyikileko zvita hi ka wena;
8 hakuva ndzi va nyikile a timhaka leti u ndzi nyikileko,+ va ti amukele niku hakunene va zvi tiva lezvaku ndzi tile kota muyimeli wa wena+ niku va kholwa lezvaku hi wena u nga ndzi ruma.+
9 Ndza ku kombela hi kota ya vona; ndza ku kombela, na ndzi nga kombeleli a tiko, kanilezvi ndzi kombelela lava u ndzi nyikileko, hakuva va wena;
10 zvontlhe lezvi zvi nga zva mina zva wena, ni lezvi zva wena zva mina;+ ndzi dhumisilwe cikari kabye.
11 “A ndza ha hi tikweni, kanilezvi vona va laha tikweni;+ mina ndzita ka wena. Papayi wa Kubasa, va hlayise+ hi kota ya vito ga wena legi u ndzi nyikileko, kasi vava mun’we,* a ku khwatsi hi lezvi hina hi nga mun’we.*+
12 Na ndza ha hi zvin’we navo, ndzi wa va hlayisa+ hi kota ya vito ga wena legi u ndzi nyikileko. Ndzi no va vhikela niku i hava ni mun’we wabye a lovileko,*+ ahandle ka n’wana wa kulova,+ kasi a mitsalo yi tatiseka.+
13 Kanilezvi makunu ndzata ka wena, niku ndza wula timhaka leti tikweni kasi vazwa litsako la mina hi kumbhelela.+
14 Ndzi va nyikile a mhaka ya wena, kanilezvi a tiko ga va venga hakuva a hi va tiko,+ khwatsi hi lezvi minawu ndzi nga hiko wa tiko.
15 “A ndzi kombeli lezvaku u va susa tikweni, kanilezvi ndzi kombela lezvaku u va hlayisa hi kota ya loyi wa kubiha.+
16 Vona a hi va tiko+ a ku khwatsi hi lezvi minawu ndzi nga hiko wa tiko.+
17 Va basise* hi lisine;+ a mhaka ya wena lisine.+
18 A ku fana ni lezvi u ndzi rumeleko tikweni, minawu ndza va rumela tikweni.+
19 Ndza ti basisa hi kota ya vona kasi vonawu va basisiwa hi lisine.
20 “Ndza ku kombela, na ndzi nga kombeleli lava voce, kanilezvi ni lava va kholwako ka mina hi kota ya mhaka yabye,
21 kasi vontlhe vava mun’we+ a ku khwatsi hi lezvi wena Papayi u nga zvin’we na mina, na mina ndzi nga zvin’we na wena,+ kasi vonawu vava zvin’we na hina, lezvaku a tiko gi kholwa ku hi wena u nga ndzi ruma.
22 Ndzi va nyikile a kungangamela loku u ndzi nyikileko kasi vava mun’we, a ku khwatsi hi lezvi hina hi nga mun’we.+
23 Mina ndzi zvin’we na vona, na wena u zvin’we na mina, kasi va fela ku mbhelela vava mun’we,* ni tiko gi zvi tiva lezvaku hi wena u nga ndzi ruma ni lezvaku u va randzile a ku fana ni lezvi u ndzi randzileko.
24 Papayi, ndzi lava lezvaku lava u ndzi nyikileko vava na mina laha ndzi nga kona,+ kasi va wona a kungangamela loku u ndzi nyikileko, hakuva u ndzi randzile a tiko na gi nga se vangiwa.+
25 Papayi wa Kululama, a tiko a gi ku tivi ne ni kutsongwani,+ kanilezvi mina ndza ku tiva,+ ni lava va zvi tiva lezvaku hi wena u nga ndzi ruma.
26 Ndzi va tivisile a vito ga wena, ndza ha ta gi tivekisa,+ kasi a lirandzo leli u ndzi randzileko hi lona li fela kuva kabye, minawu ndziva zvin’we navo.”+
Mitlhamuselo ya lahasi
^ Kutani: “vanhu”.
^ Kutani: “zvin’we”.
^ Kutani: “zvin’we”.
^ Kutani: “lahlekileko”.
^ Kutani: “Va veke hi tlhelo”.
^ Kutani: “kasi va fela ku bohana khwatsi”.
