Jona 2:1-10
2 Makunu Jona i no khongela ka Jehovha, a Nungungulu wakwe, na a hi lomu khwirini ga njhanjhi,+
2 aku:
“Hlomulweni wa mina, ndzi no vitana Jehovha, yena a ndzi hlamula.+
Na ndzi hi kueteni* ka Cilahla,* ndzi no rila ndzi kombela ku vhuniwa.+
Wena u nozwa a gezu ga mina.
3 Laha u nga ndzi hoxa kueteni, mbilwini ya bimbi gi etileko,A mati ma no ndzi mita.+
Wontlhe a mavingo* ya wena ya ntamu ma no hundza hi le hehla ka mina.+
4 Mina ndzi te: ‘Ndzi hlongolilwe ndzi suka kuwoneni ka wena!
Ndza ha ta yi cuwukisisa kuyini kambe a tempeli ya wena yo basa ke?’
5 A mati ma ndzi mitile, ma veka mhangweni a wutomi ga mina;*+A mati yo eta ma no ndzi randzela.
A byanyi ga lomu bimbini gi tsondzele a hloko ya mina.
6 Ndzi mbombomele kala le hasi ka zvitsunga.
A zvikwinyaro zva misava zvi wa vhaleka hehla ka mina kala kupindzuka.
Kanilezvi wena Jehovha Nungungulu wa mina u humesile a wutomi ga mina lomu nkeleni.+
7 Laha a wutomi* ga mina gi ngaya gi mbhela, ndzi no alakanya Jehovha.+
A mukhongelo wa mina wu no chikela ka wena, lomu tempeleni ya wena yo basa.+
8 Lava va khozelako a zvifananiso zvi nga vhuniko nchumu, va tsika cibuka cabye ca lirandzo li nga mbheliko.*
9 Kanilezvi mina ndzi ta ku mahela miphahlo hi magezu ya kubonga.
Lezvi ndzi nga funga, ndzi ta zvi tatisa.+
A kuhanyisa kuta hi ka Jehovha.”+
10 Andzhako ka lezvo, Jehovha i no laya njhanjhi lezvaku yi ya hlata Jona misaveni yo woma.
Mitlhamuselo ya lahasi
^ Hi kukongoma: “khwirini”.
^ Kutani: “Xeyole”, ku nga cilahla ca vanhu vontlhe. Wona Tlhamuselo wa magezu ya Bhibhiliya.
^ Kutani: “mabyandlati; mavimbi”.
^ Kutani: “ma ndzi talele kala ka muhefemulo wa mina”.
^ Kutani: “muhefemulo”.
^ Zvi nga maha na zvi wula ku: “va tsika kutsumbeka kabye”.
