Joyeli 1:1-20
1 Leyi i mhaka ya Jehovha yi tileko ka Joyeli,* a n’wana wa Petuweli:
2 “Zwanani lezvi, n’wina madhota,Mu chela kota, n’wina n’wentlhe vaaki va tiko.*
Ku tshukile ku maheka zvilo zvo kota lezvi masikwini ya n’wina,Kutani masikwini ya vakokwani va n’wina ke?+
3 Hlawutelani a timhaka leti ka vana va n’wina,Niku a vana va n’wina va wa hlawutele a vana vabye,Ni vana vabye va hlawutela cizukulwana ci landzelako.
4 Lezvi zvi siyilweko hi humbi* yi pamileko,* zvi gilwe hi ntlawa wa humbi;+Lezvi zvi siyilweko hi ntlawa wa humbi, zvi gilwe hi humbi yi nga hiko na tipapa;Lezvi zvi siyilweko hi humbi yi nga hiko na tipapa, zvi gilwe hi humbi yi lambileko.+
5 Vhukani mu rila, n’wina zvidhakwa!+
Banani huwa, n’wina n’wentlhe vanwi va vhinyo,Hakuva mu tekelwe a dosi ga vhinyo minon’wini ya n’wina.+
6 Hakuva ku tile butho tikweni ga mina, ga ntamu ni ga tsandza-vahlayi.+
A matino ya gona matino ya nghala,+ ni tihlaya ta gona hi leti ta nghala.
7 Gi hahlulile a vhina* wa mina, gi tsema a nkuwu wa mina wu sala wu hi cibho,Gi kwamulele a mahati ya zvona ma ku bhi, gi ma hoxa kule,Gi siya a zvidhavana zva kona na zvi te pa.
8 Banani huwa a ku fana ni lezvi a nhwana* a mahako na a bohile tisakwa,Hi kota ya ku luza a noivho ya wuswa gakwe.
9 A munyikelo wa tindzhoho+ ni munyikelo wa zvakunwa+ a ya ha nehiwi ndlwini ya Jehovha;A vapristi, va nga malandza ya Jehovha, va le cirilweni.
10 A simu gi hahlulilwe, a misava yi le cirilweni;+Hakuva a timbewu ti gohetelwe, a vhinyo yiswa yi pswhile, a mafura ma mbhelile.+
11 A varimi va tsemekile hlanha, a varimi va zvivhina* voba tihuwa,Hi kota ya trigo ni sevhadha;Hakuva a tshovelo wa simu wu lovile.
12 A vhina wu womile,A nkuwu wu wunile.
A romazeira, ni cindzu, ni masiyeira,*Tontlhe a tisinya ta simu ti womile;+Hakuva a kutsaka ku hundzukile kuva tingana cikari ka vanhu.
13 Bohani tisakwa mu rila,* n’wina vapristi;+Banani huwa, n’wina malandza ya alati.
Nghenani mu mbheta wusiku gontlhe na mu bohile tisakwa, n’wina malandza ya Nungungulu wa mina;Hakuva a munyikelo wa tindzhoho+ ni munyikelo wa zvakunwa+ a ya ha nehiwi ndlwini ya Nungungulu wa n’wina.
14 Yimisani* a siku ga kupfhunga;* mu ramba mutlhangano wo basa.+
Tlhanganisani madhota ni vaaki vontlhe va tiko,Ndlwini ya Jehovha, a Nungungulu wa n’wina,+ mu rila ka Jehovha kasi a mu vhuna.
15 Khombo hi kota ya siku lego!
Hakuva a siku ga Jehovha gi laha kusuhani,+Gi tata kota kulovisa hi ka Loyi wa Ntamu Wontlhe!
16 A hi tekelwangi a zvakuga na hi zvi wona,Ni kutsaka zvin’we ni kunengela ndlwini ya Nungungulu wa hina ke?
17 A timbewu* ti womile lahasi ka mafoxola yabye.
A matshala ma hahlulilwe.
A zvihlangala zvi hohlolelwe, hakuva a timbewu ti womile.
18 Hambu a zvifuyo zva keta!
A mitlhambi ya tihomu ya pepetseka hi ku nga ci tivi co maha, hakuva a yi na wuriselo!
Ni mitlhambi ya tiyivhu ya tsayisiwa.
19 O Jehovha, ndzi ta rila ka wena;+Hakuva a ndzilo wu khadamulile a wuriselo ga lomu ciwuleni,Ni malangavi ma hisile a tisinya tontlhe ta simu.
20 Hambu a zvivandza zva khwati zva ku xuva,Hakuva a minonga ya mati yi pswhileNi ndzilo wu khadamulile a wuriselo ga lomu ciwuleni.”
Mitlhamuselo ya lahasi
^ Zvi wulako ku: “Jehovha i Nungungulu”.
^ Kutani: “misava”.
^ A humbi zviharana zvo fana ni bhandzala.
^ Kutani: “khadamulako”.
^ A vhina i sinya leyi yi pswalako mauvha.
^ Kutani: “virgem”.
^ A zvivhina masimu ya tisinya leti ti pswalako mauvha.
^ A masiyeira i sinya leyi yi pswalako maçã.
^ Kutani: “mu tiba zvifuva”.
^ Hi kukongoma: “Basisani”.
^ Kutani: “kujejuwara”.
^ Zvi nga maha na zvi wula ku: “makuwu yo woma”.
